آج نرواچن سدن میں چیف الیكشن كمشنر جناب راجیو کمار اور الیكشن كمشنر ایس جناب گیانش کمار اور جناب سکھبیر سنگھ سندھو کی قیادت میں کمیشن نے چیف سکریٹری اور ڈی جی پی آندھرا پردیش کے ساتھ  منعقدہ ایک میٹنگ میں آندھرا پردیش میں انتخابات کے بعد ہونے والے تشدد پر اپنی ناراضگی کا اظہار کیا۔ الفاظ چبائے بغیر کمیشن نے سی ایس اور ڈی جی پی کو ہدایت دی کہ وہ اس بات کو یقینی بنائیں کہ دوبارہ اس طرح کا تشدد برپا نہ ہو اور تمام ایس پیز کو مستقبل میں ایسی صورتحال سے بچنے کے لیے پیشگی اقدامات کرنے کی ذمہ داری سونپی جائے۔

کمیشن نے اپنی سطح پر معاملات کا جائزہ لیا اور سی ایس اور ڈی جی پی کو سخت نگرانی کی ہدایت دی تاکہ قصور واروں کے خلاف قانون کے مطابق، ترجیحی طور پر ضابطہ اخلاق کی میعاد کے اندر بروقت چارج شیٹ دائر کرنے پر مناسب فیصلے کو یقینی بنایا جائے ۔

بریفنگ کے دوران، سی ایس اور ڈی جی پی نے تشدد سے متاثرہ اضلاع میں اہلکاروں کی جانب سے لاپرواہی اور نگرانی کی کمی کے بارے میں اپنے جائزے کا اشتراک کیا۔ کمیشن نے ریاستی حکومت کی درج ذیل تجاویز کو منظوری دی:

1۔ ضلع کلکٹر، پلناڈو کا تبادلہ اور محکمہ جاتی انکوائری کا آغاز۔

2۔ ایس پی، پلناڈو اور ایس پی، اننت پورامو اضلاع کی معطلی اور محکمہ جاتی انکوائری کا آغاز۔

3۔ ایس پی، تروپتی کا تبادلہ اور محکمہ جاتی انکوائری کا آغاز۔

4۔ ان تینوں اضلاع (پلناڈو، اننت پورم اور تروپتی) میں 12 ماتحت پولیس اہلکاروں کی معطلی اور محکمہ جاتی انکوائری کا آغاز۔

5۔ اسپیشل انویسٹی گیشن ٹیم معاملے کی تحقیقات کرے گی اور ہر کیس میں دو دن كے اندر کمیشن کو کارروائی کی رپورٹ پیش کرے گی۔

اضافی مناسب آءی پی سی سیکشنوں اور دیگر متعلقہ قانونی دفعات کے ساتھ ایف آءی آر کو اپ ڈیٹ کیا جانا ہے۔

6۔ ریاست نے نتائج کے اعلان کے بعد کسی بھی ممکنہ تشدد پر قابو پانے کے لیے گنتی کے بعد بھی سی اے پی ایف كی 25 کمپنیوں کو 15 دنوں تک برقرار رکھنے کی درخواست کی ہے۔

 کمیشن نے وزارت داخلہ کو یہ ہدایت دینے کا فیصلہ کیا ہے کہ وہ آندھرا پردیش میں 25 سی اے پی ایف کمپنیوں کو گنتی کے بعد 15 دن تک برقرار رکھے تاکہ نتائج کے اعلان کے بعد کسی بھی تشدد پر قابو پایا جا سکے۔

یاد رہے کہ ای سی آئی نے چیف سکریٹری اور ڈی جی پی، آندھرا پردیش کو نئی دہلی طلب کیا ہے تاکہ وہ ذاتی طور پر پولنگ کے بعد تشدد پر قابو پانے میں انتظامیہ کی ناکامی کی وجوہات بتائیں۔ اننت پورم، پلناڈو اور تروپتی اضلاع میں پولنگ کے دن اور پولنگ کے بعد تشدد کے کئی واقعات كی رپورٹ كی گئی۔ پولنگ سے قبل ایسے واقعات بھی كی بھی رپورٹ كی گئی جن میں حملہ، مخالف فریق کی جائیداد/دفتر کو آگ لگانا، دھمکیاں دینا، مہم والی گاڑیوں کو نقصان پہنچانا، پتھراؤ وغیرہ شامل ہیں۔ ان میں سے زیادہ تر واقعات انامیا، چتوڑ اور پلناڈو کے اضلاع میں اور چند واقعات گنٹور، اننت پور اور نندیال وغیرہ میں ہوئے۔

***

ش ح۔ ع س۔ ک ا