یورپی یونین (ای یو) اور ہندوستان نے آج ایک میچ میکنگ ایونٹ کے لیے بیٹری ری سائیکلنگ ٹیکنالوجیز فار الیکٹرک وہیکلز (ای وی) میں کام کرنے والے اسٹارٹ اپس کے لیے دلچسپی کے اظہار (ای او آئی) کا آغاز کیا۔ میچ میکنگ کا مقصد یورپی اور ہندوستانی چھوٹے اور درمیانے درجے کے کاروباری اداروں (ایس ایم ای) اور صاف اور سبز ٹیکنالوجی کے شعبے میں کام کرنے والے اسٹارٹ اپس کے درمیان تعاون کو بڑھانا ہے۔ علم اور مہارت کا مطلوبہ تبادلہ نایاب مواد کی گردش کو آگے بڑھانے اور ہندوستان اور یورپی یونین دونوں میں کاربن غیرجانبداری کی طرف منتقلی میں مددگار ثابت ہوگا۔ یہ پہل انڈیا-ای یو ٹریڈ اینڈ ٹیکنالوجی کونسل (ٹی ٹی سی) کے تحت ہوئی ہے، جس کا اعلان انڈیا اور یورپی کمیشن نے نئی دہلی میں 25 اپریل 2022 کو کیا تھا۔

یہ تقریب ایک پائیدار ایجنڈے کو فروغ دینے، اختراع کو بڑھاوا دینے اور یورپی یونین اور ہندوستان کے درمیان مضبوط اقتصادی تعلقات قائم کرنے کی ایک وسیع کوشش کا حصہ بھی ہے۔

میچ میکنگ ایونٹ کے لیے جس ای او آئی کا آج آغاز کیا گیا، وہ ای وی بیٹری ری سائیکلنگ ٹیکنالوجیز کے میدان میں ہندوستانی اور یورپی یونین اسٹارٹ اپس/ایس ایم ای کو اپنے اختراعی حل پیش کرنے اور ہندوستانی/یورپی وینچر سرمایہ داروں کے ساتھ مشغول ہونے کے لیے ایک پلیٹ فارم فراہم کرتا ہے۔ جون 2024 میں شیڈول کردہ میچ میکنگ ایونٹ کے دوران بارہ اختراع کاروں کا انتخاب کیا جائے گا، جن میں سے چھ ہندوستان سے اور چھ یورپی یونین سے ہوں گے۔ چھ فائنلسٹ (تین ای یو سے اور تین ہندوستان سے) کو ان کی پرزنٹیشن کے بعد منتخب کیا جائے گا اور انہیں بالترتیب ہندوستان اور ای یو کا دورہ کرنے کا موقع دیا جائے گا۔

تقریب کی اہم جھلکیاں ہیں: (i) ای وی کے لیے بیٹری ری سائیکلنگ ٹیکنالوجیز کے شعبے کو آگے بڑھانے کے لیے وقف اسٹارٹ اپس/ایس ایم ای کی شناخت، حمایت اور فروغ؛ اور (ii) شارٹ لسٹ کیے گئے سٹارٹ اپس/ایس ایم ای کے لیے تعاون کو آسان بنانا، تجارتی مواقع تلاش کرنا، صارفین کے تعلقات کو گہرا کرنا اور سرمایہ کاری کی راہیں تلاش کرنا۔

انڈیا-ای یو ٹی ٹی سی ورکنگ گروپ 2 کے تحت میچ میکنگ ایونٹ ہندوستانی اسٹارٹ اپس/ایس ایم ای کو بیٹری ری سائیکلنگ ٹیکنالوجیز میں اپنی مہارت کا مظاہرہ کرنے کے لیے ایک خصوصی پلیٹ فارم پیش کرتا ہے۔  یہ ہندوستانی اختراع کاروں کو ای یو میں اپنے ہم منصبوں کے ساتھ اسٹریٹجک اتحاد قائم کرنے کا موقع فراہم کرتا ہے، بیٹری کی ری سائیکلنگ کی جدید تکنیکوں کی ترقی کو تیز کرتا ہے جو فضلہ کو کم سے کم کرنے اور وسائل کی پائیداری پر مرکوز ہے۔

