লৈবাক শিনবা থুংবগী শোত্থরবা কাঙলুপকী মীওইশিংদা ক্রেদিত সপ্পোর্ত পীবগী থৌরম অমদা প্রধান মন্ত্রীনা ভিদিও কফরেন্সিংগী খুত্থাংদা ৱা ঙাঙখ্রে। প্রধান মন্রতীনা প্রধান মন্ত্রী সামাজিক উত্থান এবম রোজগার আধারিত জনকলয়ান (পি.এম.-সুরজ) নেস্নেল পোর্তেল হৌদোকখ্রে অমসুং লৈবাক্কী শোত্থরবা কাঙলুপকী ওন্তোপ্রিনর লাক্ষ 1গী মফমদা ক্রেদিত সপ্পোর্ত পীবগী অয়াবা পীখ্রে। মহাক্না সরকারগী স্কিম কয়াগী বেনেফিশরী ওইবা শোত্থরবা কাঙলুপকী মীয়ামগা ৱারীশু শানখি। মসিদা এসদ্যুল কাস্ত, বেকৱার্দ ক্লাস অমসুং সেনিতেসনগী থবক তৌবশিং য়াওখি।

মধ্য প্রদেশকী ইন্দোরগী শ্রী নরেন্দ্র সেন অসি ক্লাউদ কম্প্যুতিংগী থবক তৌবা ইন্তর্নেত কম্পেনী অমগী ফাউন্দরনি। মহাক্না সাইবর কেফে অমগী মপু ওইরম্বদগী কোদিং তমদুনা ফাউন্দর অমা ওইরকপগী খোঙচৎকী পাউদম প্রধান মন্ত্রীদা পীখি। মহাক্না MSMEশিংবু দিজিতাইজ তৌদুনা মপাঙ্গল হাপ্পগী পান্দম থম্লি। অতোপ্পা নরেন্দ্র অমগী ৱারী খঙনীংই হায়না প্রধান মন্ত্রীনা হায়রকপদা, শ্রী সেন্না প্রধান মন্ত্রীগী মফমদা মহাক অসি খুঙ্গংদা পোকপনি, মদুদগী মহাক্কী ইমুংনা ইন্দোরদা হোংখি, মহাক্কী ভেকগ্রাউন্দনা কম্মর্স ওইরবশু, মহাক্না তেক্নোলোজীদা থৱাই য়াওখি হায়না পাউদমখি। প্রধান মন্ত্রীনা নাস্কোমগী থৌরম অমদা থমখিবা ৱারোল অমসুং ভারত্তা ক্লাউদ গোদাউন অমা লৈহনবা পাম্মি হায়বা তাখিবনা ইথিল পীরদুনা মহাক্না ক্লাউদ কম্প্যুতিংগী হীরমদা থবক হৌখিবনি হায়খি। “খুঙ্গংদা লৈবা নরেন্দ্র অমবু অতোপ্পা নরেন্দ্র অমনা ইথিল পীখিবনি”, শ্রী সেন্না হায়খি। সরকারগী মফমদগী তেংবাং ফংবা অমসুং মহাক্না মাইয়োক্নবা শিংনবশিংগী মতাংদা প্রধান মন্ত্রীনা হংবদা, শ্রী সেন্না মহাক্না তেংবাংনবা হায়জখিববু ইনফোর্মেসন তেক্নোলোজীগী মতমদুগী  সেক্রেতরীনা অয়াবা পীখি অমসুং মদুদগী ভারতকী অহানবা দেতা সেন্তর পার্ক শেমগৎপা হৌখিবনি হায়খি। শ্রী সেন অমসুং অতোপ্পা নহাশিংনা স্তার্তঅপ্তা থৱাই য়াওবা অমসুং মখোয়না হোৎনরিবা অসিবু প্রধান মন্ত্রীনা থাগৎখি। মহাক্না মখোয়না মায় পাকপা অসিদশু থাগৎপা ফোংদোকখি।

