চীফ ওব দিফেন্স স্তাফ, জেনরেল অনিল চৌহন্না মে ২৪, ২০২৪দা বেঙ্গলুরুগী এয়রক্রাফ অমসুং সিস্তেম তেস্তিং ইস্তাব্লিশমেন্ত (এ.এস.তি.ই) অমসুং এয়র ফোর্স তেস্ত পাইলোত স্কুল (এ.এফ.তি.পি.এস.)দা চৎখ্রে। গার্দ ওব ওনরগী থৌরম অমসু পাঙথোকখি অমসুং মহাক্না ভারতকী তেস্ত ক্র্যু অমসুং সাইন্তিস্তশিংনা ফ্লাইত তেস্তিং পাঙথোকপা মতমদা কত্থোকখিবা কয়াগী মফমদা ইকাইখুম্নবা উত্তুনা লৈ পরেং কৎখি। মহাক্কী খোঙচৎ অসিগী শরুক অমা ওইনা, হৌজিক চত্থরিবা এ.এস.তি.ই. গী ত্রাইএল অমসুং এ.এফ.তি.পি.এস.কী ফ্লাইত তেস্ত ত্রেনিংগী মথক্তা আই.এ.এফ.কী অসিগুম্বা অখন্নবা ইন্সতিত্যুসনশিং অসিগী ওর্গানাইজেসনেল রোলশিংগী মতাংদা পাউদম থমখি। আত্মনির্ভরভারত অমসুং ত্রেনিং ইনফ্রাস্ত্রকচরগী শরুক অমা ওইনা মরুওইবা লমদম অসিগী প্রোজেক্ত কয়াগী মথক্তা এ.এস.তি.ই. অমসুং এ.এফ.তি.এস.তা লৈরিবা খুদোংচাবশিংসু য়েংশিনখি। সি.দি.এস. অসিনা চহি য়াংখৈ হেল্লবা এ.এস.তি.ই অমসুং এ.এফ.তি.পি.এস.কী পুৱারী ওইরবা থবক কয়া তাক্লিবা মমল নাইদ্রবা পোৎলমশিং লৈরিবা এ.এস.তি.ই. ম্যুজিয়মদা য়েংখি।

জেনরেল অনিল চৌহন্না এ.এফ.তি.পি.এস.তা পাঙথোকখিবা ৪৬ ফ্লাইত তেস্ত কোর্সকী ভেলেদিক্তরী ফংসন্দা ময়াই তাংবল লৌখি। অপুনবা ওইনা মহৈরোই ১৭ না গ্রেজুএত তৌখি। হায়রিবা থৌরম অসি এ.এস.তি.ই.না গ্রেজুএত ফংলিবা মহৈরোইশিং অসিতা নত্তনা মখোয়গী লোইনবীশিংবুসু ক্বালিফিকেসনগী সর্তিফিকেত পীরিবা সুরঞ্জন দাস দিন্নরগী মহৌশাদগী চত্থরকপা থৌরম অমা ওইনা পাঙথোকখি। তোঙান-তোঙানবা কাংলুপশিংদা হেন্দোক থোইদোক্না হৈথোই শিংথোইবগীদমক্তসু মহৈরোই মঙাদা ত্রোফী খুৎশিন্নখি। মনা ফংখ্রবা মহৈরোইশিং অদুদি খ্বাইদগী ফবা তেস্ত পাইলতকী সুরঞ্জন দাস ত্রোফীগা লোইননা স্ক্বাদ্রোন লিদর এ বর্ৱাল, সি.এ.এস. ত্রোফী ফোর বেস্ত ফ্লাইত ইভালুএসনগা লোইননা স্ক্বাদ্রোন লিদর কাপিল য়াদব, বেস্ত এফ.তি.ই.গী মনা মহারাজা হনুমন্থ সিংহজিগা লোইননা স্ক্বাদ্রোন লিদর ভি সুপ্রিয়া, বেস্ত ইন গ্রাউন্দ সবজেক্তকে কাপিল ভার্গব ত্রোফীগা লোইননা স্ক্বাদ্রোন লিদর রজনিশ রাই অমসুং মোস্ত প্রোমিজিং এফ.তি.ই. অমসুং ফ্লাইত ইভালুএসনগী দুনলোপ ত্রোফীগা লোইননা ল্যুতনেন্ত কমান্দর গৌরব ত্যাগিনি। থৌরম অসিদা এ.ও.সি. ইন সি ত্রেনিং কমান্দ ওব আই.এ.এফ. অমসুং ভেতরান তেস্ত ক্র্যু কয়ানা শরুক য়াখি। একাদেমিক ওভর্ভ্যু অমসুং কোর্স লোইবগী রিপোর্ত অমা ওফিসর কমান্দিং এ.এফ.তি.পি.এস.না ইন্সতিত্যুসন অসিনা সর্ভিস অহুম হায়বদি ইন্দিয়ন কোস্ত গার্দ, হাল, দি.আর.দি.ও. অমসুং মরুপ মপাং ওইনরিবা মপান লৈবাকশিংদা ফ্লাইত তেস্ত ত্রেনিং পীবগী দি ফেক্তো সেন্তর ওব এক্সিলেন্স ওইদুনা লৌরিবা চাউরবা থৌদাংশিংগী মতাংদা থমখি।

মহাক্কী ভেলেদিক্তরী এদ্রেসতা, সি.দি.এস. অসিনা কমান্দেন্ত এ.এস.তি.ই. অমসুং এ.এফ.তি.পি.এস.কী স্তাফ পুম্নমক্কী মফমদা অসিগুম্বা হীরম অসিদা খ্বাইদগী ৱাংবা ত্রেনিংগী থাক পীবগীদমক অমসুং ইন্দিয়ন এয়র ফোর্সপু অনৌবা সমাজ অসিদা চুনহন্দুনা অমসুং লৈবাক অসিগী মিলিতরী এভিএসনগী ফিভম চাউখৎহনবগীদমক শিংথাখি। মহাক্না গ্রেদুএত ফংলিবা ওফিসরশিংবু মথৌ পাঙথোকপা মতমদা শেম শাদুনা খ্বাইদগী ৱাংবা থাক্তা পাঙথোকপা ঙম্নবা অমসুং মখোয়গী তেস্ত ক্র্যু ওইনা অৱাংবা থাক্কী প্রোফেসনেল কেপেবিলিতী ফংবা ঙম্নবগী য়াইফ পাউজেল পীখি। 

***