صدر جمہوریہ ہند محترمہ دروپدی مرمو نے عید الفطر کے موقع پر ہم وطنوں کو مبارکباد دی ہے۔

اپنے پیغام میں صدر جمہوریہ نے کہا ”عید الفطر کے پرمسرت موقع پر، میں ہندوستان اور بیرون ملک مقیم تمام شہریوں خصوصاً اپنے مسلمان بھائیوں اور بہنوں کو مبارکباد دیتی ہوں اور نیک خواہشات کا اظہار کرتی ہوں۔

یہ تہوار رمضان المبارک کے مقدس مہینے میں روزوں اور عبادتوں کے اختتام پر منایا جاتا ہے اور ہمیں محبت اور بھائی چارے کا پیغام دیتا ہے۔ یہ تہوار اتحاد، احسان اور سخاوت کو فروغ دیتا ہے۔ عید غریبوں اور محروم لوگوں کی مدد کرنے اور ان کے ساتھ اپنی خوشیاں بانٹنے کا موقع ہے۔ یہ تہوار ہمیں پرامن زندگی گزارنے اور معاشرے کی خوشحالی کے لیے کام کرنے کی ترغیب دیتا ہے۔

عیدالفطر کے پرمسرت موقع پر، آئیے ہم محبت، رحمدلی اور ہمدردی کے جذبات کو عام کریں۔

صدر جمہوریہ کا پیغام دیکھنے کے لیے براہ کرم یہاں کلک کریں -

                                               **************

ش ح۔ ف ش ع- م ف

10-04-2024

U: 6512