বুতিক অমা চলায়বা জম্মুদগী নীলম কুমারীনা প্রধান মন্ত্রীগা ৱারী শাখি। লাইচৎকী লোকদাউন মনুংদা মহাক্না থেংনখিবা শিংবা কয়াবু প্রধান মন্ত্রীগী মফমদা নীংশিংখি। মহাক অসি উজ্বালা, পি.এম. অৱস, আয়ুশমান অমসুং স্বচ্ছ ভারতকুম্বা য়াইফ য়ুম্বালগী স্কিম কয়াগী বেনেফিশরী অমশু ওইরিবনি। মহাক্না কারবার অমা হৌদোকচনবা সরকারগী মায়কৈদগী লোন অমা ফংখি। প্রধান মন্ত্রীনা মহাকপু থবক পীবা মীওই অমা ওইবগীদমক্তা থাগৎখি। মমাংগী মতমদা থৱাই চঙবীরমদবা, লৈবাক্কী তোঙান-তোঙানবা মফমদা লৈবা মীওই কয়ানা সরকারগী স্কিমগী কান্নবা ফংনরে হায়না প্রধান মন্ত্রীনা মহাক্কী মফমদা হায়খি। মহাক্কী ইথিল পীনিংঙাই ওইরবা ৱারী লিবগীদমক্তা মহাকপু প্রধান মন্ত্রীনা থাগৎখি। জন ধন, মুদ্রা, পি.এম. অৱস অমসুং উদ্যমতা বিকাস য়োজনাগুম্বা স্কিম কয়ানা মমাংদা থৌশাবীদ্রনা মীওই কয়াগী পুন্সিদা অহোংবা পুরক্লি হায়না প্রধান মন্ত্রীনা হায়খি।

মহারাস্ত্রগী অহমদনগরগী শ্রী নরেশ, জল জীবন এগ্রোতেক্কী কো-ফাউন্দরসু ওইরিবা মহাক্না মহাক্কী স্তার্তঅপনা লৌউ-শিংউদগী লেমহৌবা ঈশিংগী হীরমদা থবক তৌই হায়না প্রধান মন্ত্রীদা তমখি। অম্বেদকর সোসিএল ইন্নোভেসন মিসন্দগী লুপা লাক্ষ 30গী লোন ফংদুনা কম্পেনী অসিবু হৌদোকপদা চঙবা মছিনশিং লৈবদা মহাকপু তেংবাংখি হায়না মহাক্না তাখি। মহাক্না প্রধান মন্ত্রী অমসুং ভারত সরকারবু থাগৎখি। লবুক্তগী কম্পেনী অমগী মপু ওইবগী মহাক্কী খোঙচৎকী মতাংদা প্রধান মন্ত্রীনা খঙবা পাম্মি হায়বদা শ্রী নরেশনা মহাক অমসুং মহাক্কী মমা-মপানা লবকুতা থবক তৌই অমসুং মদুনা মহাক্কী মফমদা তঙাই ফদবা এক্সপেরিএন্সশিং পীখিবনি হায়খি। মহাক্মা আয়ুশমান ভারত কার্দ অমসুং রাস্ত্রিয় রাশন স্কিমগী কান্নবা ফংবগী মতাংদা প্রধান মন্ত্রীদা পাউদমখি। মহাক্কী কম্পেনীগী খুত্থাংদগী লৌমীশিংবু তেংবাংবগী মতাংগী ওইনদি, শ্রী নরেশনা মহাক্কী কম্পেনীনা দিজাইন তৌবা অমসুং শারিবা পোত্থোকশিংগী পেতেন্ত অসি ভারত সরকারগী মায়কৈদগী ফংবনি অমসুং মসিনা লৌউবা মতমদা ঈশিং মাঙহনবা থিংবদা তেংবাংই হায়খি। লৌউবগী সেক্তরদা মমিং থম্বা পাম্লিবা অনৌবা ইন্দস্ত্রীশিংনা সরকারদগী তেংবাং লৌনবা মহাক্না হায়খি। মহাক্কী থৱাই চঙবগী মতৌবু প্রধান মন্ত্রীনা থাগৎলদুনা মহাক অসিদি লৌউবগী সেক্তরদা খোঙদাবা পাম্বা নহাশিংগী ইথিল অমনি হায়খি।

