ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) کے ذریعہ مقامی طور پر ڈیزائن اور تیار کردہ مین پورٹ ایبل اینٹی ٹینک گائیڈڈ میزائل (ایم پی اے ٹی جی ایم) ویپن سسٹم کو ٹیکنالوجی کی اعلیٰ برتری کے ساتھ ثابت کرنے کے مقصد سے کئی بار پرواز کی مختلف صورتوں میں جائزہ لیا گیا ہے۔ یہ سسٹم ایم پی اے ٹی جی ایم، لانچر، ٹارگٹ ایکوزیشن سسٹم، اور فائر کنٹرول یونٹ پر مشتمل تھا۔

عمومی عملہ معیاری تقاضوں (انفنٹری، انڈین آرمی) میں بیان کردہ مکمل آپریشنل ہدایات کی تعمیل کے حصول کے لیے کافی تعداد میں میزائل داغنے کے ٹرائل کامیابی کے ساتھ کیے گئے ہیں۔ 13 اپریل 2024 کو راجستھان کے پوکھران فیلڈ فائرنگ رینج میں وار ہیڈ فلائٹ ٹرائل کامیابی کے ساتھ کیے گئے۔ میزائل کی کارکردگی اور وار ہیڈ کی کارکردگی قابل ذکر پائی گئی۔

ایم پی اے ٹی جی ایم ٹینڈم وار ہیڈ سسٹم کی رسائی ٹیسٹنگ کامیابی کے ساتھ مکمل کی گئی ہے اور یہ پایا گیا ہے کہ یہ جدید آرمر سے محفوظ مین جنگی ٹینکوں کو شکست دینے کی صلاحیت رکھتا ہے۔ اے ٹی جی ایم سسٹم دن/رات اور حملہ کرنے کی نمایاں صلاحیت سے لیس ہے۔ ٹینک وارفیئر کے لیے میزائل کی صلاحیت میں ڈوئل موڈ سیکر فنکشنلٹی ایک بہت بڑا اضافہ ہے۔ اس کے ساتھ ہی ٹیکنالوجی کی ترقی اور کامیاب مظاہرہ مکمل ہو گیا ہے اور یہ سسٹم اب حتمی صارف تجزیہ ٹرائل کے لیے تیار ہے جس کی وجہ سے اسے ہندوستانی فوج میں شامل کیا جائے گا۔

وزیر دفاع جناب راج ناتھ سنگھ نے سسٹم کے کامیاب ٹرائل کے لیے ڈی آر ڈی او اور ہندوستانی فوج کی تعریف کی ہے اور اسے جدید ٹیکنالوجی پر مبنی دفاعی نظام کی ترقی میں خود انحصاری حاصل کرنے کی جانب ایک اہم قدم قرار دیا ہے۔

سکریٹری، محکمہ دفاع آر اینڈ ڈی اور چیئرمین ڈی آر ڈی او ڈاکٹر سمیر وی کامت نے بھی ٹرائل سے وابستہ ٹیموں کو مبارکباد دی۔

****

ش ح۔ ف ش ع- م ف

U: 6549