“হিত ৱেবকা মরী লৈনবা মতিক চানা মিৎয়েং চঙবনা নীংথিনা শেন্নবা ঙমগদবা ওইবনা থৌওং অসিবু নীংথিনা শেন্নবা ঙম্নবগীদমক্তা মীয়ামদা লেপ্তনা এৱিয়র্নেস পীরি”। ৱাফম অসি কেন্দ্রগী হকশেল অমসুং য়াইফ য়ুম্বাল মন্ত্রী, দাঃ মনশুখ মন্দাবিয়ানা লুচিংদুনা ফমখিবা মৈশাগা মরী লৈনবা লাইনা মাইয়োক্নবা ঙম্নবা পব্লিক হেল্থকী শেম শাবগী হঙ্গৎনা য়েংশিনবগী মীফমদা হায়খিবনি। থৌরম অসিদা কেন্দ্রগী হকশেল অমসুং য়াইফ য়ুম্বালগী রাজ্য মন্ত্রী, দাঃ ভারতী প্রবীন পাৱার অমসুং নিতি আয়োগকী মেম্বর (হকশেল), দাঃ ভি. কে. পাউলশু শরুক য়াখি।

গ্রাউন্দদগী অচুম্বা দেতা ফংদবগী ফিভমদা মিৎয়েং চঙলদুনা, দাঃ মন্দাবিয়ানা হীরম অসিবু তসেং তসেংনা য়েংশিনবা ঙম্নবগীদমক্তা মী শিবা অমসুং অতোপ্পা কেস য়াওনা হিত ৱেবকী ফিল্দ লেভেল দেতা শেয়র তৌনবগীদমক্তা রাজ্যশিংদগী ইনপুত লৌরগা সেন্ত্রেল দেতাবেজ অমা শেম্বগী মরু ওইবদা অহেনবা মিৎয়েং চঙখি। রাজ্যশিংদা IMD এলর্ত হেক ফংবগা মতম চানা থবক পায়খৎহৌবগী মরু ওইবদশু মহাক্না মিৎয়েং চঙখি। “ঙাকথোকপগী থৌওংশিংগী মতাংদা মীয়ামদা  মতম চানা, মাংজৌননা অমসুং পাক্তক্ননা খঙহনবনা মসিগুম্বা হিত ৱেবকী অকনবা চৈথেংগী শাফুবু হন্থহনবদা মশক থোক্না তেংবাংগনি”, মহাক্না হায়খি।

নুংশাগী মৈশাগা মরী লৈনবা লাইনাশিং নীংথিনা মাইয়োক্নবা ঙম্নবা তেংবাংনদুনা পাংথোকপা থৌওংশিংগী মরু ওইবদা মিৎয়েং চঙলদুনা, কেন্দ্রগী হকশেল মন্ত্রীনা সেনিয়র ওফিসিএলশিংগী মফমদা রাজ্যশিংগা তান্নদুনা মরী লৈনবা হীরমশিং মমুত তানা খঙহনবা হোৎননবা ৱাফম থমখি।

দাঃ ভারতী প্রবীন পাৱারনা মীয়ামদা ই-পাউ পীনবা অমসুং এৱিয়র্নেস কেম্পেন পাংথোক্নবা রাজ্য অমসুং জিলাগী থাক্কী কম্মিতী শেম্নবা ৱাফম থমখি। আয়ুশমান আরোগ্রা মন্দিরশিংদা ৱাতর কুলর, আইস পেক অমসুং অতোপ্পা তঙাই ফদবা পোৎলমশিং লৈহনবগী মরু ওইবসু পাউদমখি। হিত ৱেবকী পামদবা থৌওংশিং মাইয়োক্নবা ঙম্নবগীদমক্তা রাজ্যশিংনা স্তেত এক্সন প্লানশিংবু ফিল্দ লেভেলদা খোঙজেল য়াঙনা পায়খৎনবা হোৎনবগী মথৌ তারি হায়নসু মহাক্না হায়খি।

দাঃ ভি. কে. পাউলনা রাজ্যগী থাক্তা ইল্লিবা কাঙলোনশিংগী পরিং শেম্বগী মরু ওইবা লৈ হায়খি। ৱেবিনার অমসুং অতোপ্পা থৌওংগী খুত্থাংদা ত্রিতমেন্ত প্রোতোকোলগী এৱিয়র্নেস পীবগী মতাংদশু মহাক্না অহেনবা মিৎয়েং চঙখি। নুংশাগী মৈশাগা মরী লৈনবা কেস অমসুং লাইনা কয়াগী রাজ্য খুদিংগী ওইবা দেতা রিপোজিতরী অমা শেম্বদশু মহাক্না অহেনবা মিৎয়েং চঙখি।

কেন্দ্রগী হকশেল সেক্রেতরী, শ্রী অপুর্বা চন্দ্র; হকশেল রিসর্চ বিভাগকী সেক্রেতরী, দাঃ রজিব বাহল; দাইরেক্তর জেনেরেল (DGHS), দাঃ অতুল গোইল; AS & MD (MoHFW), শুকুমারী এল.এস. চংশান; AS (MoHFW), শ্রীমতি রোলি সিংহ; IMDগী DG, দাঃ ম্রুতঞ্জোয় মোহাপাত্রা; নেস্নেল দিজাজতর মেনেজমেন্ত ওথোরিতীগী মেম্বর অমসুং মকোক, শ্রী কমল কিশোর; নই দিল্লীগী এমসকী দাইরেক্তর, প্রোফঃ শ্রীনিবাস অমসুং লেদী হার্দিঞ্জ মেদিকেল কোলেজকী দাইরেক্তর, দাঃ সুভাস গিরীশু ঙসিগী মীফমদা শরুক য়াখি।

***