সফাই কর্মচারী অমা ওইরিবা গুন্তুরদগী শ্রীমতি মুথম্মানা প্রধান মন্ত্রীদা মহাক্কী মিংদা সেপ্তিক তেঙ্ক দিস্লজিং গারী অমা পীবগী পাউ তাবদা মহাক্না নুংঙাইখিবা অমসুং মসিনা মহাক্কী পুন্সিদা অহোংবা পুরকখিবগী মতাংদা পাউদমখি। মহাক্কী ৱারী লিবদা মহাক্না মবুক্নিং নুংশিরকখি। “গারী অসিনা ঐহাকী পাঙ্গল হাপ্পীরে অমসুং খুন্নাইনা ঐহাকপু ইকায় খুম্নবা হৌরে। পুম্নমক অসি অদোমগী খোঙথাংশিংদগী ফংবা ঙাক্তনি”, মহাক্না হায়খি। প্রধান মন্ত্রীনা হংবদা মহাক্না মহাক্কী অঙাংশিংগী মহৈ-মশিং তম্বগী মতাংদা পাউদমখি অমসুং গারী থৌবা তমদুনা মহাক্না মখোয়গী পুন্সিদা অহোংবা পুরক্লি হায়খি। মহাক অমসুং মহাক্কী ইমুংনা ফংলিবা য়াইফ য়ুম্বালগী স্কিম কয়াগীদমক্তা মহাক্না প্রধান মন্ত্রীবু থাগৎখি। প্রধান মন্ত্রীনা মহাক্কী খ্বাইদগী পামজবা হীরম, লু-নানবা অসিবু তুংলমচত্তা পুবগীদমক্তা শ্রীমতি মুথম্মাবু থাগৎখি অমসুং মীয়ামগী পুন্সিদা অফবা অহোংবা পুরক্নবা সরকারনা চহি 10দগী হোৎনদুনা লাক্লি হায়না মখা তাখি। “নুপীশিংগী ইকায় খুম্নবা অমসুং য়াইফ নুংঙাইবা হায়বসিনা ঐহাক্কী ৱারেপশিংগী মপুং ওইবা পান্দম্নি”, প্রধান মন্ত্রীনা হায়খি।

প্রধান মন্ত্রীনা থৌরমদা ৱা ঙাঙবদা, জিলা 470গী মীওই লাক্ষ 3মুক্না থৌরম অসিদা ভর্চুএলগী খুত্থাংদা শরুক য়ারিবা অসি শকখঙদুনা মখোয়গী মফমদা তৌবীমল খঙবা উৎখি। দলিত, শোত্থরবা অমসুং থৌৱা শাবীরুদ্রবা মীওই কয়াগী য়াইফ য়ুম্বালগীদমক্তা চাউবা পায়খৎপা থৌওং কয়া লৈবাক অসিনা উরে হায়না প্রধান মন্ত্রীনা হায়খি। ঙসিগী থৌরম্না সরকারনা মখোয়গীদমক্তা মিৎয়েং চঙলি হায়বগী শক্তম অমা উহল্লে, মহাক্না হায়খি। ভারতকী জিলা 500তা লৈবা শোত্থরবা কাঙলুপকী বেনেফিশরী লাক্ষ 1গী বেঙ্ক একাউন্ততা লুপা করোর 720 হকথেংননা হাপ্পগী শেলগী তেংবাংগী মতাংদা প্রধান মন্ত্রীনা পাউদম্লদুনা হায়খি, “মমাংগী সরকারগী মতমদা মসিগুম্বা দি.বি.তি.গী পথাপ অসিদি ৱাখলনা লাম্বা ফংলমদে”। ময়াইদা লৈবা মীওই, কম্মিসন অমসুং ৱানোম্বা লৈতবা অমসুং সরকারগী অতোপ্পা স্কিমশিংনা দাইরেক্ত বেনেফিত ত্রান্সফর তৌবগা মান্নবা সুরজ পোর্তেল অমা হৌদোক্লে অমসুং মসিনা শোত্থরবা কাঙলুপকী মীওইশিংদা শেলগী তেংবাং পীবদা চাউনা মতেং পাংগনি হায়না মহাক্না পাউদমখি। প্রধান মন্ত্রীনা নালা অমসুং সেপ্তিক তেঙ্ক শেংবা শিন্মী, সফাই মিত্রশিংদা আয়ুশমান ভারত কার্দ অমসুং পি.পি.ই. কিৎ য়েন্থোকপগী মতাংদশু প্রধান মন্ত্রীনা পাউদমখি। সেবা অসিবু পাকথোক চাউথোক্লিবা অসিদি এস.সি., এস.তি. অমসুং ও.বি.সি.শিংগী য়াইফ য়ুম্বালগীদমক্তা হোৎনরিবা অসিগী শরুক অমনি অমসুং মসিনা শোত্থরবা কাঙলুপশিংদশু মতেং পাংগনি হায়না প্রধান মন্ত্রীনা পল্লদুনা ঙসিগী স্কিম অসিগীদমক্তা মখোয়বু থাগৎখি।

