وزیراعظم کا دفتر
وزیراعظم 13 مارچ کو محروم طبقات کوقرض امداد کے لیے ملک گیرآؤٹ ریچ کو نشان زدہ کرنے والےایک پروگرام میں حصہ لیں گے
وزیراعظم پردھان منتری سماجک اتھان ایوم روزگارآدھارت جن کلیان (پی ایم-سورج) پورٹل لانچ کریں گے اور محروم طبقات کے 1 لاکھ کاروباریوں کو قرض امدادکی منظوری دیں گے
وزیراعظم نمستے یوجناکے تحت صفائی متروں کو آیوشمان ہیلتھ کارڈ اور پی پی ای کٹس بھی تقسیم کریں گے
محروم طبقات گروپوں کے متعدد سرکاری اسکیموں کے3 لاکھ سے زیادہ استفادہ کنندگان500 اضلاع میں ہونے والے ان پروگراموں میں شرکت کریں گے
Posted On:
12 MAR 2024 6:43PM by PIB Delhi
وزیراعظم جناب نریندرمودی 13 مارچ 2024 کو شام 4 بجے ویڈیو کانفرنسنگ کے ذریعے محروم طبقات کو قرض امداد کے لیے ملک گیر آؤٹ ریچ کو نشان زد کرنے والے ایک پروگرام میں حصہ لیں گے۔ وزیراعظم پردھان منتری سماجک اتھان ایوم روزگارآدھارت جن کلیان (پی ایم-سورج) کے نام سے ایک قومی پورٹل لانچ کریں گےاور ملک کے محروم طبقات کے1لاکھ کاروباریوں کوقرض امدادکی منظوری دیں گے۔ اس کے علاہ وزیراعظم درج فہرست ذات ، پسماندہ طبقات اور صفائی مہم سے وابستہ کارکنان سمیت محرم گروپوں کے مختلف سرکاری اسکیموں کے استفادہ کنندگان کے ساتھ بات چیت کریں گے۔ اس موقع پر وہ اجتماع سے بھی خطاب بھی کریں گے۔
محروم طبقات کو قرض امداد کے لیے پی ایم-سورج قومی پورٹل محروم طبقات کو ترجیح دینے کی وزیر اعظم کی عہد بندی کی علامت ہے۔ یہ ایک تبدیلی لانے والی پہل ہے، جس کا مقصد معاشرے کے سب سے محروم طبقات کی فلاح و بہبود ہے۔ ملک بھر میں اہل افراد کو بینکوں ، این بی ایف سی- ایم ایف آئی اور دیگر اداروں کے توسط سے قرض امداد فراہم کی جائے گی۔
پروگرام کے دوران وزیراعظم نیشنل ایکشن فارمیکینائزڈسینیٹیشن ایکو سسٹم (نمستے)کےتحت صفائی متروں(سیوراورسیپٹک ٹینک مزدوروں) کوآیوشمان ہیلتھ کارڈزاور پی پی ای کٹس بھی تقسیم کریں گے۔ یہ پہل چیلنج سے بھری ہوئی صورتحال میں خدمت کرنے والے فرنٹ لائن ملازمین کی صحت اور تحفظ کی سمت میں ایک اور قدم کی نمائندگی کرتی ہے۔
اس پروگرام میں محروم گروپوں کے مختلف سرکاری اسکیموں کے تقریباً 3 لاکھ استفادہ کنندگان حصہ لیں گے، جو ملک بھر کے 500سے زائداضلاع سے اس پروگرام میں شامل ہوں گے۔
************
ش ح۔ج ق ۔ن ع
(U: 6013)
(Release ID: 2014006)
Visitor Counter : 76
Read this release in:
English
,
Marathi
,
Hindi
,
Bengali
,
Manipuri
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam