রাস্ত্রপতিগী লোইশঙ
বুদ্ধ পুর্নিমা লাকপদা রাস্ত্রপতিনা য়াইফ-পাউজেল পীরক্লি
Posted On:
22 MAY 2024 5:31PM by PIB Imphal
বুদ্ধ পুর্নিমা লাকপদা পীবা মহাক্কী পাউজেলদা ভারতকী রাস্ত্রপতি শ্রীমতি দ্রৌপতি মুর্মুনা হায়খি:-
“শেংলবা বুদ্ধ পুর্নিমা লাকপদা, মালেম শীনবা থুংনা লৈরিবা ভাগবান বুদ্ধগী তুংইন্নবশিং অমসুং লৈবাক অসিগী নাগরিক খুদিংমক্তা ঐনা ঐগী য়াইফ-পাউজেল পীজরি।
মীনুংশিতনা য়োম্লবা ভাগবান বুদ্ধনা মীওইবা খুন্নাই অমসুং থৱায় পানবা খুদিংমক্কী অচুম্বা, অহিংসা, নুংশিন্নবা অমসুং নুংশিবা পাউজেল শন্দোকখি। ভাগবান বুদ্ধনা হায়খি ‘অপ্পা দেপো ভাবা’ হায়বদি নশামক মঙাল অমা ওইহল্লু। খাংবা কনবা, মশানা মশাবু মশক খঙজবা অমসুং অফবা থবকশিংগী মতাংদা মহাক্কী পাউতাকশিংনা মীওইবা খুন্নাইগী থবক তৌনবা ঐখোয়দা ইথিল পীরি। মহাক্কী লম্বী নিপাল অদুনা ৱাহন্থোক লৈবা পুন্সি অমগীদমক লমজিংনবা লম্বী তাক্লি।
ঐখোয়গী পুন্সিশিংদা ভাগবান বুদ্ধগী অচুম্বা ফিদমশিং ইন্দুনা ঐখোয়না নুংশিন্না হিংমিন্নবা খুন্নাইগী মপাঙ্গল কনখৎহল্লসি অমসুং লৈবাক শেমগৎনবা ৱাশক লৌরসি”।
****
(Release ID: 2021415)
Visitor Counter : 15