ভারত সরকারগী এজুকেসন মন্ত্রালয়গী দিপার্তমেন্ত ওফ স্কুল এজুকেসন্না এজুকেসন মন্ত্রালয়গী দিপার্তমেন্ত ওফ হায়র এজুকেসনগী মীৎয়েং মখাদা লৈরিবা নেস্নেল বুক ত্রস্তকা লোয়ননা ঙসি দিজিতেল লাইব্রেরী প্লেৎফোর্ম, রাস্ত্রিয় ই-পুস্তকালয়গীদমক ইন্সতিত্যুস্নেল ফ্রেমৱার্ক অমা শেম্নবা MoU অমা খুৎয়েক পীনখ্রে। দিপার্তমেন্ত ওফ হায়র এজুকেসগী সেক্রেতরী, শ্রী সঞ্জয় মুর্তী; দিপার্তমেন্ত ওফ স্কুল এজুকেসন এন্দ লাইব্রেরী (DoSE&L)গী সেক্রেতরী, শ্রী সঞ্জয় কুমার; জোইন্ত সেক্রেতরী, শ্রীমতি অর্চানা শর্ম অৱাস্তি অমসুং মন্ত্রালয়গী মকোক থোংবা ওফিসিএলশিংনা থৌরম অদুদা শরুক য়াখি।

শ্রী কে. সঞ্জয় মুর্তীনা মহাক্কী ৱারোলদা, অঙাংশিংগী পুন্সিদা নন-একাদেমিক লাইরিকশিংগী মরুওইবা অদু পনখি মরমদি মসিনা তুংদা মখোয়না তমগদবা হীরমশিং খনবদা মতেং পাংই। নেস্নেল বুক ত্রস্ততা রাস্ত্রিয় ই-পুস্তকালয়দা য়াওবা য়াবা অফবা লাইরিকশিং ইনবা একাদেমিক ইন্সতিত্যুৎশিংগী ফেকল্তী মেম্বরশিং কৌনবা মহাক্না তকশিনখি।

থৌরম অদুদা ৱা ঙাংলদুনা শ্রী সঞ্জয় কুমারনা লাইরিক পাবগী হৈনবী থম্বগী মরুওইবা অদু পনখি। মহাক্না হায়খি মদুদি লাইরিকশিং অসি মখোয়দা হেন্না য়ৌহন্নবগীদমক্তা, লাইরিকশিংগী জিওগ্রাফিকেল লোকেসন য়েংদনা রিদরশিংদা রাস্ত্রিয় ই-পুস্তাকালয়দা পুং কুন মরি চুপ্পা ফংহল্লগনি।

রাস্ত্রিয় ই-পুস্তকালয়না রাজ্য কয়াগীদমক লাইব্রেরী অমা লৈবগী 'লাস্ত মাইল'গী সমস্যা অসি কোকহনগনি হায়নসু মহাক্না মখা তাখি। মহাক্না কন্তেন্ত এনরিচমেন্ত কম্মিতীনা রাস্ত্রিয় ই-পুস্তকালয়গী প্লেৎফোর্মদা য়াওগদবা লাইরিকশিং অদুগী মতাংদা ৱারেপ লৌগবগী কম্মিতীগী থৌদাং অদুসু পনখি। লাক্কদৌরিবা চহি 2-3 অসিদা লোন 100 হেনবদা লাইরিক 10000 হেন্না লৈরগনি হায়না মহাক্না আশা তৌখি।

শ্রীমতী অৱাস্থিনা রাস্ত্রিয় ই-পুস্তকালয়দা নন-একাদেমিক তাইতলশিং য়াওহন্নবগী মরুওইবা অদু পনখি। মহাক্না হায়খি মদুদি ই-পুস্তকালয়দা ইংলিশ য়াওনা লোন 23দা লাইরিক 1000 হেন্না হাপচিনখ্রে।

