ঙরাং জেনেভাদা হেল্থ অমসুং ফেমিলি ৱেলফিয়ারগী য়ুনিয়ন হেল্থ সেক্রেতরি অমসুং ৭৭শুবা ৱার্ল্দ হেল্থ এশেমব্লিগী কম্মিতি এগী চিয়ার্মেন শ্রী অপুর্বা চন্দ্রনা মীফম লোইশিনবগী মহাক্কী ৱারোল পীখ্রে।  হৌখিবা নুমিৎ ৬ অসিদা কম্মিতি এগী থবক্কী মতাংদা মহাক্কী ৱাফম পুথোক্লদুনা, মহাক্না হায়খি মদুদি মরুওইবা ৱাফমশিংদা নিংথিনা খন্ন-নৈনদুনা মালেমগী হশেলগী তুংলমচৎ শেম্নবা ৱারেপশিং লৌখ্রে।

য়ুনিয়ন হেল্থ সেক্রেতরিনা হায়খি কোবিদ মতুংগী অনৌবা যুগ অসিদা অহানবা ওইনা, কম্মিতি এনা ১৪শুবা জেনেরেল প্রোগ্রাম ওফ ৱার্ক ২০২৫-২০২৮ গী থবক পায়খৎলে অমসুং মথং চহি ৪গী হকশেলগী অচেৎপা পান্দম অমা থম্লে। কম্মিতি অসিগী শেন থিনবা অমসুং মতেং পাংনদুনা শেন থাদনবা অমসুং দব্লিউ.ঐচ.ওগী শেন থাদবগী  মতাংদা ঐখোয়না মরৈ য়েৎনখি অমসুং ঐখোয়গী পান্দমশিং ফংনবা ঐখোয়গী পাম্বৈশিং লৈরি। অৱা-অনা তারকপা মতমদা দব্লিউ.ঐচ.ওনা পায়খৎলিবা থবকশিং অদু ঐখোয়না থাগৎলি অমসুং মমাংদা অমুক্তা থেংনদ্রিবা হকশেলগী অমসুং তেক্নিকেল ওইবা ৱাফমশিং খন্নবা অয়ুক অঙনবদগী নুমিদং অথেংবা ফাওবা শাংলবা মরৈ য়েৎনখি।

মহাক্না হায়খি লাইচৎ ঙাকথোক্নবা, শেম-শানবা অমসুং থেংননবা ইন্তরগভর্নমেন্তেল নেগোসিএতিং বোদিগী থবকশিং অমসুং মালেমগী হকশেলগী নিয়মশিং শেমদোক্নবা ৱার্কিং গ্রুপকী থবকশিং কম্মিতি এনা ইকায়খুম্নবা উৎখি। মালেমগী হকশেলগী নিয়মশিং শেমদোকপগা লোয়ননা শিংথানিঙাই ওইবা মাইপাকপা অমা ফংলে। মালেমগী হকশেলগী চৎন-কাংলোনশিং হন্না য়েংশিনবা অসি মীওই খুদিংমক খুদোংচাবা ফংনবা অমসুং অপুনবা অমা শেম্নবা মাইকৈদা থাংজিনবা মখা তাবা খোঙথাং অমনি অমসুং মসিনা তুংদা লাক্কদবা লাইচৎশিংদগী মালেম অসি ঙাকথোকপদা মতেং পাংগনি। মসি ঐখোয়গী ইচাশিং অমসুং ইশুশিংদা পীবা খুদোল অমনি।

নিংথিনা অমসুং কান্নবা ৱাফমশিং খন্নখিবা, নুমিদাংৱাইরমগী সেসনশিং শাংদোকখিবা, মমুৎ তানা খন্ন-নৈনখিবা অমসুং অতেনবা মীফম মনুংদা ভোৎ লৌনখিবা কয়া অদু পল্লদুনা,য়ুনিয়ন হেল্থ সেক্রেতরিনা হায়খি, ৱাখল তামিন্নবগা লোয়ননা ঐখোয়গী অপুনবা পান্দমশিং, পাম্বৈশিং ফংনবা মাইকৈদা ঐখোয় কন্না হোৎনরি। “মীওই খুদিংমক্কী হকশেল, মীওই খুদিংমক হকচাং ফহনবা” হায়বা থিম অসিনা ইথিল পীদুনা ঐখোয় ইমুং অমগুম থবক তৌরি,মসি ভারত্তা ঐখোয়না বসুধাইব কুতুম্বকম-মালেম অসি ইমুং অমনি হায়না খঙনরি।

মহাক্না হায়খি অপুনবা ৱারোল ৬০০গা লোয়ননা, ঐখোয়গী পান্দমশিং ফংনবা ঐখোয়না ৱাফমশিং খন্নখি, তুংগীদমক ঐখোয়গী লম্বী শেমখি। কম্মিতি এনা রিজোলুসন ৯ অমসুং দিসিজন ৩ অয়াবা পীখি। তেক্নিকেল ওইবা ৱাফমশিংগী রিপোর্ত ২৪ খন্নখি অমসুং খঙজিনখি।

মেম্বর লৈবাকশিংগী অনিংবশিং থুংনবা মখোয়না চোকথবা লৈতনা হোৎনবগীদমক শক্নাইরবশিং অমসুং দব্লিউ.ঐচ.ও সেক্রেতরিয়েত য়ুনিয়ন হেল্থ সেক্রেতরিনা মহাক্কী লোইশিনবগী ৱারোলদা থাগৎপা ফোঙদোকখি। মহাক্না হায়খি কম্মিতি এগী চিয়ার্মেন ওইনা ফম পায়বা অসি ইকায়খুম্নবা অমসুং লাইবক ফবা অমনি। মসিগী থৌদাং অসি পুনবা ঐ খল্লকপগীদমক ঐনা অদোম থাগৎচরি অমসুং ঐহাক চিয়ার্মেন ওইহনবগীদমক অদোমগী মফমদা থাজবা থমজরি।

***