প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইনর্জি  ইফিসিয়েন্সি অমসুং ইনর্জি কঞ্জর্বেসনগী থবকশিংগী লমদা ভারত অমসুং ভুতানগী মরক্তা মতেং পাংননবা এম.ও.য়ু অমা খুৎয়েক পীনবা মন্ত্রীমন্দলনা অয়াবা পীরে।

এম.ও.য়ু অসি ভারত সরকারগী পৱার মিনিস্ত্রিগী বিউরো ওফ ইনর্জি ইফিসিয়েন্সি অমসুং ভুতান সরকারগী ইনর্জি অমসুং নেচরেল রিছোর্সেস মিনিস্ত্রিগী ইনর্জি দিপার্তমেন্তগী মরক্তা খুৎয়েক পীনবনি।

এম.ও.য়ু অসিগী শরুক অমা ওইনা, বিউরো ওফ ইনর্জি ইফিসিয়েন্সিনা পুথোকপা স্তার লেবেলিং প্রোগ্রাম পায়খৎতুনা য়ুমথোং খুদিংমক্তা ইনর্জি লিক্না শীজিন্নবা হেনগৎহন্নবা ভারতনা ভুতান্দা মতেং পাংনবা পান্দম থম্লি। ভুতানগী নোংজু-নুংশাগী ফিবমগা চুন্নবা বিল্দিং কোদশিং শেম্বদা ভারতনা খঙবশিং মতেং পাংগনি। ইনর্জি ওদিতরশিং ত্রেনিং পীদুনা ভুতানগী ইনর্জিগী লমদা থবক তৌবা মীওইশিং শেমগৎকনি।

রিতেল্লরশিং ত্রেনিং পীবা অসিনা স্তার রেত ফংলবা এপ্লাইয়েন্সশিং শীজিন্নবদগী কঞ্জুমরশিংনা ইনর্জি কনবগী মতাংদা ৱাখল তাহনবদা মতেং পাংগনি। স্তেন্দার্দশিং অমসুং লেবেলিং স্কিম পায়খৎনবা অমসুং চৎহন্নবা ভুতানগী মতেং পাংনবা ভারতনা পান্দম থম্লি।

ইনর্জি য়াম্না শীজিন্নবা পোৎলমশিংনা য়ুম নত্ত্রগা ললোন-ইতিক্কি মফমশিংদা ইনর্জি য়াম্না শীজিন্নহল্লি। ইনর্জি য়াম্না চঙবা পোৎলমশিং শীজিন্নবা হেনগৎলকপগা লোয়ননা চহি খুদিংগী ইলেক্ত্রিক ইনর্জি দরকার ওইবা হেনগৎলক্লি। করিগুম্বা কঞ্জুমরশিংনা মৈ য়াম্না চাদবা পোৎলমশিং শীজিন্নরবদি, মসিগী দিমান্দ হেনগৎলক্লিবা অসি ফংহনবা ঙমগনি। লৈবাক অসিগী স্তার-লেবেলিংগী থবক্তা বি.ই.ইনা মাংজিল থাদুনা হৌজিক নোংমদা শীজিন্নবা পোৎলম ৩৭ কোনশিল্লে। 

এম.ও.য়ু অসি পৱার মিনিস্ত্রিগা তান্দুনা এক্সতর্নেল এফেয়ার্স মিনিস্ত্রি অমসুং দিপার্তমেন্ত ফোর প্রোমোসন ওফ ইন্দস্ত্রি এন্দ ইন্তরনেল ত্রেদ(দি পি আই আই তি)না শেম-শাবনি। এম.ও.য়ু অসিনা ভারত অমসুং ভুতানগী মরক্তা ইনর্জি  ইফিসিয়েন্সি অমসুং ইনর্জি কঞ্জর্বেসনগী ই-পাউ, দেতা অমসুং তেক্নিকেল এক্সপার্তশিং পীথোক-পীশিন তৌনবা ঙমহনগনি। মসিনা ভুতান্না কৈথেলদা ইনর্জি য়াম্না চঙদবা পোৎলমশিং ফংহনবা ঙমগনি। এম.ও.য়ু অসিনা ইনর্জি  ইফিসিয়েন্সি পোলিসিশিং লৈনগনি অমসুং ইনর্জি ইফিসিয়েন্সি রিছার্স অমসুং তেক্নোলোজি শীজিন্নবগী লমদা মতেং পাংগনি।

****