প্রধান মন্ত্রীনা বেনেফিশরীংগা ৱারী শান্নখিবগী মতাংদা পল্লদুনা, স্কিমশিং অসিনা মাইনোরিতী, শোত্থরবা অমসুং চাউখৎপা ৱাৎপা খুন্নাইশিংদা য়ৌরিবা অসিদা নুংঙাইবা ফাওই হায়না ফোংদোকখি। ৱাফম অসিনা মহাক্কী মবুক্নিং নুংশিহল্লে, মরমদি মখোয় অসি মঙোন্দগী তোঙান্দে, মহাক্কী ইমুংগী মীওই ঙাক্তনি হায়না মহাক্না মখা তাখি।

প্রধান মন্ত্রীনা ইং 2047 ফাওবদা বিকশিৎ ভারত ওইবগী পান্দমগী মতাংদা পল্লদুনা, শোত্থরবা কাঙলুপশিংনা চাউখত্তনা পান্দম অসি ফংলোই হায়খি। মহাক্না থাইনগী মতমগী ৱাখল্লোন থুগায়রে অমসুং মাইনোরিতী, শোত্থরবা অমসুং ত্রাইবেলশিংগী মফমদা গ্যাস কন্নেক্সন, বেঙ্ক একাউন্ত, অমাংশঙনচিংবা খুদোংচাবা কয়া শোইদনা ফংহন্নবা হোৎনরি হায়না মহাক্না হায়খি।

কাঙলুপ অসিগী চারোন-শুরোন কয়াদি পুন্সিগী তঙাই ফদবা পোৎলম তানবতদা মপুন্সি লোইনখ্রবনি হায়না প্রধান মন্ত্রীনা হায়খি। “ঐখোয়গী সরকারনা ইং 2014দগী সবকা সাথ, সবকা বিকাসকী মিৎয়েংগা লোয়ননা থবক তৌবা হৌখি। থাজবা লৈত্রবা মীয়ামগী মফমদা ঐখোয়না য়ৌশিনখি অমসুং লৈবাক্কী চাউখৎ থৌরাংদা মখোয়বুশু শরুক য়াহনখি”, মহাক্না হায়খি। রাশন লেম্না পীবা, লেম্না লাইয়েংবা, পক্কা য়ুম, অমাংশঙ অমসুং উজ্বালা গ্যাস কন্নেক্সনগী খ্বাইদগী মশিং য়াম্বা বেনেফিশরীশিংদি ঐখোয়গী মাইনোরিতী, শোত্থরবা অমসুং ও.বি.সি.গী কাঙলুপকী মীওইশিংনা  অয়াম্বনি হায়না মহাক্না হায়খি। “ঐখোয়না হৌজিক স্কিমশিং অসিগী সেচ্যুরেসনগীদমক্তা থবক তৌরি”, প্রধান মন্ত্রীনা হায়খি।

