সেন্ত্রেল বে ওফ বেঙ্গলদগী হৌরক্লিবা নোংলৈ-নুংশিৎ ‘রেমাল’ সমুদ্রদা মী শিবা অমসুং লন-থুম মাঙবা হন্থহন্নবা ইন্দিয়ান কোস্ত কার্দ(আই সি জি)না মাংজৌননা চেকশিন-থৌরাংশিং পায়খৎলে। মসি মে ২৫,২০২৪দা অকনবা নোংলৈ-নুংশিৎ অমা ওইরকপা য়াই হায়না থাজবা থম্লি। নোংলৈ-নুংশিৎ অসি মে ২৬ অমসুং মে ২৭গী লোন্নবা অহিংদা নোংচুপ বেঙ্গলগী সমুদ্র মপানগী অৱাং/অৱাং-নোংচুপ থংবা নোংচুপ বেঙ্গলগী শরুক্তা য়ৌরকপা য়াই হায়না পানরি।

নোংলৈ-নুংশিৎ অসিনা থোকহল্লকপা য়াবা অমাং-অতাশিংদগী অমতা ওইনা থেংননবা আই.সি.জিনা মরী লৈনবা রাজ্য সরকারগী লোয়শঙশিং অমসুং অতৈ মরী লৈনবা এজেন্সিশিংগা থবক পায়খৎমিন্নরে। থৌরাং তৌদুনা লৈনবা অমসুং অপুনবা ওইনা থবক পায়খৎমিননবা ওইরক্লিবা ফিবম অসিগী মতাংদা মরীলৈনবা খুদিংমক্তা ই-পাউ ফংহল্লে।

হালদিয়া অমসুং পরাদিপতা লৈবা আই.সি.জিগী রিমোত ওপরেতিং স্তেসনশিংনা চাংনাইনা অমসুং লোল কয়াদা ভেরি হায় ফ্রিকেন্সি এলার্তশিং শন্দোক্লি, দরকার ওইবা চেকশিন-থৌরাংশিং পায়খৎনবা মফম অসি ফাউদনা চৎলিবা মার্চেন্ত মেরিন্নরশিংদা পাউতাক পীরে। মসিগী মথক্তা, মতম চানা মতেং পাংনবা নোংলৈ-নুংশিৎ অসিনা ফাওদুনা চৎখিবা য়াবা মফমদা আই.সি.জি জহাজশিং অমসুং এয়রক্রাফনা য়েংশিনবগী থবক চৎথরি।

খুদোংথিবা থৌদোক অমা থোক্লকপা মতমদা খুদক্তা মতেং পাংনবা হালদিয়া, পারাদিপ, গোপালপুর অমসুং ফ্রাজেরগঞ্জ য়াওনা মরুওইবা মফমশিংদা দিজাস্তর রিলিফ তিম ৯ থম্লে।

দরকার ওইবা চেকশিন-থৌরাংশিং পায়খৎনবা অমসুং ঙামীশিং অমসুং মার্চেন্ত মেরিন ভেসেলশিং মীকুপ-নাহুম শিংনা লৈনবা থবক পায়খৎনবা আই.সি.জিনা বাংলাদেস কোস্ত কার্দতা খঙহনখ্রে। খামদুনা থম্লিবা মার্চেন্ত ভেসেলশিং চেকশিন্না লৈনবা খঙহনখ্রে অমসুং মতিক চাবা থবকশিং লৌখৎনবা মরীলৈনবা হিথাংফমশিংগী ওথোরিতিশিংদা খঙহনখ্রে। ঙা ফাবা থিংবগী মথক্তা, ফিসরিজ দিপার্তমেন্তনা ওইরক্লিবা ফিবমশিং অসিগী মতাংদা কন্ত্রি বোতশিংদা চেকশিন্না লৈনবা খঙহনখ্রে।

*****