কোচিদা পাংথোকপা ৪৬শুবা এন্তারতিক ত্রিতি কন্সলতেতিপ মীতিং(এ তি সি এম) অমসুং ২৬শুবা কম্মিতি ফোর ইনভাইরোনমেন্তেল প্রোতেক্সন(সি ই পি)গী মীফমদা এন্তারতিকাদা তুরিজমগী চৎন-কাংলোনশিং শেম্নবগী অহানবা ওইনা খন্ন-নৈনবা অদু থবক ওইনা পাংথোক্নবা ভারতনা মরুওইবা থৌদাং অমা লৌগদৌরি। ঙসি থৌরম অদুদা আর্থ সাইন্সেস মিনিস্ত্রিগী য়ুনিয়ন মিনিস্তর শ্রী কিরেন রিজিজু শরুক য়াখি। হায়রিবা মীফমশিং অসি কেরলাগী কোচিদা মে ২০ দগী মে ৩০,২০২৪ ফাওবা আর্থ সাইন্সেস মিনিস্ত্রিগী মখাদা লৈবা নেসনেল সেন্তর ফোর পোলার এন্দ ওসিন রিছার্স, গৱা অমসুং এন্তারতিকা ত্রিতি সেক্রেতরিয়েতনা শীন্দুনা পাংথোক্কদবনি। লৈবাক ৪০ হেনবগী মীওই ৩৫০ হেন্না মীফম অসিদা শরুক য়ারি।

এ.তি.সি.এম অমসুং সি.ই.পি অসি লৈবাক ৫৬ না খুৎয়েক পীনখিবা এন্তারতিক ত্রিতিগী প্রোবিজনশিংগা লোয়ননা চহি খুদিংগী পাংথোকপা অৱাংবা থাক্কী মালেমগী মীফমশিংনি। মীফমশিং অসিদা মেম্বর লৈবাকশিংনা সাইন্স, থৌশিল, লৈঙাক, অশীন-অরাং অমসুং অন্তারতিকা ঙাক-শেনবগী মতাংদা ৱাফমশিং খন্নগনি। সি.ই.পি অসি ১৯৯১দা এন্তারতিক ত্রিতি( মেদ্রিদ প্রোতোগোল)দা ইনভাইরোনমেন্তেল প্রোতেক্সনগী প্রোতোগোল মখাদা লিংখৎখিবনি। অন্তারিতক ঙাক-শেনবগী মতাংদা সি.ই.পিনা এ.তি.সি.এমদা পাউতাক পীরি।

ভারত ১৯৮৩ দগী এন্তারতিক ত্রিতিগী কন্সলতেতিপ পার্তি অমা ওইদুনা লাক্লি। অতোপ্পা কন্সলতেতিপ পার্তি ২৮ গা লোয়ননা, অন্তারতিকাগী সাইন্তিফিক ওইনা থিজিনবা অমসুং মহৌশাগী অকোয়বগী ফিবমশিং ঙাক-শেনবদা থবকশিংদা ভারতনা মরুওইবা থৌদাং অমা লৌরি। এদমিনিস্ত্রেসন, সাইন্তিফিক রিছার্স, মহৌশাগী অকোয়বগী ফিবম ঙাক-শেনবা অমসুং  চৎথোক-চৎশিনগী মতাং পীনবগী মতাংদা এ.তি.সি.এম মনুংদা ৱারেপশিং লৌবা অমসুং খন্ন-নৈনবদা ভারতনা ভোৎ পীবগী হক লৈরি। মখা তানা, লৈবাক অসিনা রিছার্স স্তেসনশিং লিংখৎপা, সাইন্তিফি ওইবা থবকশিং পাংথোকপা অমসুং চৎথোক-চৎশিন পাংথোকপা য়াগনি অমসুং মহৌশাগী অকোয়গী ফিবমগী চৎন-কাংলোনশিং চৎহন্নবা অমসুং সাইন্তিফিক দেতা অমসুং রিছার্সতগী ফংলকপশিং অন্তারতিক ত্রিতি মেম্বরশিংগী মরক্তা শরুক য়ামিন্নবা য়াগনি। অন্তারতিক ত্রিতি ঙাক্না চৎপা, মহৌশাগী অকোয়বগী ফিবম ঙাকপা, সাইন্তিফিক রিছার্স য়োকখৎপা অমসুং অন্তারতিকা শান্তিগী মফম অমা ওইহনবা, লান্মীগী থবক অমসুং লম লৌশিনবগী থবকশিং লৈহন্দবদা কন্ত্রেক্তিং অমসুং কন্সলতেতিপ পার্তিশিংনা থৌদাং লৌরি। অর্জেন্তিনাদা লৈবা এন্তারতিক ত্রিতি সেক্রেতরিয়েদকী খুৎথাংদা এ.তি.সি.এমনা থবক পাংথোক্লি।