প্রধান মন্ত্রীনা কোইচৎ চৎপা মীওইশিংগী স্কিম অমসুং সফাই কর্মচারীশিংগী নমস্তে স্কিমগী মতাংদা পাউদমখি। অরেম্বা খুল্লগা চাবগী নুংঙাইত্রবা থৌওং থীংনবগীদমক্তা মসিগুম্বা থবক তৌদুনা হিংলিবা মীওই 60,000দা শেলগী তেংবাং পীদুনা মশাগী ইকায় খুম্নবা পুন্সি মহিং তান্নবা শেলগী তেংবাং পীখ্রে হায়না প্রধান মন্ত্রীনা পাউদমখি।

“ঐখোয়গী সরকারনা এস.সি.-এস.তি., ও.বি.সি. কাঙলুপকী মীওইশিংনা মাঙজিল থানা থোক্লকহন্নবা অমসুং মখোয়বু পাঙ্গল হাপ্নবা হোৎনরি”, প্রধান মন্ত্রীনা হায়খি। লুপ কয়াদগী মখোয়না ফংবা তেংবাংগী চাংশু ঐখোয়না হৌখিবা চহি 10দা শরুক অনি ওইহনখ্রে হায়না মহাক্না হায়খি। মখোয়গী য়াইফ য়ূম্বালগীদমক্তা ঐখোয়গী সরকারনা হন্দক্কী চহিদা চাউরাক্না কুপা করোর 1গা লিশিং 60 কাইথখি হায়না মহাক্না ফোংদোকখি। মমাংগী সরকারগী মতমদা, লুপা করোর কয়াগী ৱাথোক্কী মতাংদা তাবা ফংনরম্মি, অদুবু হৌজিক ঐখোয়না মসিগুম্বা শেনফম অসি লৈবাক্কী চাউখৎ থৌরাংদা শিজিন্নরি হায়না মহাক্না মখা তাখি। এস.সি.-এস.তি., ও.বি.সি. কাঙলুপকী মহৈরোইশিংনা ফংবা স্কোলার্শিপকী শেনফম হেনগৎহনখিবা, মেদিকেল সীত্তা ও.বি.সি.গী কোতাবু  চাদা 27 ওইহনখিবা, এন.ই.ই.তি. পরিক্ষাদা ও.বি.সি. মহৈরোইনা থাবগী লম্বী য়াৎখিবা অমসুং মীরম লৈবাক্তা চত্তুনা মাস্তর নত্ত্রগা পি.ঐচ.দি. তৌনীংবা হায়রিবা মহৈরোইশিংগী তেংবাং ওইনবা নেস্নেল ওভর্সীজ স্কোলার্শিপকী তেংবাং পীখিবগী মতাংদশু প্রধান মন্ত্রীনা মীয়ামদা পাউদমখি। লোয়ননা, সাইন্সকা মরী লৈনবা সবজেক্তশিংদা পি.ঐচ.দি. তৌনীংবা মহৈরোই মশিং হেনগৎহন্নবা নেস্নেল স্কোলার্শিপকী শেনফম হেনগৎহনখিবগী মতাংদা মহাক্না পনখি। “ঐখোয়গী হোৎনজমন্দগী নেস্নেল কম্মিসন ওফ বেকৱার্দ ক্লাসনা সংবিধানগী থাক ফংবা অসিদশু ঐহাক্না নুংঙাইবা ফাওই। বাবাসাহেব অম্বেদকরগা মরী লৈনবা তীর্থ মঙা শেমগৎপগী থৌদাং ফংজবা অসি ঐহাক্কী লাইবক ফবনি খঞ্জৈ”, প্রধান মন্ত্রীনা হায়খি।

