প্রধান মন্ত্রী, শ্রী নরেন্দ্র মোদীনা ঙসি দিল্লীগী JLN স্তেদিয়মদা পি.এম. স্বনিধি স্কিমগী বেনিফিসরীশিংদা ৱা ঙাংখ্রে অমসুং স্কিম অসিগী শরুক ওইনা দিল্লীদগী SV 5,000 য়াওনা স্ত্রীত ভেন্দর (SV) লাখ 1দা লোনশিং য়েন্থোকখি। মহাক্না বেনিফিসরী মঙাদা পি.এম. স্বনিধি লোন চেকশিং খুৎশিন্নখি। প্রধান মন্ত্রীনা দিল্লী মেত্রো ফেস 4গী অহেনবা কোরিদোর অনিগী উরেপ-উয়ুংসু তমখি।

থৌরম অসিদা ৱা ঙাংলদুনা প্রধান মন্ত্রীনা সহর 100দগী ভিদিও কনফরেন্সকী খুত্থাংদা ইনভেন্ত অসিগা লিঙ্ক তৌখিবা স্ত্রীত ভেন্দর লাখ কয়ানা শরুক য়াখিবা অদুবু থাগৎখি। লাইচৎ মনুংদা স্ত্রীত  ভেন্দরশিংগী শক্তি অদু নীংশিংলদুনা প্রধান মন্ত্রীনা নুংতিগী পুন্সিদা মখোয়গী মরু ওইবা অদু থমখি। প্রধান মন্ত্রীনা হায়খি মদুদি লৈবাক শিনবা থুংবদা লৈরিবা স্ত্রীত ভেন্দর লাখ  1গী একাউন্তদা হকথেংননা শেল ত্রান্সফর তৌখি অমসুং মসিগী মথক্তা দিল্লী মেত্রোগী অহেনবা কোরিদোর অনি: লাজপত নগর – সজেৎ-জি ব্লোক অমসুং ইন্দরলোক – ইন্দ্রপ্রস্থা ঙসি লোঞ্চ তৌখি।

প্রধান মন্ত্রীনা কন্না হোৎন্দুনা অমসুং মশাগী ইকাই খুম্নবা ঙাকপগা লোয়ননা মখোয়গী ইমুং-মনুংশিংগী মথৌ তাবা য়েংশিল্লিবা লৈবাক অসিদা লৈরিবা স্ত্রীত ভেন্দর লাখ কয়াদা থাগৎপা ফোঙদোকখি। পি.এম. মোদীনা হায় মদুদি মখোয়গী থেল্লা গারীশিং অমসুং দুকানশিং পীকচরবসু মখোয়গী মঙলানশিংসু য়াম্না চাউই। মহাক্না হায়খি মদুদি মমাংঙৈদা সরকারশিংনা স্ত্রীত ভেন্দরশিংগী য়াইফনবা মীৎয়েং অমত্তা চংলমখিদে মরম অসিনা মখোয়না ইকাই খুম্নবা ফংখিদে অমসুং অৱাবা মায়োক্নখি। মহাক্না হায় মখোয়গী ফন্দশিংগী মথৌ তাবশিং অসি শেন্দোই ৱাংনা  লৌবা লোনশিংদগী ফংহনখি অমরোমদা মতম চানা শীংদোক্তবা অসিনা ইকাই খুম্নবা মাংহনখি অমসুং হেন্না চাউবা শেন্দোইশিং থেংনবা তাহনখি। মহাক্না হায়খি মদুদি মখোয়দা বেঙ্কশিংগী এক্সেস ফংদে মরমদি মখোয়দা লোন গরেন্তীশিং লৈতে। অসিগুম্বা ফীভমদা বেঙ্ক লোনশিং লৌবা অসি ওইথোক্তে মরমদি মখোয়গী বেঙ্ক একাউন্তশিং লৈতে অমসুং বিজিনেস রেকোর্দ লৈতে। “মমাংগী সরকরশিংনা স্ত্রীত ভেন্দরশিংগী মথৌ তাবশিংদা মীৎয়েং চংখিদে অমদি মখোয়গী সমস্যা লাকশিন্নবা খোঙথাং অমত্তা লৌখৎখিদে”, হায়না পি.এম. মোদীনা ফোঙদোকখি।

