আয়ুশ মন্ত্রালয়, ভারত সরকারগী মখাদা ওতোনোমস বোদী অমা ওইরিবা সেন্ত্রেল কাউন্সিল ফোর রিসর্চ ইন আয়ুর্বেদিক সাইন্সেস (সি.সি.আর.এ.এস.)না মে ২৮, ২০২৪দা ইন্দিয়া হেবিতেত সেন্তর, নই দিল্লীদা "ফার্মা রিসর্স ইন আয়ুর্গ্যান এন্দ তেক্নো ইন্নোবেসন (প্রগতি-২০২৪) পাঙথোক্কদৌরি। হায়রিবা ইন্তরেক্তিব মীতিং অসিনা সি.সি.আর.এ.এস. অমসুং আয়ুর্বেদ দ্রগ ইন্দস্ত্রীগা পুনশিন্দুনা রিসর্চকী ওইবা খুদোংচাবা থিদোক্নবা পান্দম থম্লি।

থৌরম অসি সেক্রেতরী আয়ুশ মন্ত্রালয় ভি.দি. রাজেশ কোতেচানা হৌদোক্কনি। মহাক্না আয়ুর্বেদ চাউখৎনবা হোৎনবদা ইন্দস্ত্রীগী ওইবা থৌদাংশিংগী মতাংদা মরুওইবা ৱারোল পীগনি। শ্রীমতি কবিতা গর্গ, জোইন্ত সেক্রেতরী অমসুং দা. কৌস্তুভা উপাধ্য, এদভাইজর, আয়ুশ মন্ত্রালয়সু থৌরম অসিদা শরুক য়াগনি।

প্রোফেসর ভৈদ্যা রবিনরায়ন অচার্য়, সি.সি.আর.এ.এস.কী দিরেক্তর জেনরেলনা সি.সি.আর.এ.এস.কী নাকন্দগী ৱারী ৱাতাই শানবগী মীফম অসিদা লুচিংগনি, মহাক্না রিসর্চতা য়ুম্ফম ওইবা, ক্বালিতী, সেফ, অমসুং আয়ুর্বেদগী পোত্থোক্কী কান্নবগী চাংগী মতাংদা ঙাংগনি। মীফম অসিগী পান্দমদি আয়ুর্বেদগী ফোর্মুলেসন অমসুং তেক্নোলোইকেল ইন্নোবেসন পুথোকপদা চঙলিবা রিসর্চরশিং অমসুং ইন্দস্ত্রিএল পার্তনরশিং শম্নদুনা দ্রগ অমসুং দিভাইস শেমগৎপগী আয়ুর্বেদ স্তেকহোল্দরশিংগী শক্তি হেনগৎহনবনি।

মীফম অসিগী মরুওইবা পান্দমশিংদিঃ

১. সি.সি.আর.এ.এস.না শেমগৎপা তেক্নোলোজী অমসুং রিসর্চ আউৎকমশিং শীজিন্নবা

২. ক্বালিতী কন্ত্রোল, দ্রগ স্তেন্দার্দাইজেসন, পোত্থোক পুথোকপা অমসুং ভেলিদেসন তৌবদা কোলাবোরেতিব রিসর্চকী মতীক চাবা রিসর্চ শেমগৎপা।

৩. ইন-হাউজ আর.এন্দ দি. ফেসিলিতীশিংগা মতীক চাবা ইন্দস্ত্রিএল পার্তনরশিং খঙদোকপা।

৪. দ্রগ অমসুং পোত্থোক পুথোকপগী রিসর্চকী কেপাসিতী বিল্দিংগী খুদোংচাবশিং থিদোকপা।

৫. আয়ুর্বেদ প্রোফেসনেলশিংবু স্তার্ত-অপ অমসুং ইঙ্ক্যুবেতিং সেন্তরশিং লিংখৎপদা মতেং পাংবা, আয়ুর্বেদ ফার্মাস্যুতিক্সতা ওন্ত্রপ্রিন্যুরশিপ শাগৎপ্নি।