“শোত্থবা কাঙলুপকী নহাশিংদা থবক পীবা অমসুং মশানা মশাবু থবক পীজবা ঙমহন্নবা ঐখোয়গী সরকারনা অকনবা মিৎয়েং চঙলি”, প্রধান মন্ত্রীনা হায়খি। মুদ্রা য়োজনাগী মখাদা এস.সি., এস.তি. অমসুং ও.বি.সি.গী মীওইশিং য়াওনা লাইরবশিংদা চাউরাক্না করোর 30গী তেংবাং পীখিবগী মতাংদা প্রধান মন্ত্রীনা পনখি। স্তেন্দঅপ ইন্দিয়া স্কিম অমসুং ভেঞ্চর কেপিতেল ফন্দ স্কিম্না এস.সি. অমসুং এস.তি.গী কাঙলুপকী মীওইশিংদা ওন্তোপ্রিনর্শিপ খুমাং চাউশিলহন্নবা হোৎনরিবা সিগী মতাংদা মহাক্না পনখি। “ঐখোয়গী সরকারনা মাইনোরিতীশিংগী মরক্তা ওন্তোপ্রিনর থোক্লকহন্নবা হায়দুনা অম্বেদকর সোসিএল ইন্নোভেসন অমসুং ইনক্যুবেসন মিসন হৌদোকখি”, প্রধান মন্ত্রীনা হায়খি।

প্রধান মন্ত্রীনা, মহাক্কী ৱারোল লোইশিনবা ওইনা মাইনোরিতী অমসুং শোত্থরবা কাঙলুপশিংদা কান্নবা পীবগী পোলিসীগী মতাংদা পাউদম্লদুনা অসুম্না হায়খি, “শোত্থরবশিংদা ইকায় খুম্নবা উৎপা অমসুং অচুম্বা ৱায়েল ফংহন্নবা ঐখোয়না হোৎনরিবশিংগী খুদম মসিনা ওইরি। মোদীনা গেরেন্তী পীরি, মথংগী চহি 5তা শোত্থবা কাঙলুপশিং চাউখৎলগনি অমসুং মশাবু ইকায় খুম্নজবা পুন্সি মহিং অমা শোইদনা হিংগনি। অদোম্বু চাউখৎহন্দুনা ঐখোয়না বিকশিৎ ভারতকী মঙলান মঙফাওনহনগনি”।

বেকগ্রাউন্দ

তোল্লবা কাংলুপশিংদা শেন্থং পীনবা শেমগৎপা প্রধান মন্ত্রী সমাজিক উৎথান উত্থান এবম রোজগার অধারিত জনকলয়ান(পি.এম-সুরজ) পোর্তেলনা তোল্লবশিংদা মতেং পাংবা হায়বগী প্রধান মন্ত্রীগী পান্দম শাগোন্নরি। মসি খুন্নাইগী খ্বাইদগী শোৎথরবা কাংলুপশিংগী ফিবম ফগৎনবা পান্দম থম্লিবা অওনবা থবক অমনি। লৈবাক শীনবা থুংনা লৈরিবা খুদোংচাবা ফংবা য়ারবা মীওইশিংদা বেঙ্কশিং, এন.বি.এফ.সি-এম.এফ.আইশিং অমসুং অতোপ্পা লুপশিংগী খুৎথাংদা শেন্থং পীগনি।

থৌরম অদুদা, প্রধান মন্ত্রীনা নেসনেল এক্সন ফোর মেকানাইজ সেনিতেসন ইকোসিস্তেম(নমাস্তে)গী মখাদা সাফাই মিত্রশিংদা অয়ুস্মান হেল্থ কার্দশিং অমসুং পি.পি.ই কিতশিং য়েন্থোকখি। মসি খুদোংচাদবা ফিবমশিংদা মাঙজিল থানা থবক তৌরিবা মীওইশিংগী হকশেলগী ফিবম ফগৎহন্নবা মাইকৈদা থাংজিনবা অতোপ্পা খোঙথাং অমনি।

জিলা 500 হেনবগী খুদোংচাদ্রবা কাংলুপশিংদগী তোঙান-তোঙানবা সরকারগী স্কিমশিংগী বেনিফিসরি লাখ 3 হেন্না থৌরম অসিদা শরুক য়াখি।

बीते 10 वर्षों से हमारी सरकार वंचित वर्ग के कल्याण और उत्थान के लिए समर्पित रही है। दलित, पिछड़े और वंचित समाज के कल्याण से जुड़े एक कार्यक्रम को संबोधित कर रहा हूं। https://t.co/T4iYjNiIo1

— Narendra Modi (@narendramodi) March 13, 2024

***