DG IMDনা ঙসি ইলেক্সন কম্মিসনদা থা অসিগী 26তা পাঙথোক্কদৌরিবা জেনরেল ইলেক্সনগী অনিশুবা তাঙ্কক্কীদমক হিৎ ৱেবকা মরী লৈননা নুংনাংনীংঙাই ওইবা মরু ওইবা ৱাফম লৈতে হায়না খঙহনখ্রে। ফেজ  2দা মীখল পাঙথোক্কদৌরিবা রাজ্য/UT 13গী অইং-অশাগী ফীভম অসি নোর্মেল ওই হায়না ফোর্কাস্ত তৌখি। লৈবাক অসিগী শরুক খরদা নোর্মেল তেম্পরেচরগী মথক্তা লৈবা অমসুং হিৎ ৱেবশিংগী রিপোর্তশিং য়েংলদুনা, কম্মিসন্না ঙসি মরী লৈনবা এজেন্সীশিংগা লোয়ননা মীখল পাঙথোক্কদৌরিবা মতম অসিদা অইং অশাগী ওইরক্কদবা ফীভম  খঙনবা অমসুং শাগৎলকপনা মরম ওইদুনা থোকহল্লকপা খুদোংথিবা অমা হেক্তা থেংননবা খোঙথাংশিংগী মতাংদা খন্ন-নৈনবা মীফম অমা পাঙথোকখ্রে।

CEC শ্রী রাজীব কুমারনা লুচিংবা অমসুং ECশিং শ্রী জ্ঞানেশ কুমার অমসুং শ্রী সুখবির সিংহ সন্ধুনা লুচিংবা মীফম অদুদা হকশেল অমসুং য়াইফ-য়ুম্বাল মন্ত্রালয় (MoHFW)গী এদিস্নেল সেক্রেতরী, নেস্নেল দিজাস্তর মেনেজমেন্ত ওথোরিতীগী দিপার্তমেন্ত হেদ (NDMA)গী হেদ ওফ দিপার্তমেন্ত অমসুং ইন্দিয়া মেতিওরোলোজী দিপার্তমেন্ত (IMD) গী DG মেতিওরোলোজীনা শরুক য়াখি।

মীফম অদিদা মখাদা পীরিবা ৱারেপশিং অসি লৌখি:

1. ECI, IMD, NDMA অমসুং হকশেল অমসুং য়াইফ য়ুম্বাল মন্ত্রালয়গী ওফিসিএলশিংনা য়াওবা তাস্ক ফোর্স অমনা পোল্লিং ফেজ অমমমগী নুমিৎ মঙাগী মমাংদা, করিগুম্বা মথৌ তারবদি, মরী লৈনবা দিবেলপমেন্তশিং অমসুং মিতিগেতিবরী মেজরশিং লৌখৎনবগীদমক্তা হিৎ ৱেব অমসুং হ্যুমিদিতীগী ইম্পেক্ত য়েংশিনগনি।
2. কম্মিসন্না MoHFWবু রাজ্যশিংদা লৈরিবা হেল্থ ওথোরিতীশিংদা ইলেক্সন ওপরেসনশিংদা অকায়বা পীবা য়াবা হিৎ ৱেবকী ফিভম লাকপদা মতেং পীনবগীদমক শেম-শানবা অমসুং মতেং পীনবগীদমক মথৌ তাবা পাউতাকশিং থোক্নবা খঙহনখি।
3. মার্চ 16, 2024দা থোকখিবা এদভাইজরীগী মতুং ইন্না পোল্লিং স্তেসনশিংদা শামিয়ানা, থক্নবা ঈশিং, ফেন অমসুং অতৈ অখন্নবা মচাক-মথুমশিং য়াওনা মতিক চাবা থৌরাংশিং পাইখৎনবা রাজ্যগী CEOশিংগা লোয়ননা কম্মিসন্না তোঙানবা রিভিয়ু অমা পাঙথোক্কনি।
4. পোল্লিং স্তেসনগী মফমশিংদা হিৎ ৱেবকী শাফু হন্থহন্নবগীদমক চেকশিল থৌরাংশিং (তৌগদবা অমসুং তৌরোইদবশিং) গীদমক মীয়ামগী মরক্তা IEC (ইনফোর্মেসন, এজুকেসন অমসুং কম্ম্যুনিকেসন) এক্তিবিতীশিং পাঙথোক্কনি।

কম্মিসন্না ৱেদর রিপোর্তশিং নিংথিনা য়েংশিল্লি অমসুং পোল্লিং পর্সনেল অমসুং সেক্যুরিতী ফোর্সশিং, কেন্দিদেৎশিং অমসুং পোলিতিকেল পার্তীগী লুচিংবশিংগা লোয়ননা ভোতরশিংগী খুদোংচানবা শিনগনি।

বেকগ্রাউন্দ:

ৱাফম অসিগী মরুওইবশিং অসি য়েংলগা, রাজ্যশিং/UTশিংদা লৈরিবা CEO পুম্নমক্না চেকশিন্না ঙাক্না চৎনবগীদমক পোল্লিং স্তেসনশিংদা এস্যুর্দ মিনিমম ফেসিলিতীশিংগা মরী লৈননা কম্মিসনগী স্তেন্দিং ইন্সত্রক্সনশিংগা লোয়ননা কম্মিসন অসিনা হিৎ ৱেব ইম্পেক্ত থীংনবা CEO পুম্নমক্তা 16.03.2024দা এদভাইজরী অমা থোকখ্রে।

Heat wave advisory and Assured Minimum Facilities at Polling Booth 🔆⚠️#ECI #IMD #HeatWave #Elections2024 pic.twitter.com/J4ioqvyTyV

— Election Commission of India (@ECISVEEP) March 27, 2024

হকশেল অমসুং য়াইফ য়ুম্বাল মন্ত্রালয় অমসুং NDMAনা হান্নসু হিৎ ৱেবকা মরী লৈনবা সমস্যাশিংগী রিস্ক হন্থহন্নবা এদভাইজরী/ গাইদলাইনশিং থোকখ্রে। হকশেল অমসুং য়াইফ য়ুম্বাল মন্ত্রালয়না রাজ্য খুদিংমক্তা মখোয়গী পব্লিক হেল্থ এদভাইজরীগী শরুক অমা ওইনা স্তেত এক্সন প্লান অমা শেম্নবা খঙহনখ্রে।

***************