থৌরম অসিদা অখন্নবা তেক্নিকেল সেসন মরি য়াওগনি

সেসন অমাঃ সি.সি.আর.এ.এস.কী পোত্থোক পুথোকপগী থৌরাংশিং পুখৎতুনা রিসর্চর ইন্দস্ত্রী কোলাবোরেসন অমসুং পোত্থোক অমসুং ইন্সত্রুমেন্ত ৩৫মক্কী প্রেজেন্তেসন অমসুং লৈবাক শীনবা থুংনা সি.সি.আর.এ.এস.কী লেবোরেতরী মঙা অমসুং হোস্পিতাল সর্ভিস ২৫ অসিবু উত্তথোকপা।

সেসন অনিঃ অহোবশিং খঙদোক্নবা অমসুং রিজনেল অমসুং গ্লোবেল আয়ুর্বেদ দ্রগ শেমগৎপদা থেংনরিবা শীংনবশিং খঙদোক্নবা পেনেল দিস্কসন।

সেসন অহুমঃ সি.সি.আর.এ.এস.দগী ইন্দস্ত্রী এক্সপেক্তেসন অমসুং এক্সপরিএন্সশিং লান্থোক্নবা, মসিগা লোইননা কোলাবোরেসনগী মরুওইবা মফমশিং খঙদোকপা।

সেসন মরিঃ ইহান হানবা ওইনা, ফোকস গ্রুপ দিস্কসনশিংসু "রিসর্চ প্রাইওরিতী লিংখৎপা" হায়বসিদা সি.সি.আর.এ.এস. ইন্দস্ত্রী কোলাবোরেসনগীদমক পাঙথোক্কনি।

থৌরম অসিদা লৈবাক শীনবা থুংবদা লৈরিবা ফার্মাস্যুতিকেল কম্পেনী ৩৫গী মীহুৎশিং, মসিদা ময়াম্না শকখঙনরবা ফার্মশিং হায়দি হিমালয়া, ইমামি, বৈদ্যানাথ, দাবর, আই.এম.পি.সি.এল., আর‍্যা বৈদ্যা সলা, ঔশধি, অমসুং ইম্পকোপ্সকী সি.ই.ও.শিংসু শরুক য়াগনি। মসিগী মথক্তা, সি.আই.আই., আয়ুশ এক্সিল, পি.সি.আই.এম.ঐচ. অমসুং এন.আর.দি.সি.দগী পাউ পীজখিবা অখঙ অহৈশিংসু ৱারী ৱাতাইগী মীফম অসিদা শরুক য়ানবা রেজিস্তর তৌখ্রে।

ফোর্মুলেসন ৩৫ অমসুং শেমগৎলবা ইন্সত্রুমেন্ত অহুমগী অকুপ্পা মরোল অমসুং সি.সি.আর.এ.এস.কী লৈরিবা চাউখৎপা, মসিদা আয়ুশ ৬৪, আয়ুশ এস.জি., আয়ুশ গত্তি, অমসুং অতৈ কয়াসু শরুক য়ারিবা ইন্দস্ত্রীশিংদা থমগনি।

প্রগতি-২০২৪গী কান্নবা লাক্কদবশিংদি শক্তি লৈবা সি.সি.আর.এ.এস.কা চৎমিন্নবা পাম্বা ইন্দস্ত্রিএল পার্তনরশিং খঙদোকপা, সাইন্তিফিক নোলেজশিং লান্নবা অমসুং আয়ুর্বেদিক দ্রগ শেমগৎপগী রিসর্চ আউৎকমশিং শীজিন্নবনি। আহ্যরিবা থৌরাং অসিনা নেৎৱার্কিং অমসুং ইন্সতিত্যুসনেল লিঙ্কেজ হেনগৎহন্দুনা আয়ুর্বেদিক ক্লিনিসিয়ান অমসুং অনাবশিংদা কান্নবা পীগনি।

***