حکومت ہند کے پرنسپل سائنسی مشیر پروفیسر اجے کمار سود نے کہا کہ ”ہمارا مقصد ای یو کے اختراع کاروں کے ساتھ مشترکہ طور پر بیٹری ری سائیکلنگ کے حل تیار کرنے کی کوششوں کو ہم آہنگ کرنا ہے جو صنعت کی توسیع کو آگے بڑھاتے ہیں۔ ہم ایک باہمی تعاون کے ماحول کو فروغ دینے کے لیے وقف ہیں جہاں پائیداری اور اختراع ایک پھلتی پھولتی سرکلر معیشت کا سنگ بنیاد ہے۔“

ہندوستان اور یورپی یونین سے دلچسپی رکھنے والے اسٹارٹ اپس اور ایس ایم ای کو 30 اپریل 2024 تک اپنی دلچسپی کا اظہار (ای او آئی) جمع کرانے کی دعوت دی جاتی ہے۔

ایونٹ اور درخواست کے عمل کے بارے میں مزید معلومات کے لیے، دلچسپی رکھنے والے اختراع کا درج ذیل لنک ملاحظہ کر سکتے ہیں:

https://www.psa.gov.in/india-eu-ttc#india-eu-ttc-eoi

https://www.eeas.europa.eu/delegations/india/eu-india-electrical-vehicle-battery-recycling-technologies-exchange-2024_en

ہندوستان اور یورپی یونین کی طرف سے قائم کردہ تجارتی اور ٹیکنالوجی کونسل کے بارے میں

انڈیا-ای یو ٹریڈ اینڈ ٹیکنالوجی کونسل (ٹی ٹی سی) کا اعلان پہلی بار یورپی کمیشن اور ہندوستان نے اپریل 2022 میں کیا تھا۔ 6 فروری 2023 کو قائم کردہ، یہ اسٹریٹجک کوآرڈینیشن میکانزم دونوں فریقوں کو تجارت، قابل اعتماد ٹیکنالوجی، سلامتی اور ان شعبوں میں تعاون کو گہرا کرنے کے گٹھ جوڑ پر چیلنجوں سے نمٹنے کی اجازت دیتا ہے۔ انڈیا-ای یو ٹی ٹی سی کا قیام ہندوستان اور یورپی یونین کے لوگوں کے لیے مضبوط اسٹریٹجک شراکت داری کی طرف ایک اہم قدم ہے۔

ٹی ٹی سی دونوں شراکت داروں کے درمیان تجارت اور ٹیکنالوجی پر اسٹریٹجک شراکت داری کو مضبوط کرنے کا ایک کلیدی فورم ہے۔ جیو اسٹریٹیجک چیلنجوں نے مشترکہ اقدار پر مبنی سلامتی، خوشحالی اور پائیدار ترقی کو یقینی بنانے میں یورپی یونین اور ہندوستان کے مشترکہ مفاد کو تقویت دی ہے۔

ٹی ٹی سی تین ورکنگ گروپس پر مشتمل ہے:

(1) اسٹریٹجک ٹیکنالوجی، ڈیجیٹل گورننس اور ڈیجیٹل کنیکٹیویٹی پر ورکنگ گروپ 1۔

(2) گرین اینڈ کلین انرجی ٹیکنالوجیز پر ورکنگ گروپ 2؛ اور

(3) تجارت، سرمایہ کاری اور لچکدار ویلیو چین پر ورکنگ گروپ 3۔

یہ ورکنگ گروپ اب مشترکہ طور پر شناخت شدہ مقاصد اور کلیدی اقدامات کو آگے بڑھانے کے لیے کام کر رہے ہیں۔ آج شروع ہونے والا میچ میکنگ ایونٹ گرین اینڈ کلین انرجی ٹیکنالوجیز پر ورکنگ گروپ 2 کے تحت متفقہ قلیل مدتی اقدامات میں سے ایک ہے۔ گرین اینڈ کلین انرجی ٹکنالوجی پر انڈیا-ای یو ٹی ٹی سی ورکنگ گروپ 2 کی مشترکہ صدارت حکومت ہند کے پرنسپل سائنسی مشیر کا دفتر اور یورپی یونین کی طرف سے یورپی کمیشن کا ڈائریکٹوریٹ جنرل فار ریسرچ اینڈ انوویشن کر رہا ہے۔

                                               **************

ش ح۔ ف ش ع- م ف

09-04-2024

U: 6498