হেল্থকিয়র ফেসিলিতী অমা হেক্তদা পেসেন্তশিং (আউৎপেসেন্ত অমদি ইনপেসেন্ত অনিমক), স্তাফ অমসুং ভিজিতরশিং শাফনা অমসুং তেক্তা কাইদনা থম্বা হায়বা অসি খ্বাইদগী মরু ওইবনি। হন্দক্তা মফম খরদা মৈহৌ-লাংপোক্কী থৌদোক খরা থোকখি। মসি সব-ওপতিমেল ইলেক্ত্রিকেল মেন্তেনেন্সনা মরম ওইরগা শোর্ত-সর্কিৎশিং থোকপা অমসুং/নত্ত্রগা এয়র-কন্দিস্নরশিং অমসুং অতৈ ইক্বিপমেন্তশিং শীজিন্নবনা মরম ওইদুনা ইলেক্ত্রিসিতী লাইনশিং ওভরলোদ ওইবনা মরম ওইদুনা থোকখিবনি।

হোস্পিতালশিংদা ফায়র হজার্দশিংগা মরী লৈনবা পোতেন্সিএল রিস্কশিং অসি য়েংলগা মৈহৌ-লাংপোক ঙাকথোক্নবা, খঙদোক্নবা অমসুং রেস্পোন্দ তৌনবা স্ত্রিক প্রোতোকলশিং অমদি খোঙথাংশিং মরু ওই। মপাঙ্গল কনবা ফায়র সেফতী প্লান অমা থম্বা অমসুং ফায়র-ইভাক্যুএসন অমসুং সেফতী দ্রিলশিং পাঙথোকপনা রিগ্যুলেতরীগী মথৌ তাবশিং ঙাকপদা নত্তনা পুন্সি অমদি লান-থুম কনবা ঙমহনগনি।

মরম অসিনা তাঙ্কক কয়াদা কেন্দ্রগী হকশেল মন্ত্রালয়না রাজ্য/UT পুম্নমক্কা চৎলিবা কালেন থা মনুংদা তেম্পরেচরগী চাং হেনগৎলকপা অমসুং হোস্পিতালদা মৈহৌ-লাংপোক থোকপগী অচৌবা শীংনবা লৈবা অসিগী মতাংদা পাউ ফাউনরি, রাজ্য/UTশিংদা ভলনরেবল ওইবা লমশিং খঙদোক্তুনা রিগ্যুলর প্রিভেন্তিব ফায়র রিস্ক এসেসমেন্ত দ্রিলশিং পাঙথোক্নবা পাউতাক পীখি।

হীরম অসিদা ইকোন কোনবা য়েংশিন মীফম মে  29, 2024দা রাজ্য/UT পুম্নমক্কা লোয়ননা এদিস্নেল সেক্রেতরী (পব্লিক হেল্থ এন্দ পোলিসী) অমসুং দিরেক্তর জেনরেল ওফ হেল্থ সর্ভিসেস, দিপার্তমেন্ত ওফ GHSকী দিরেক্তরনা পুন্না ময়াই তাংবল লৌদুনা পাঙথোকখি। মখোয়না হন্দক্তা দিল্লীগী লনাই হেল্থ ফেসিলিতী অমদা থোকখিবা লাইবক থীবা মৈহৌ-লাংপোক্কী থৌদোক্কী রিপোর্ত পাউদমখি।

মীফম অসিদা স্তেৎ হেল্থ দিপার্তমেন্তশিংদগী মীহুৎ 15 অমসুং হেল্থ কিয়র ওর্গনাইজেসন 390 রোমনা শরুক য়াখি। খন্ন-নৈনবা অসিগী ফলশিং মখাদা পীরি:

1. ফায়র সেফতীগী কাংলোনশিংগা মরী লৈননা হেল্থ ফেসিলিতী পুম্নমক্না কন্না ঙাক্না চৎপা অমসুং পেরিওদিক এসেসমেন্ত তৌবা মথৌ তাই।
2. মতম চানা ফায়র সেফতীগী NOC লৌবা য়াহন্নবা জ্যশিং/UTশিং অমদি ইন্সতিত্যুতশিংদা  PWDশিং অমসুং লোকেল ফায়র দিপার্তমেন্তশিংগা খুৎশম্ননা চৎনবা পাউতাক পীখি।
3. প্রিভেন্সন এন্দ মেন্তেনেন্স ওফ ফায়র সেফতী’দা চেকলিস্ত  অমা রাজ্যশিং/UTশিংদা শিয়র তৌখি লোয়ননা মসি হেল্থ ফেসিলিতী পুম্নমক্তা মেনশিন্দুনা অমুক পীখৎলক্নবা খঙহনখি।
4. রাজ্য/UTপুম্নমক্তা মেক্রো-লেবেল এসেসমেন্তশিংদা ফীদবেক লাক্লবা মতুংদা ফায়র সেফতীগী মতাংদা রিগ্যুলেতরী প্রোতোকলশিং অমসুং রিগ্যুলর মোক-দ্রিলশিং ঙাক্না চৎকদবনি।

****