কাউন্সিল ওফ সাইন্তিফিক এন্দ ইন্দস্ত্রিএল রিছার্স (সি এস আই আর)গী দিরেক্তর অমসুং সাইন্তিফিক এন্দ ইন্দস্ত্রিএল রিছার্স দিপার্তমেন্তগী সেক্রেতরি দোক্তর এন.কলাইসেলভিনা মে ২৫,২০২৪দা দুর্গাপুরদা সেন্ত্রেল মেকানিকেল ইঞ্জিনিয়ারিং রিছার্সনা ইলেক্ত্রিক তিল্লর হৌদোকখ্রে। কাউন্সিল ওফ সাইন্তিফিক এন্দ ইন্দস্ত্রিএল রিছার্স (সি এস আই আর)-সেন্ত্রেল মেকানিকেল ইঞ্জিনিয়ারিং রিছার্সকী অনৌবা তেক্নোলোজি অসি লৈবাক অসিগী অপুনবা লৌমীশিংগী চাদা ৮০ হেন্না ওইরিবা লায়রবা লৌমীশিংগী দরকার ওইবশিং ফংহন্নবা পুথোকপনি। লম হেক্তর ২ গী মখাদা লৈবা অসিগুম্বা লৌমীশিং অসিনা তোঙান-তোঙানবা লৌউ-শিংউগী থবকশিংদা ইলেক্ত্রিক তিল্লর শীজিন্নদুনা লৌ উবদা চঙবা শেনফম হন্থহনবা ঙমগনি। মসিগী খুদোংচাবা অসিনা ভারতকী নেত-জিরো ইমিসনগী পান্দম ফংহনবা ঙমগনি অমসুং লৌউ-শিংউগী থবকশিংদা মহৌশাগী অকোয়বগী ফিবম কায়হন্দবা থবকশিং পুক্নিং থৌগৎকনি।

ইলেক্ত্রিক তিল্লর অসি শীজিন্নবদা হেন্না নুংঙাইহল্লে অমসুং মহৌশাগী অকোয়বগী ফিবম শোকহন্দ্রে। মসিনা খুৎ নিকপা হন্থহল্লে, চরাংনবা থোকহন্দ্রে অমসুং মহৌশাগী আই.সি.ই তিল্লরশিংগা চাংদম্নবদা মৈখু থোক্ত্রে। মসিনা শেন চংবা চাদা ৮৫ ফাওবা হন্থহল্লে অমসুং বেত্তরি শীনবগী খুদোংচাবা য়াওরে অমসুং কয়ারক হন্না চার্জ তৌনবগী খুদোংচাবশিং পীরি অমসুং এ.সি অমসুং সোলার দি.সি অনিমক চার্জ তৌবা য়ারে।

তিল্লর অসিদা রিদজরশিং, লাঙ্গোল, য়োৎকী চাকা অমসুং কলতিভেতরশিং য়াওরে। মসিদা ইঞ্চ ২গী ঈশিং চিংনবা পম্প য়াওরে অমসুং কেজি ৫০০ ফাওবা পুবা ঙম্বা ত্রোল্লি অমা য়াওরে। ইলেক্ত্রোনিক কন্ত্রোলশিং য়াওদুনা লৌমীশিংনা হকচাং ৱাদনা থবক তৌবা য়ারগনি। কাউন্সিল ওফ সাইন্তিফিক এন্দ ইন্দস্ত্রিএল রিছার্স (সি এস আই আর)-সেন্ত্রেল মেকানিকেল ইঞ্জিনিয়ারিং রিছার্সনা পুথোকপা ইলেক্ত্রিক তিল্লর অসিনা লৌউ-শিংউগী খুৎলায়শিংগী লমদা অচৌবা মাইপাকপা অমা পুরক্লে অমসুং মসিনা তুংকোইনা চৎনবা য়ারবা অমসুং মতিক চাবা লৌউ-শিংউগী থবক অমা তুংদা পুরকপা ঙম্লগনি।

****