নখোয়গী ননাই অসি লায়রবদগী থোরককি। ঐহাক্না লায়রনা হিংলকখি। মরম অসিনা কনাগুম্বা অমত্তনা নুংশিবিদ্রবশিং অদুবু নুংশিবিবা খক্তা নত্তনা মোদীনা লাৎচরি”, হায়না প্রধান মন্ত্রীনা ফোঙদোকখি। মহাক্না মখা তারদুনা হায় কোল্লাতরেল ওইনা গরেন্তী পীনবা করিগুম্বা অমত্তা লৈতবশিংগীদমক মোদীগী গরেন্তীগী থাজবা পীখি। মহাক্না স্ত্রীত ভেন্দরশিংগী ইন্তিগ্রিতীবু থাগৎখি। মহাক্না হায়খি লুপা করোর লিশিং 10, 20 অমসুং 50 রোমগী লোনশিং স্ত্রীত ভেন্দরশিংগী রেকোর্দ অমসুং দিজিতেল ত্রাঞ্জেক্সন শীজিন্নবগী মখা পোন্না মখোয়দা পীখি। হৌজিক ফাওবদা বেনিফিসরী লাখ 62না লুপা করোর 11,000রোমগী তেংবাং ফংখি। মহাক্না বেনিফিসরীশিংগী তঙ্খাইদি নুপীশিংনা ওইবদা নুংঙাইবা ফোঙদোকখি।

পি.এম. স্বনিধি য়োজনা কোবিদ লাইচৎ মনুংদা হৌদোকখিবা অদু নীংশিংলদুনা প্রধান মন্ত্রীনা স্ত্রীত ভেন্দরশিংগী ইনকম অসি শরুক কয়া হেনগৎলকখি অমসুং পোৎ লৈবশিংগী দিজিতেল রেকোর্দশিংনা বেঙ্কতগী কান্নবশিং ফংহনবদা মতেংসু পাংখি। মহাক্না হায় মদুদি চহি খুদিং দিজিতেল ত্রাঞ্জেক্সনশিং তৌবগা লোয়ননা লুপা 1200 কেসবেক অমা রিদিম তৌবা য়াগনি।

মখোয়গী নোংমগী পুন্সিদা স্ত্রীত ভেন্দরশিংনা মায়োক্নরিবা অৱাবশিং অদু পল্লদুনা প্রধান মন্ত্রীনা হায় মদুদি মখোয় কয়ানা হিংনবগীদমক খুঙ্গংশিংদগী সহরদা মাইগ্রেৎ তৌখি। “পি.এম. স্বনিধি অসি বেনিফিসরীশিংবু বেঙ্ককা কন্নেক্ত তৌবতা নত্তনা অতৈ সরকারগী কান্নবশিংগী থোংসু হাংলি”, হায়না পি.এম. মোদীনা ফোঙদোক্লদুনা লেম্না রাসন পীবা, লেম্না লায়েং ফংহনবা অমসুং লেম্না গ্যাস কন্নেক্সনশিং ফংহনবগী খুদমশিং পীখি। মহাক্না লৈবাক শিনবা থুংবদা মফম অমা হেক্তদগী লেম্না রাসন লৌবা য়াহল্লিবা ৱান নেসন ৱান রাসন কার্দ স্কিমগী ত্রান্সফোর্মেতিব এপ্রোচকী মতাংদসু ফোঙদোকখি।

প্রধান মন্ত্রীনা হায়খি মদুদি পক্কা য়ুম করোর মরিগী মনুংদা করোর অমদি সহরগী লায়রবদা পীখি। পক্কা য়ুমশিং পীনবা অচৌবা দ্রাইবকী মতাংদা পল্লদুনা প্রধান মন্ত্রীনা হায় মদুদি দিল্লীদা হান্ননা য়ুম 3000 শাবা লোইখ্রে অমসুং 3500 শাবা লোইগদৌরে। মহাক্না হায় ওথোরাইজ তৌদবা কোলোনীশিং খোঙজেল য়াংনা রিগ্যুলরাইজেসন তৌরি অমসুং লুপা 75,000গী এল্লোকেসনগা লোয়ননা পি.এম. সর্য়ঘর মুফ বিজলি য়োজনা হৌদোকখিবা অদুসু পনখি।

