এপ্রিল 25, 2024দা AFMCগী কেপ্তেন দেবাশিশ শর্ম, কির্তি চক্র পরেদ গ্রাউন্দা পাঙথোকপা অখন্নবা থৌরম অমদা পুনেগী আর্মদ ফোর্সেস মেদিকেল কোলেজকী 58শুবা বেৎচকী মেদিকেল গ্রেজ্যুএৎ চামা তরানিথোই ইন্দিয়ন আর্মদ ফোর্সেস্তা কম্মিসন তৌখ্রে।

থৌরম অদুগী অথোইবা মীথুংলেন দিরেক্তর জেনরেল আর্মদ ফোর্সেস মেদিকেল সর্ভিসেস (DGAFMS) অমসুং সিনিয়র কর্নেল কম্মান্দেন্ত, আর্মী মেদিকেল কোর্পসকী লেফতনেন্ত জেনরেল দলিৎ সিংহনা ওইখি। DGAFMSনা মেদিকেল কেদেৎ (হৌজিক্না লেফতনেন্ত) সুশিল কুমার সিংহনা কম্মান্দ তৌখিবা কম্মিসন তৌবগী পরেদ অদু য়েংশিনখি।

নৌনা কম্মিসন তৌরবা ওফিসরশিংদা নুংঙাইবা ফোঙদোক্লদুনা DGAFMSনা মখোয়দা কত্থোকপগা লোয়ননা লৈবাক অমসুং আর্মদ ফোর্সেসকী শেবা তৌনবা হায়খি অমসুং মখোয়গী অফবা অমসুং চাউখৎপা তুংলমচৎ ওইনবা য়াইফ-মঙ্গোল পীখি।

AFMCগী 58শুবা বেৎচকী কেদেৎশিংনা MUHS ৱিন্তর 2023গী একজামিনেসন্দা শীংথানীংঙাই ওইনা পরফোর্ম তৌখি অমসুং অপুনবা কেদেৎ চামা নিফুনা গ্রেজ্যুএৎ তৌখি মসিদা মরু ওইবা মীরৈবাক্কী কেদেৎ মঙা য়াওখি। আর্মদ ফোর্সেস মেদিকেল সর্ভিসতা কম্মিসন পীরবা কেদেৎ চামা তরানিথোইগী মনুংদা হুমদ্রা তরেৎনা জেন্তলমেন কেদেৎশিংনি অমসুং কুনমঙানা লেদী কেদেৎশিংনি। মরফুনিপাননা আর্মিদা, তরানা নেভিদা অমসুং তরামরিনা এয়র ফোর্সতা কম্মিসন তৌখি।

কেদেৎশিং অসিগী একাদেমিক এচিবমেন্তশিংবু শকখঙলদুনা একাদেমিক এৱার্দশিং পীবগী থৌরম অদু কম্মিসন তৌবগী থৌরম অদুগী মতুংদা পাঙথোকখি। "প্রসিদেন্তকী গোল্দ মেদল" অমসুং "কলিঙ্গা ত্রোফি" অসি কোলেজ অসিগী খ্বাইদগী মমিং লৈরবা এৱার্দ অনিনি। চহি অসিদা "প্রসিদেন্তকী গোল্দ মেদল" অসি ফ্লাইং ওফিসর আয়ুশ জয়সৱালদা অমসুং "কলিঙ্গা ত্রোফি" অসি সর্জিয়ন সব লেফতনেন্ত বানি কৌরদা পীখি।

লৈবাক অসিগী ক্বালিতী লৈবা মেদিকেল এজুকেসন অমসুং হেল্থকেয়র সর্বিসশিং পীনবগীদমক্তা মালেমগী থাক্তা শকখঙনরবা, মকোক থোংবা মেদিকেল কোলেজ মঙাগী মরক্তা রেঙ্ক চল্লবা AFMCবু  লৈবাক অসিদা চহী 75 চুপ্না শেবা তৌবগীদমক 2023গী দিসেম্বর 1দা ভারতকী রাস্ত্রপতি শ্রীমতী দ্রুপদী মর্মুনা প্রসিদেন্তগী কলর পীখি। মসিবু মার্চ 18, 2024দা PVSM, UYSM, AVSM, SM, VSM, চীফ ওফ দিফেন্স স্তাফ (CDS), জেনরেল অনিল চৌহান্না চীফ ওফ দিফেন্স স্তাফ য়ুনিৎ সাইতেসনসু পীখি।

নীংশিংন্নীংঙাই ওইবা থৌরম অসিদা সিনিয়র সর্ভিং ওফিসরশিং, ভেতরেনশিং, ফেকলতী ওফিসরশিং, মেদিকেল অমসুং নর্সিং কেদেৎশিং, কম্মিসন তৌখিবা কেদেৎশিংগী মমা-মপা অমসুং ইমুং-মনুংশিংনা শরুক য়াখি।

AFMCদা অখন্নবা পাসিং আউৎ পরেদ থৌরম অসি AVSM, SM, VSM, দিরেক্তর অমসুং কম্মান্দেন্ত, লেফতনেন্ত জেনরেল নরেন্দ্র কোতৱাল অমসুং AFMC গী দীন অমসুং দিপুতি কম্মান্দেন্ত মেজর জেনরেল গিরিরাজ সিংহগী মীৎয়েং মখাদা শীনখি।

*****