মেঘালয়গী উমরোইদা লৈবা মপুং ফানা দিবেলপ তৌরবা অমসুং মোদর্ন ফোরেন ত্রেনিং নোদ অমদা ঙসি ভারত-ফ্রান্সকী 7শুবা জোইন্ত মিলিতরী এক্সর্সাইজ শক্তি হৌখ্রে। এক্সর্সাইজ অসি মে 13দগী 26, 2024 ফাওবা পাঙথোক্কনি। জোইন্ত এক্সর্সাইজ অসিগী হৌদোকপগী থৌরম অসি ভারত্তা লৈবা ফ্রান্সকী এম্বেসেদর ঐচ.ই. থিয়রী মাথৌ অমসুং জেনরেল ওফিসর কম্মান্দিং 51 সব এরিয়া, মেজর জেনরেল প্রসান্না সুধাকর জোশিনা শরুক য়াখি। এক্সর্সাইজ শক্তি অসি ভারত অমসুং ফ্রান্সতা মথং-মনাও নাইনা পাঙথোকপা বাইএন্নিএল ত্রেনিং ইভেন্ত অমনি। অকোনবা ইদিসন অদু নবেম্বর 2021দা ফ্রান্সতা পাঙথোকখি।

পর্সনেল 90 য়াওবা ভারতকী কন্তিঞ্জেন্ত অসি মরুওইনা রাজপুৎ রেজিমেন্তকী বতালিয়ন অমনা অতোপ্পা লান্মীশিং অমসুং সর্বিসশিংগী মীওইশিংগা লোয়ননা রিপ্রজেন্ত তৌরি। ইন্দিয়ন নেভী অমসুং ইন্দিয়ন এয়র ফোর্সকী ওবজর্ভরশিংসু এক্সর্সাইজ অসিদা শরুক য়াগনি। পর্সনেল 90 য়াওবা ফ্রেঞ্চ কন্তিঞ্জেন্ত অসি মরু ওইনা 13শুবা ফোরেন লেজিওন হাফ-ব্রিগেদ (13শুবা DBLE) গী মীওইশিংনা  মপুং ওইনা  রিপ্রজেন্ত তৌগনি।

শক্তী এক্সর্সাইজগী পান্দমদি য়ুনাইতেদ নেসন্স মেন্দেৎকী চেপ্তর VIIগী মখাদা সব কন্ভেন্সনেল সিনারিও অমদা মল্তি-দোমেন ওপরেসনশিং পাঙথোক্নবা নাকল অনিগী অপুনবা মিলিতরী কেপাসিতী হেনগৎহনবনি। অপুনবা এক্সর্সাইজ অসিনা সেমি-অর্বান অমসুং মোউন্তেনগী লমদা ওপরেসনশিংদা মীৎয়েং থমগনি। জোইন্ত ত্রেনিংদগী ফংলগদবা পান্দমশিংদি ফিজিকেল ফিৎনেসকী অৱাংবা দিগ্রৌ অমা ফংহনবা, রিহর্স তৌবা অমসুং তেক্তিকেল লেভেলদা ওপরেসনগীদমক্তা দ্রিলশিং ফগৎহনবা অমসুং খ্বাইদগী ফবা থৌওংশিং শিয়র তৌবা অসিনি।

এক্সর্সাইজ অসিগী মনুংদা পাঙথোক্কদবা তেক্তিকল দ্রিলশিংগী মনুংদা  দ্রোনশিংগী এমপ্লোইমেন্ত অমসুং কাউন্তর দ্রোন সিস্তেমশিংগী মথক্তা তেরোরিস্তনা অপীবা তেরিতোরী অমা লৌশিন্নবা তৌরকপদা থেংনবা, জোইন্ত কমান্দ পোস্ত অমা লিংখৎপা, ইন্তেলিজেন্স অমসুং সর্ভিলেন্স সেন্তর অমা লিংখৎপা, হেলিপেদ/ লেন্দিং সাইৎ অমা সেক্যুর তৌবা, স্মোল তীম ইন্সর্সন অমসুং এক্সত্রেক্সন, স্পেসিএল হেলিবোর্ন ওপরেসনশিং, কোর্দোন অমসুং সর্চ ওপরেসনশিং য়াওরি।

শক্তী এক্সর্সাইজনা নাকল অনিমক্না জোইন্ত ওপরেসনশিং পাঙথোক্নবগীদমক তেক্নিকশিং অমসুং প্রোসিজরশিংদা মখোয়গী খ্বাইদগী ফবা থৌওংশিং শিয়র তৌবা ঙমহনগনি। জোইন্ত এক্সর্সাইজ অসিনা লৈবাক অনিগী আর্মদ ফোর্সেসকী পর্সনেলশিংগী মরক্তা ইন্তর-ওপরেবিলিতী, বোন্হোমী অমসুং কমরেদরি চাউখৎহনবদা মতেং পাংগনি। মসিনা দিফেন্স কোওপরেসনগী থাকসু হেনগৎহল্লগনি, মসিনা মরূপ ওইরিবা লৈবাক অনিগী মরক্তা লৈরিবা নাকল অনিগী ওইবা মরী হেন্না ফগৎহল্লগনি।

******