সুপরসোনিক মিসাইল-এসিস্তেদ রিলিজ ওফ তোর্পেদো (SMART) সিস্তেম অসি ওদিশাগী সমুদ্র খোঙবান মনাক্তা লৈবা দোক্তর এ.পি.জে. অব্দুল কলাম আইলেন্দদগী মে 01, 2024 গী অয়ুক পুং 0830 রোম তাবদা মাই পাক্না ফ্লাইৎ তেস্ত তৌখি। SMART অসি দিফেন্স রিসর্স এন্দ দিবেলপমেন্ত ওর্গনাইজেসন (DRDO)না দিজাইন তৌরবা নেক্স জেনরেসনগী মিসাইলদা য়ুম্ফম ওইবা লাইৎ-ৱেৎ তোর্পিদো দেলিভরী সিস্তেম অমনি। মসিনা লাইৎ-ৱেৎ তোর্পিদোগী চৎনরিবা রেঞ্জদগী হেন্দুনা ইন্দিয়ন নেভীগী এন্তি-সবমেরিন ৱারফেয়রগী মতিক-ময়াই হেনগৎহনগনি।

কেনিস্তর-বেজ মিসাইল সিস্তেম অসিদা এদভান্স সব-সিস্তেম কয়া অমা য়াওই, মমিং ওইনা পল্লবদা স্তেজ অনিগী সোলিদ প্রোপলজন সিস্তেম, ইলেক্ত্রোমেকানিক এক্ত্যুএতর সিস্তেম, প্রিসিজন ইনের্সিএল নেভিগেসন সিস্তেম অসিনচিংবা। পেরাচুৎ-বেজ রিলিজ সিস্তেমগা লোয়ননা সিস্তেম অসিনা এদভান্দ লাইৎ-ৱেৎ তোর্পিদো অমা পেলোদ ওইনা পুদুনা চৎলি

মিসাইল অদু গ্রাউন্দ মোবাইল লোঞ্চরদগী লোঞ্চ তৌখি। সিমেত্রিক সেপরেসন, ইজেক্সন অমসুং ভেলোসিতি কন্ত্রোলগুম্বা স্তেৎ-ওফ-দি-আর্ত মেকানিজম কয়া অমা মসিগী তেস্ত অসিদা ভেলিদেতেদ তৌখ্রে।

ঙাকশেল মন্ত্রী শ্রী রাজনাথ সিংহনা DRDO অমসুং ইন্দস্ত্রীগী পার্তনরশিংদা SMART কী মাই পাক্লবা ফ্লাইৎ-তেস্ত তৌবগীদমক থাগৎপা ফোঙদোকখ্রে। “সিস্তেম অসি শেমগৎলকপনা ঐখোয়গী নেভীগী মপাঙ্গল মখা তানা হেনগৎহল্লগনি”, হায়না মহাক্না ফোঙদোকখি।

দিফেন্স R&D দিপার্তমেন্তগী সেক্রেতরী অমসুং DRDOগী চেয়রমেন দোক্তর সমির ভি কামতনা অপুনবা SMART তীমনা পুনশিন্নদুনা হোৎনবগীদমক থাগৎপা ফোঙদোকখি অমসুং মাইপাকপগী লম্বেলদা মখা তানা চংশিন্নবা হায়খি।

***