ایمپلائمنٹ پراویڈینٹ فنڈ آگنائزیشن (ای پی ایف او) کے عارضی پے رول کے 20 مئی 2024 کو جاری ہونے والے اعداد و شمار كے مطابق ای پی ایف او نے مارچ 2024 کے مہینے میں مجموعی طور پر 14.41 لاکھ  ممبروں کو شامل کیا ہے۔

اعداد و شمار بتاتے ہیں کہ مارچ 2024 کے دوران تقریباً 7.47 لاکھ نئے ممبران کا اندراج کیا گیا ہے۔ اعداد و شمار کا ایک قابل توجہ پہلو 18-25 سال کی عمر کے گروپ کا غلبہ دكھاتا ہے جو مارچ 2024 میں شامل کیے گئے کل نئے اراکین کا 56.83 فیصد ہے۔ منظم افرادی قوت میں شامل ہونے والے افراد کی اکثریت اُن نوجوانوں کی ہے جو بنیادی طور پر پہلی بار ملازمت کے متلاشی تھے۔

پے رول کے اعداد و شمار كے مطابق تقریباً 11.80 لاکھ ممبران نے ای پی ایف او میں دوبارہ شمولیت اختیار کی۔ ان ارکان نے اپنی ملازمتیں تبدیل تو کیں لیكن ای پی ایف او کے دائرہ کار میں آنے والے اداروں میں ہی دوبارہ شمولیت اختیار کی اور حتمی تصفیہ کے لیے درخواست دینے کے بجائے اپنی جمع شدہ رقم منتقل کرنے کا انتخاب کیا۔ اس طرح ان لوگوں نے طویل مدتی مالی بہبود کی حفاظت اور ان کے سماجی تحفظ کے تحفظ کو بڑھانے كو ترجیح دی۔

پے رول کے اعداد و شمار کے صنفی تجزیہ سے پتہ چلتا ہے کہ 7.47 لاکھ نئے ممبران میں تقریباً 2 لاکھ نئی خاتون اركان ہیں۔ متذكرہ ماہ کے دوران خالص خاتون اراكین کا اضافہ تقریباً 2.90 لاکھ رہا۔ خاتون اراكین کا اضافہ زیادہ جامع اور متنوع افرادی قوت کی طرف وسیع تر تبدیلی کا اشارہ كرتا ہے۔

صنعت کے لحاظ سے جو اعداد و شمار ہین ان کا ماہ بہ ماہ موازنہ صنعتی اداروں میں کام کرنے والے ممبران کی ترقی کو ظاہر کرتا ہے۔ ان صنعتوں میں مینو فیکچرنگ، مارکیٹنگ سروسنگ، کمپیوٹرز کے استعمال، ریستوراں، چارٹرڈ یا رجسٹرڈ اکاؤنٹنٹ، فش پروسیسنگ اور نان ویج فوڈ پرزرویشن، بیڑی وغیرہ بنانے میں مصروف ادارے شامل ہیں۔ کُل مجموعی رکنیت میں تقریباً 43 فیصد اضافے كا تعلق ماہر خدمات (افرادی قوت فراہم کرنے والے، عام ٹھیکیداروں، سیکورٹی خدمات، متفرق سرگرمیاں وغیرہ پر مشتمل) سے ہے۔

مندرجہ بالا پے رول ڈیٹا بہر حال عارضی ہے کیونکہ ڈیٹا تیار کرنا اور ملازمین کے ریکارڈ کو اپ ڈیٹ کرنا ایک مسلسل عمل ہے۔ اس لیے پچھلا ڈیٹا ہر ماہ اپ ڈیٹ ہوتا ہے۔ اپریل-2018 سے ای پی ایف او ستمبر 2017 کے بعد کی مدت کا احاطہ کرتے ہوئے پے رول ڈیٹا جاری کر رہا ہے۔ ماہانہ پے رول کے اعداد و شمار میں آدھار کی توثیق شدہ یونیورسل اکاؤنٹ نمبر (یو اے این) کے ذریعے پہلی بار ای پی ایف او میں شامل ہونے والے اراکین کی تعداد، ای پی ایف او کی کوریج سے باہر نکلنے والے موجودہ اراکین اور جو لوگ باہر نکل كر دوبارہ ممبر کے طور پر شامل ہو رہے ہیں، انہیں پیش نظر ركھ كر ماہانہ مجمعی پے رول  پر پہنچا جاتا ہے۔

***

ش ح۔ ع س۔ ک ا

U NO 6968