অহানবা মখলগী দিজিতেল লাইব্রেরী অমা ওইরিবা রাস্ত্রিয় ই-পুস্তকালয়না অঙাংশিং অমসুং ইনখৎলক্লিবা নহাশিংদা ইংলিস নত্তনা লোন 22 হেনবদা মমিং লৈরবা পব্লিসর 40না ফোঙবা নন-একাদেমিক লাইরিক 1000 হেন্না ফংহন্দুনা ভারতকী অঙাংশিং অমসুং নহাশিংগী মরক্তা লাইরিক পাবগী হৈনবী অমা পোকহন্নবা হোৎনগনি। মসিনা জিওগ্রাফি, লোল, জোনর অমসুং লেবেল পুম্নমক্তা ক্বালিতী লৈবা লাইরিকশিং ফংহনবদা মতেং পাংনবা অমসুং লৈবাক অসিদা লৈরিবা অঙাংশিং অমসুং নহা ওইরিবশিংগীদমক দিভাইস-এগনোস্তিকেল এক্সেসিবিলিতী ফংহন্নবা পান্দম থমগনি। লাইরিকশিং অসি NEP 2020গী মতুং ইন্না চহি 3-8, 8-11, 11-14 অমসুং 14-18 গী মরক্তা লৈবা মীওইশিংগীদমক চহি কাংলুপ মরিদা খায়দোক্কনি।

রাস্ত্রিয় ই-পুস্তকালয় এপ অসি এন্দ্রোইদ অমসুং iOS দিভাইস অনিমক্তা দাউনলোদ তৌবা য়াগনি। রাস্ত্রিয় ই-পুস্তকালয়গী অতোপ্পা মশক থোকপা মগুনশিংগী মনুংদা এদভেঞ্চর অমসুং মিস্ত্রি, হ্যুমর, লিতরেচর অমসুং ফিক্সন, ক্লাসিকেল, নন-ফিক্সন অমসুং সেল্ফ-হেল্প, হিস্তরী, বাইওগ্রাফী, কোমিক্স, পিকচর বুক, সাইন্স, পোইত্রী অসিনচিংবা জোনর কয়াগী লাইরিকশিং য়াওরি। মসিগী মথক্তা, লাইরিকশিং অসিনা বসুধৈব কুতুম্বকমবু মপুং ফাহন্নবগী পান্দমগা লোয়ননা কলচরেল এৱেরনেস, পেত্রোতিজম অমসুং এম্পেথি হেনগৎহল্লগনি।

রাস্ত্রিয় ই-পুস্তকালয় প্রোজেক্ত অসি দিজিতেল দিভাইদ কোকহন্নবা অমসুং মীপুম খুদিংমক্কীদমক ইনক্লুসিব ওইবা ফিভম অমা শেমগৎপদা অচৌবা খোঙথাং অমা ওইরগনি। অসুম্না লাইরিকশিং অসি মতম অমহেক্তদা অমসুং মফম অমহেক্তদা পাবদা ফংলগনি। MoU অসি খুৎয়েক পীনদুনা, DoSEL অমসুং নেস্নেল বুক ত্রস্ত, ইন্দিয়ানা এজুকেস্নেল এনভাইর্নমেন্ত ফগৎহন্নবা পুন্না থবক তৌমিন্ননবা ৱাশক লৌগনি।

MoU অসি খুৎয়েক পীনবনা লৈবাক অসিগী নহারোলশিংদা অফবালাইরিক পাবগী হৈনবী অমা শন্দোক্নবা লৈবাক শিনবা থুংনা ক্বালিতী লৈবা নন-একাদেমিক রিদিং মেতরিএলশিং ফংহন্নবা হোৎনবদা মতেং পাংগনি।

"ভারতকী নহারোলশিংদা লাইরিক পাবগী হৈনবী লৈনহনবা" হায়বা হীরমদা পেনেল দিস্কসন অমা পাঙথোকখি, মসিদা ইন্দিয়ন পব্লিশিং ৱর্ল্দগী এক্সপর্তশিংনা এজুকেসন মন্ত্রালয়গী ওফিসিএলশিং, স্কুল প্রিন্সিপালশিং, পব্লিশরশিং, স্কোলরশিং, মীদিয়াগী মীওইশিং অমসুং অতৈ মীওইশিং য়াওনা ভাবোক্তা মখোয়গী ৱাখল্লোনশিং অদু পাউদমখি।

******