ইহান হানবা এন.জি.ও.পি.ভি (এক্স-জি.এস.এল.)গী কীল লেয়িংগী থৌরম এম/এস গোৱা শিপয়ার্দ লিমিতেদ, গোৱাদা মে ০৩, ২০২৪দা পাঙথোকখ্রে। থৌরম অসি ভি এ.দি.এম. বি. শিব কুওমার, কন্ত্রোলর ৱারশিপ প্রদক্সন অমসুং এক্যুজিসননা শ্রী বি.কে. উপাধ্য, চীয়রমেন অমসুং মেনেজিং দিরেক্তর, জি.এস.এল অমসুং ইন্দিয়ন নেভী অমসুং এম./এস. জি.এস.এল.গী মকোক থোংবা ওফিসিএলশিংগা লোইননা থৌরম মপু ওইখি।

লমদম অসিগী ওইবা মওংদা শাজবা অমসুং নেক্স জেনরেসন ওফসোর পেত্রোল ভেসেল (এন.জি.ও.পি.ভি.) ১১ শাবগী কন্ত্রেক্ত অসি মার্চ ৩০, ২০২৩দা এম.ও.দি. অমসুং এম/এস গোৱা শিপয়ার্দ লিমিতেদ (জি.এস.এল.), গোৱা অমসুং এম./এস. গার্দন রিচ শিপবিল্দর অমসুং ইঞ্জিনীয়র (জি.আর.এস.ই), কোলকতা অনিগী মরক্তা জহাজ তরেতনা লিদ শিপয়ার্দ এম./এস. জি.এস.এল.না শাদুনা অমসুং জহাজ মরিনা ফোলো শিপয়ার্দ এম/এস জি.আর.এস.ই.না শাবা হায়না য়ানখি।

এন.জি.ও.পি.ভি.শিং অসি এন্তি পাইরেসি, কোস্তেল দিফেন্স অমসুং সর্ভিলেন্স, সর্চ অমসুং রেস্ক্যু অমসুং ওফশোর এসেতশিং ঙাকশেন্নবগী থবকশিংদা শীজিন্নগনি। হায়রিবা জহাজশিং অসিনা ইন্দিয়ন নেভীবু মখোয়গী লানগী শক্তিশিং শেন্মিৎলোন অমসুং জিওপোলিতিকেলগী ওইবা থবকশিং ইন্দিয়ন ওসিন রিজন্দা হেনগৎহল্লগনি। মসিনা ইন্দিয়ন নেভীনা লমদম অসিগী ওইবা মওংদা জহাজ শাবগী চঙশিল্লিবা থবকশিংদা চাউনা মায় পাকপা অমা ওইরগনি অমসুং মসিনা লৈবাকসিগী 'আত্মনির্ভর ভারত' অমসুং 'মেক ইন ইন্দিয়া' থৌরাংগী শরুক অমা ওইরি।

***