মীফম অদুদা আর্থ সাইন্সেস মিনিস্ত্রিগী সেক্রেতরি অমসুং ভারতকী মীহুৎ কাংবুগী লুচিংবা দোক্তর এম. রবিচন্দ্রন্না হায়খি অন্তারতিক অসি লমহাংগী অরোইবা ঙমখৈশিং অমসুং সাইন্তিফিক ওইনা অনৌবা পুথোকপগী মহুৎশিল্লি। মসিগী অতোপ-তোপ্পা লমদম অসি শেন্নবা ওইনা, রিছার্স অমসুং তুরিজম য়াওনা থবক খুদিংমক পাংথোকপা মতমদা তুংগী মীরোলশিংগীদমক মসিগী মহৌশাগী শক্তম কায়হন্দনা থম্বা হায়বসি ঐখোয়গী অপুনবা দাইত্বনি। ৪৬শুবা এ.তি.সি.এমদা মসিগী অরুবা থবক অসিদা ভারতনা মাংজিল থাগনি অমসুং অন্তারতিক ত্রিতি সিস্তেমকী পাক-চাউরবা ঙাক্লৌদা থবক ওইনা পাংথোকপা য়াগদবা ৱারেপশিং হাপচিনগনি।

মহাক্না হায়খি ভারত এন্তারতিক ত্রিতি সিস্তেমগী মেম্বর অমা ওইনা, অন্তারতিকদা তুরিজমগী থবকশিং হেনগৎলক্লিবা অমসুং মসিনা মহাদেস অসিগী মহৌশাগী অকোয়বগী ফিবমদা পীরকপা য়াবা চৈথেং থেংনবগী তঙাইফদবা অদু খঙলে। হৌখিবা চহি খর অসিদা এন্তারতিকাদা লমকোয়বা মীওইশিং লাকপা হেনগৎলকপগা লোয়ননা, তুরিজম অসি মরুওইবা ৱাফম অমা ওইরে, মসিগী তোপ-তোপ্পা অমসুং ফজরবা লমদম অসি মশক খঙদোক্নবা তুংকোইনা চৎনবা য়াবা অমসুং দাইত্ব লৈবা চৎন-কাংলোশিং শেম্বা য়াম্না মরুওইরে।

মহাক্না মখা তানা হায়খি মাংজৌননা চেকশিন থৌরাং লৌখৎপদা য়ুম্ফম ওইদুনা অপুনবা, থবক ওইনা পাংথোকপা য়াবা অমসুং মতিক চাবা তুরিজমগী থৌশিল অমা শেম্নবা ভারতনা লাউদুনা লাক্লি। ১৯৬৬ দগী হৌনা এ.তি.সি.এমশিংদা তুরিজমগী চৎন-কাংলোনশিং শেম্নবা খন্নদুনা লাক্লি, অদুবু হায়রিবা ৱাফমশিং অসি এজেন্দা আইতেমশিং, সেসনশিং, চে-চাংশিং নত্ত্রগা ৱারেপশিং ওইদুনা লৈরি। ভারতনা য়ুম্বু ওইবা ৪৬শুবা এ.তি.সি.এমদা অহানবা ওইনা অন্তারতিকাদা তুরিজমগী চৎন-কাংলোন শেম্নবা কৎথোক্লবা ৱার্কিং গ্রুপ অমা শেম্লে।

এন.সি.পি.ও.আরগী দিরেক্তর দোক্তর থম্বান মেলোথনা হায়খি ইন্দিয়ান এন্তারতিক এক্ত ২০২২গী খুৎথাদা তুরিজম য়াওনা এন্তারতিকাদা পাংথোকপা ভারতকী থবকশিং নিয়ম ঙাক্নবা ভারতনা আইনগী ঙাক্লৌ অমা লৈরে। ইন্দিয়ান এন্তারতিক এক্ত অসি মালেমগী থাকশিং য়ৌদুনা ভারতকী তুরিজমগী চৎন-কাংলোনশিংগা মান্নরে অমসুং লমদম অসি ঙাক-শেন্দুনা থম্নবা পান্দমশিং ফংনবা অতোপ্পা এন্তারতিক ত্রিতি লৈবাকশিংগা পুন্না থবক তৌমিন্নরি।

