তামিল নাদুগী ৱেলিংতন্দা লৈবা দিফেন্স সর্বিসেস স্তাফ কলেজ(দি এস এস সি) দা ঙসিদগী ৮০শুবা স্তাফ কোর্স হৌখ্রে। কোর্স অসি ভারত লান্মী, নেভি অমসুং এয়র ফোর্সকী ওফিসারশিং মতিক চাবা স্তাফ ওফিসারশিং অমসুং তুংগী মিলিতরি ওফিসারশিং ওইরক্নবা অমসুং অপুনবা সর্বিস অহুম মপুংফানা থবক তৌমিন্নবদা দরকার ওইবা লৌশিং তানশিন্নবা শেম্বনি। কোর্স মনুংদা মহৈরোয় ওফিসার ৪৮০ গী মনুংদা লৈবাক ২৬গী ওফিসার ৩৮ গা লোয়ননা সর্বিস অমমমগী থৌদাং নিংথিনা খঙহনগনি অমসুং চয়োল ৪৫গী মতম মনুংদা লাল্লোং কয়া তম্বীগনি।

মহৈরোয় ওফিসারশিংদা ৱা ঙাংবদা, দি.এস.এস.সিগী কমান্দেন্দ লেপ্তনেন্ত জেনেরেল বিরেন্দ্র ভাতসনা লাল্লোংগী মশক অমসুং মওং, ভুকা ৱার্ল্দগী মরমচৎ অমসুং তুংদা লাক্কদবা শিংনবা কয়া মায়োক্নবা ঙম্নবা মহৈরোয় ওফিসারশিংদা কমদৌনা দি.এস.এস.সিনা তাকপী-তম্বীবগে হায়বগী মতাংদা ফোঙদোকখি। মহাক্না হায়খি লান্মী, নেভি অমসুং এয়র ফোর্স পুন্না থবক তৌমিন্নবগী মরুওইবা কয়া লৈরি অমসুং অনৌবা মতমগী লানফমশিংদা নিংথিনা মতেং পাংননবা সর্বিস অমমমগী তৌবা ঙম্বশিং মশক খঙদোকপা অসি য়াম্না মরুওই।

কমান্দেন্তনা হায়খি ভারতকী মিলিতরি অমসুং ঙাক-শেনগী লমদা ইথিল পীরকপা য়াবা অনৌবা তেক্নোলোজিশিং অমসুং মালেমগী রাজনিতিগী ওইবা ৱাফমশিং মহৈরোয় ওফিসারশিংনা মমুৎ তানা খঙবা দরকার ওই। মসিনা লান্মীগী লাল্লোংশিংদা ৱারেপ লৌবা অমসুং মপুংফানা মতেং পাংবদা মখোয়গী লৌশিং লৈহনগনি।

থবক অসিগী অহানবা ওইনা, ৮০শুবা স্তাফ কোর্স অসিদা ভারত লান্মী, নেভি অমসুং এয়রফোর্স অমসুং মপান লৈবাকশিংদগী খনগৎলবা মহৈরোয় ওফিসারশিংগীদ অখন্নবা করিকুল্লম অমা হৌদোক্লে। করিকুল্লম অসিনা লাল্লোং পুনশিন্নবা সর্বিসশিংগী মরক্তা পুন্না থবক তৌমিন্নবা হেনগৎহন্নবা ঙমগনি অমসুং তুংদা লাক্কদবা থিয়েতর কমান্দশিং লুচিংনবা মখোয়দা থৌনা পীগনি।

***