صحت اور خاندانی بہبود کے سکریٹری جناب  اپوروا چندرا نے آج یہاں آلات کے آئی او ایس ایکوسسٹم کے لئے مائی سی جی ایچ ایس ایپ لانچ کیا۔ایپ کو مرکزی حکومت صحت سے متعلق منصوبہ (سی جی ایچ ایس)کے مستفدین کےلئے الیکٹرانک صحت ریکارڈ،معلومات اور وسائل تک رسائی بڑھانے کےلئے ڈیزائن کیا گیا ہے۔

مرکزی صحت سکریٹری  نے لانچ کےلئے اپنے جوش کا اظہارکرتےہوئے کہا کہ مائی سی جی ایچ ایس ایپ صحت سے متعلق خدمات کے شعبے میں سی جی ایچ ایس کےلئے ایک ضرورت ہے۔یہ سی جی ایچ ایس  مستفدین کو ان کی انگلیوں پر ضروری صحت سہولیات  تک بآسانی  رسائی کے ساتھ بااختیار بناتا ہے۔یہ پہل صحت سے متعلق خدمات کے معیار اور رسائی کو بڑھانے کےلئے ٹیکنولوجی کا فائدہ اٹھانے کے حکومت کے نظریے  کے مطابق ہے۔

مائی سی جی ایچ ایس آئی او ایس  ایپ کو نیشنل انفارمیٹکس سینٹر (این آئی سی ) ہماچل پردیش اور این آئی سی  ہیلتھ ٹیم کی تکنیکی ٹیموں نے تیار کیا ہے۔ یہ ایک آسان موبائل ایپلی کیشن ہے جو سی جی ایچ ایس سے مستفید ہونے والوں کے لیے معلومات اور رسائی کو بڑھانے کے مقصد سے خصوصیات پیش کرتی ہے۔

مائی سی جی ایچ ایس ایپ بہت سی خدمات کی سہولت فراہم کرتی ہے، بشمول آن لائن اپائنٹمنٹ بکنگ اور منسوخ کرنا، سی جی ایچ ایس کارڈز اور انڈیکس کارڈز ڈاؤن لوڈ کرنا، سی جی ایچ ایس لیبارٹریز سے لیبارٹری رپورٹس تک رسائی، ادویات کی تاریخ، طبی معاوضے کے دعوے کی حیثیت کی جانچ کرنا، اس میں چیک آؤٹ کرنا، ریفرل کی تفصیلات تک رسائی، قریبی جگہ کا پتہ لگانا ،فلاح و بہبود کے مراکز، خبروں اور جھلکیوں کے ساتھ اپ ڈیٹ رہنا، قریبی درج اسپتالوں، لیبارٹریوں اور ڈینٹل یونٹس کا پتہ لگانا اور فلاح و بہبود کے مراکز اور دفاتر کے رابطے کی تفصیلات تک رسائی حاصل کرنا شامل ہے۔

ایپ میں حفاظتی خصوصیات ہیں جیسے 2-فیکٹر تصدیق اور ایم پی آئی این  فعالیت جو صارفین کے ڈیٹا کی رازداری اور سالمیت کو یقینی بناتی ہے۔

یہ تقریب سی جی ایچ ایس  ڈیپارٹمنٹ میں ڈیجیٹل ہیلتھ کیئر میں ایک اہم سنگ میل ہے۔ مائی سی جی ایچ ایس  ایپ اب آئی او ایس  اور اینڈرائڈ دونوں پلیٹ فارمز پر مفت ڈاؤن لوڈ کے لیے دستیاب ہوگی۔ سی جی ایچ ایس سے مستفید ہونے والوں کی حوصلہ افزائی کی جاتی ہے کہ وہ صحت کی دیکھ بھال کے بغیر کسی رکاوٹ کے تجربے کے لیے اس جدید حل کو اپنائیں۔

اس موقع پر مرکزی وزارت صحت کی ایڈیشنل سکریٹری محترمہ  رولی سنگھ اور مرکزی وزارت صحت کے جوائنٹ سکریٹری ڈاکٹر منسوی کمار بھی موجود تھے۔

********

ش ح ۔ا م۔م ص۔

U:6433