ভারতনা য়ুম্বু ওইদুনা অহানবা ওইনা ২০২২দা ‘হোংলক্লিবা মালেমদা অন্তারতিকা’ হায়বা থিমদা ১০শুবা সাইন্তিফিক কম্মিতি ওন এন্তারতিক রিছার্স মীফম পাংথোকখ্রে অমসুং ইন্তরনেসনেল পোলার ইয়রগী থৌরমশিংদা মতেং পাংখ্রে। সাউথর্ন ওসিনদা ভারতকী খোঙচৎ ১১ পাংথোকখ্রে অমসুং ৱেদেল সি অমসুং সাউথ পোলদা খোঙচৎ অমমম পাংথোকখ্রে। ২০০৭দা ভারতনা য়ুম্বু ওইদুনা নিউ দিল্লিদা ৩০শুবা এ.তি.সি.এম পাংথোকখ্রে অমসুং লৈবাক অসিনা এন্তারতিক ত্রিতি সিস্তেমদা থম্লিবা থাজবা উৎখ্রে। এন্তারতিক আইজ সেল্ফ অমসুং উন ফাউগৎলকপা থিজিন্নবা অমসুং ক্লাইমেত স্তদিজশিংগী দ্রিল আইজ কোরশিং থিজিন্নবা ভারতনা নোর্ৱে অমসুং য়ু.কেগা মতেং পীনরি।

মিনিস্ত্রিগী এদভাইজর অমসুং হোস্ত কন্ত্রি সেক্রেতরিয়েদকী লুচিংবা দোক্তর বিজয় কুমারনা হায়খি হৌখিবা চহি ৪০ অসিদা, এন্তারতিক রিছার্স, মহৌশাগী ফিবম ঙাক-শেনবা অমসুং এন্তারতিক ত্রিতি সিস্তেমগী ঙাক্লৌ মনুংদা মালেমগী ওইনা মতেং পীনবদা ভারতনা মরুওইবা থৌদাং অমা লৌদুনা লাক্লি। এন্তারতিক ত্রিতি সিস্তেমদা কন্সলতেতিপ পার্তিশিং য়াওনা কনাদা অমসুং বেলারুস য়াওহন্নবা খন্ননবা ভারতনা মফম অমা পীগনি। ১৯৮৮ অমসুং ২০০৬ তগী হৌনা কনাদা অমসুং বেলারুস এন্তারতিক ত্রিতি সিস্তেমদা খুৎয়েক পীরবা লৈবাকশিং ওইদুনা লাক্লি। এন্তারিকাদা সাইন্তিফিক ওইনা থিজিনবা অমসুং মালেমগী থাক্তা মতেং পাংনবা পুক্নিং থৌগৎনবা পান্দমশিংদা অনৌবা কন্সলতেতিপ লৈবাকশিং হাপচিনবদা ভারতনা শরুক য়াবা অসিনা হেন্না খুদোংচাহল্লে।

৪৬শুবা এ.তি.সি.এম অমসুং ২৬শুবা সি.ই.পিগী চিয়ারপর্সন ওইনা খল্লবা এম্বেসেদর পঙ্কজ সারন্না হায়খি এন্তারতিক ত্রিতি সিস্তেমগী মনুংদা লৈবাকশিং মতেং পাংনবা অসি এন্তারতিকাগী মহৌশাগী ফিবম ঙাক-শেনবা অমসুং সাইন্তিফিক ওইনা থিজিনবা চাউখৎহনবদা য়াম্না মরুওই। তুংদা এন্তারতিকাগী চৎন-কাংলোনশিং চৎহন্নবদা ভারতনা মরুওইবা থৌদাং অমা লৌগনি।

৪৬শুবা এ.তি.সি.এম প্লেনারি সেসন্দা মিনিস্ত্রিগী হান্নগী সেক্রেতরি পদ্ম ভুসন দোক্তর সাইলেস নয়াকনা ‘এন্তারতকা  অমসুং ক্লাইমেত চেঞ্জ’ হায়বা হিরমদা ৱা ঙাংখি। থৌরম অদুদা এক্সতর্নেল এফেয়ার্স মিনিস্ত্রিগী সেক্রেতরি(ৱেস্ত) শ্রী পবন কাপুরশু শরুক য়াখি।

****