ఆన్‌లైన్ నకిలీ సమీక్షల నుండి వినియోగదారుల ప్రయోజనాలను పరిరక్షించడంపై వినియోగదారుల వ్యవహారాల శాఖ ఈరోజు ఇక్కడ వాటాదారులతో సంప్రదింపులను నిర్వహించింది. వినియోగదారుల వ్యవహారాల శాఖ కార్యదర్శి శ్రీమతి నిధి ఖరే ఈ సమావేశానికి అధ్యక్షత వహించారు.
 

ఎన్‌సిహెచ్‌లో నమోదైన ఇ-కామర్స్‌కు సంబంధించిన వినియోగదారుల ఫిర్యాదుల సంఖ్య గణనీయంగా పెరిగింది. 2018లో 95,270 (మొత్తం ఫిర్యాదుల్లో 22 శాతం), 2023లో ఫిర్యాదుల సంఖ్య 4,44,034కి పెరిగింది (మొత్తం ఫిర్యాదుల్లో 43శాతం).

వినియోగదారులు ఉత్పత్తులను భౌతికంగా తనిఖీ చేయలేని చోట ఇ-కామర్స్ వర్చువల్ షాపింగ్ అనుభవాన్ని అందిస్తుంది కాబట్టి, వారు ఇప్పటికే వస్తువులు లేదా సేవలను కొనుగోలు చేసిన వినియోగదారుల నుండి అంతర్దృష్టులు, అనుభవాలను సేకరించడానికి ఇ-కామర్స్ ప్లాట్‌ఫారమ్‌లలో లభించే సమీక్షలపై గణనీయంగా ఆధారపడతారు. ఆన్‌లైన్ సమీక్షలు సంభావ్య కస్టమర్‌లకు సామాజిక రుజువును అందిస్తాయి. ఉత్పత్తిని కొనుగోలు చేయడం లేదా సేవను పొందడంలో వారికి విశ్వాసాన్ని ఇస్తాయి.

ఆన్‌లైన్‌లో నకిలీ సమీక్షలు ఉండటం వల్ల షాపింగ్ ప్లాట్‌ఫారమ్‌ల విశ్వసనీయత దెబ్బతింటుంది. వినియోగదారులు తప్పుడు కొనుగోలు నిర్ణయాలు తీసుకునేలా చేయవచ్చు. నవంబర్, 2022లో, డిపార్ట్‌మెంట్ ఇండియన్ స్టాండర్డ్ (ఐఎస్) 19000:2022 'ఆన్‌లైన్ వినియోగదారు సమీక్షలు - సూత్రాలు, అవసరాలు వాటి సేకరణ, నియంత్రణ, ప్రచురణలను ప్రారంభించింది. 

సమీక్ష రచయిత, సమీక్ష నిర్వాహకులకు ప్రమాణం నిర్దిష్ట బాధ్యతలను నిర్దేశిస్తుంది. ప్రమాణం ప్రకారం, సంస్థలు నిర్దిష్ట నిర్దేశిత మోడ్‌ల ద్వారా సమీక్ష రచయితను గుర్తించాలి. వ్రాతపూర్వక అభ్యాస నియమావళిని అభివృద్ధి చేయాలి, ఈ పత్రం మార్గదర్శక సూత్రాలు ఎలా నెరవేరుతాయో తెలియజేస్తుంది. డ్రాఫ్ట్ క్వాలిటీ కంట్రోల్ ఆర్డర్ (క్యూసిఓ) కింద అందించబడిన ముఖ్యమైన అవసరాలు, ఆన్‌లైన్ వినియోగదారు సమీక్షలను సేకరించడం, నియంత్రించడం, ప్రచురించడం వంటి ప్రక్రియలు నిజమైన సమీక్షలు ప్రచురణను నిర్ధారిస్తాయి.

****