“কেন্দ্র সরকারনা দিল্লীদা লৈরিবা লায়রবা অমসুং মিদ্দল ক্লাসকী হিংবদা লাইহন্নবা অয়ুক নুমিদাং হোৎনরি”, হায়না পি.এম.না ফোঙদোকখি। মহাক্না মিদ্দল ক্লা লোয়ননা সহরগী লায়রবগীদমক পক্কা য়ুম শাবা অসি খুদম ওইনা পীখি অমসুং হায় মদুদি য়ুমশিং অসি শানবা লুপা করোর 50,000গী সবসিদী অমা পীখি। মহাক্না সহর কয়াদা মেত্রো সর্ভিসকী থবক খোঙজেল য়াংনা পাইখৎপা অমসুং পোলুসন অমদি ত্রাফিক কঞ্জেসনগী সমস্যাশিং লাকশিন্নবা ইলক্ত্রিক বসশিং চেলহল্লি হায়খি। “দিল্লী মেত্রো নেৎৱার্ক অসি হৌখিবা চহি 10দা শরুক অনি এক্সপান্দ তৌখ্রে” ফোঙদোক্লদুনা প্রধান মন্ত্রীনা হায়, দিল্লীগী মেত্রোগী অচৌবা নেৎৱার্ক অসি মালেমগী সহর খরা খক্তগী মনুং চল্লি। মহাক্না দিল্লী NCR রিজনগীদমক নমো ভারত রেপিদ রেল কন্নেক্তিতীগী মতাংদসু পনখি। “কেন্দ্র সরকারনা সহর অসিদা পোলুসন লাকশিন্নবা দিল্লীদা ইলেক্ত্রিক বস 1000 হেন্না চেলহল্লি”, হায়না পি.এম. মোদীনা মখা তাখি। মহাক্না পোলুসন হন্থহন্নবা অমসুং ত্রাফিক কঞ্জেসন লৈতনবা দিল্লীগী অকোইবদা এক্সপ্রেসৱে কয়ামরুম শাখি অসমুং মহাক্না চয়োল অসিদা দ্বারকা এক্সপ্রেসৱে শঙ্গাখিবা অদুসু নীংশিংখি।

নহারোলগী মরক্তা স্পোর্তস থৌগৎনবা থৌশিলগী মতাংদা ৱা ঙাংলদুনা প্রধান মন্ত্রীনা হায় খেলো ইন্দিয়ানা অচম্বা ইমুংশিংদগী নহারোলদা অমুক্তা ফংখিদ্রিবা খুদোংচাবশিং পীরি অমদি ফেসিলিতীশিং লৈরকপগা লোয়ননা শান্নরোয়শিং অসিগীদমক ক্বালিতী ত্রেনিং পীবদা মতেং পাংলি।

“মোদীনা লায়রবা অমসুং মিদ্দল ক্লাসশিংগী পুন্সি ফগৎহন্নবা চোকথবা লৈতনা হোৎনরি। মোদীগী ৱাখল্লোন অসি ‘মীয়ামগী য়াইফবা পুরক্তুনা লৈবাক্কী য়াইফবা পুরকপনি’, মখোঙদগী হৌনা শেঞ্জা-থুমজা অমসুং এপীজমেন্ত মুথৎপা অমসুং ভারতপু মালেমগী অহুমশুবা খ্বাইদগী চাউবা ইকনোমী ওইহনবা অসিনি”, হায়না পি.এম. মোদীনা ফোঙদোকখি।

প্রধান মন্ত্রীআ লোইশিনবদা হায়, “মীচম প্রজাশিংগী মঙলানশিং অমসুং মোদীগী ফিরেপনা চুংশিন্নবা অসিনা অফবা তুংলমচৎ অমগী গরেন্তী ওইরি”।

দিল্লীগী লেফতনেন্ত গভর্নর, শ্রী বিনয় কুমার সক্সেনা, হাউসিং অমসুং অর্বান এফিয়র্সকী কেন্দ্র  মন্ত্রী, শ্রী হরদীপ সিংহ পুরি অমসুং শেম-থুমগী কেন্দ্রগী রাজ্য মন্ত্রী, শ্রী ভগৱত কিসনরাও করাদনা থৌরম অসিদা শরুক য়াখি।

