شہریت (ترمیمی) ضابطے، 2024 کے تحت شہریت کا سرٹیفکیٹ دینے کا عمل اب ریاست مغربی بنگال میں شروع ہو گیا ہے، جہاں ریاست کی طرف سے درخواستوں کے پہلے گروپ  کو آج بااختیار کمیٹی، مغربی بنگال نے شہریت دی تھی۔

اسی طرح، ہریانہ اور اتراکھنڈ کی ریاستوں کی بااختیار کمیٹیوں نے بھی آج شہریت (ترمیمی) ضابطے، 2024 کے تحت اپنی متعلقہ ریاستوں میں درخواست دہندگان کے پہلے گروپ  کو شہریت دی ہے۔

شہریت (ترمیمی) ضابطے 2024 کے نوٹیفکیشن کے بعد بااختیار کمیٹی، دہلی کی طرف سے دیے گئے شہریت کے سرٹیفکیٹس کا پہلا سیٹ 15 مئی 2024 کو نئی دہلی میں مرکزی داخلہ  سکریٹری نے درخواست گزاروں کے حوالے کیا تھا۔

حکومت ہند نے 11 مارچ 2024 کو شہریت (ترمیمی) ضابطے، 2024 کو مطلع کیا تھا۔ ضابطے  میں درخواست فارم کا طریقہ، ضلعی سطح کی کمیٹی (ڈی ایل سی) کے ذریعے درخواستوں پر کارروائی کا طریقہ کار اور ریاستی سطح کی بااختیار کمیٹی کے ذریعے شہریت کی جانچ اور گرانٹ کا تصور کیا گیاہے۔ درخواستوں کی پروسیسنگ مکمل طور پر آن لائن پورٹل کے ذریعے کی جاتی ہے۔ ان قوانین کی تعمیل میں، پاکستان، بنگلہ دیش اور افغانستان سے ہندو، سکھ، جین، بدھ، پارسی اور عیسائی برادریوں سے تعلق رکھنے والے افراد سے درخواستیں موصول ہوئی ہیں جو مذہب کی بنیاد پر ظلم و ستم  یا اس طرح کے خوف کی وجہ سے 31.12.2014 تک ہندوستان میں داخل ہوئے ہیں۔

************

ش ح۔ا م  ۔ م  ص

 (U: 7092)