বেকগ্রাউন্দ

তোল্লবা কাংলুপশিংদা শেন-থুমগী মতেং পাংনবা প্রধান মন্ত্রীগী পান্দমনা লমজিংদুনা, কোরোনা লাইচৎকী মালেমগী শেন-থুমগী অৱাবা মরক্তা জুন 1, 2020দা পি.এম শ্বানিধি হৌদোকখ্রে। মসিনা ফিবম চাদ্রবা লম্বী নাকলদা পোৎ-চৈ য়োল্লিবা মীওইগী পুন্সিদা অওনবা পুরক্কনি। হৌজিক ফাওবদা লৈবাক শীনবা থুংবগী লম্বী নাকলদা পোৎ-চৈ য়োল্লিবা মীওই লাখ 62 হেনবদা লুপা করোর 10,978 হেনবগী লোন লাখ 82 য়েন্থোকখ্রে। দিল্লি খক্তদা লুপা করোর 232গী লোন লাখ 2 য়েন্থোকখ্রে। পুৱারিদগী হৌনা খুদোংচাবা কয়া ফংদনা লাক্লবা মীওইশিং য়াইফনবা অমসুং শেন-থুমগী কান্নবশিং ফংহন্নবা মৈরা অমা ওইনবা স্কিম অসি মখা চৎথরি।

থৌরম অসিদা দিল্লি মেত্রোগী ফেজ-4গী অহেনবা এদিসনেল কোরিদোর অনিগী উরেপ-উয়ুং তমখ্রে, কোরিদোর অনি অদুদি লাজপাত নাগর-সাকেত-জি ব্লোক অমসুং ইন্দরলোক-ইন্দ্রপ্রাস্থনি। হায়রিবা কোরিদোরশিং অসি কিমি 20 হেন্না শাংগনি অমসুং চৎথোক-চৎশিন নুংঙাইবা হেনগৎহনগনি অমসুং মী চিনবা হন্থহনগনি।

লাজপাত নাগর-সাকেত-জি ব্লোক কোরিদোরদা লৈগদবা স্তেসনশিংগী মনুংদা লাজপাত নগর, এন্দ্রিউস গঞ্জ, গ্রেতর কাইলাস-1, চিরাগ দিল্লি, পুস্পা ভাবন, সাকেত দিস্ত্রিক সেন্তর, পস্প বিহার, সাকেত-জি ব্লোক য়াওরি। ইন্দ্রলোক-ইন্দ্রপ্রাস্থা কোরিদোরদা লৈগদবা স্তেসনশিংগী মনুংদা ইন্দরলোক, দয়া বাস্তি, সারাই রোহিল্লা, অজমাল খান পার্ক, নবি করিম, নিউ দিল্লি, LNJP হোস্পিতাল, দিল্লে গেত, দিল্লি সচিবলয়, ইন্দ্রপ্রাস্থা য়াওরি।

पीएम-स्वनिधि योजना रेहड़ी-पटरी के मेरे परिवारजनों के लिए संजीवनी साबित हुई है। इस योजना के एक लाख लाभार्थियों के लोन वितरण कार्यक्रम को संबोधित कर रहा हूं। https://t.co/AJ5lZM0jWt

— Narendra Modi (@narendramodi) March 14, 2024

हमारे देशभर के शहरों में बहुत बड़ी संख्या में रेहड़ी-फुटपाथ-ठेले पर लाखों साथी काम करते हैं।

ये वो साथी हैं, जो स्वाभिमान से मेहनत करके अपने परिवार का पालन-पोषण करते हैं।

इनके ठेले, इनकी दुकान भले छोटी हो, लेकिन सपने बड़े हैं: PM @narendramodi pic.twitter.com/x3UxBI3GsG

— PMO India (@PMOIndia) March 14, 2024

पीएम स्वनिधि योजना - रेहड़ी, पटरी, ठेले, पर काम करने वाले लाखों परिवारों का संबल बनी है। pic.twitter.com/zcZUGtde8l

— PMO India (@PMOIndia) March 14, 2024

स्वनिधि योजना की वजह से रेहड़ी-फुटपाथ-ठेले पर काम करने वालों की कमाई बढ़ गई है। pic.twitter.com/HUFfOcGmKT

— PMO India (@PMOIndia) March 14, 2024

खेलो इंडिया योजना से देशभर में सामान्य परिवारों के वो बेटे-बेटियां भी आगे आ रहे हैं, जिन्हें पहले अवसर मिलना असंभव था। pic.twitter.com/uOVphkXuGZ

— PMO India (@PMOIndia) March 14, 2024

*****