ନମସ୍କାର ଜୀ,

ଏହି ଅବସରରେ ଛତିଶଗଡ଼ର ମୁଖ୍ୟମନ୍ତ୍ରୀ ବିଷ୍ଣୁ ଦେବ ସାଏଜୀ, ରାଜ୍ୟ ସରକାରଙ୍କ ସମସ୍ତ ମନ୍ତ୍ରୀ ଗଣ, ବିଧାୟକ ଗଣ ଓ ଅନ୍ୟାନ୍ୟ ଉପସ୍ଥିତ ମାନ୍ୟଗଣ୍ୟ ବ୍ୟକ୍ତି ଜୟ –ଜୋହାର ।

ମୁଁ ମା' ଦନ୍ତେଶ୍ୱରୀ, ମା' ବମ୍ବେଶ୍ୱରୀ ଓ ମା' ମହାମାୟାଙ୍କୁ ଆଦର ପୂର୍ବକ ପ୍ରଣାମ କରୁଛି। ଛତିଶଗଡ଼ର ମା' ଭଉଣୀମାନଙ୍କୁ ମୋର ପ୍ରଣାମ । ଦୁଇ ସପ୍ତାହ ତଳେ ମୁଁ ଛତିଶଗଡ଼ରେ ୩୫ ହଜାର କୋଟି ଟଙ୍କାର ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କରିଥିଲି। ଏବଂ ଆଜି ମୋତେ ନାରୀଶକ୍ତିକୁ ସଶକ୍ତୀକରଣ କରିବା ପାଇଁ ମହତାରୀ ବନ୍ଦନ ଯୋଜନାକୁ ସମର୍ପିତ କରିବାର ସୌଭାଗ୍ୟ ଲାଭ କରିଛି । ମହତାରୀ ବନ୍ଦନ ଯୋଜନାରେ ଛତିଶଗଡ଼ର ୭୦ ଲକ୍ଷରୁ ଅଧିକ ମା' ଭଉଣୀମାନଙ୍କୁ ମାସିକ ୧୦୦୦ ଟଙ୍କା ଦେବାକୁ ପ୍ରତିଶ୍ରୁତି ଦିଆଯାଇଥିଲା। ବିଜେପି ସରକାର ନିଜର ପ୍ରତିଶ୍ରୁତି ପୂରଣ କରିଛନ୍ତି। ଆଜି ମହତାରୀ ବନ୍ଦନ ଯୋଜନାରେ ୬୫୫ କୋଟି ଟଙ୍କାର ପ୍ରଥମ କିସ୍ତି ପ୍ରଦାନ କରାଯାଇଛି। ଏବଂ ମୁଁ ପରଦାରେ ଦେଖିପାରୁଛି, ଲକ୍ଷ ଲକ୍ଷ ଭଉଣୀ ଙ୍କୁ ଦେଖିବାକୁ ମିଳୁଛି, ଆପଣ ସମସ୍ତ ଭଉଣୀଙ୍କୁ ବିଭିନ୍ନ ସ୍ଥାନରେ ଏତେ ସଂଖ୍ୟକ ସଂଖ୍ୟାରେ ଏକାଠି ଦେଖିବା, ଆପଣଙ୍କ ଆଶୀର୍ବାଦ ପାଇବା ମୋ ପାଇଁ ସୌଭାଗ୍ୟର କଥା । ବାସ୍ତବରେ ଏହି କାର୍ଯ୍ୟକ୍ରମ ଆଜି ବହୁତ ଗୁରୁତ୍ୱପୂର୍ଣ୍ଣ । ମୁଁ ଛତିଶଗଡ଼ରେ ଆପଣଙ୍କ ମଧ୍ୟରେ ପହଞ୍ଚିବା ଉଚିତ୍ ଥିଲା । କିନ୍ତୁ ବିଭିନ୍ନ କାର୍ଯ୍ୟକ୍ରମ ପାଇଁ ମୁଁ ଏଠାରେ ଉତ୍ତରପ୍ରଦେଶରେ ଅଛି । ଆଉ ମାଆ ଓ ଭଉଣୀମାନେ, ମୁଁ ଏବେ କାଶୀରୁ କହୁଛି । ଆଉ ଗତକାଲି ରାତିରେ ବାବା ବିଶ୍ୱନାଥଙ୍କୁ ପ୍ରଣାମ କରି ତାଙ୍କୁ ପୂଜା କରିବା ସହ ସମସ୍ତ ଦେଶବାସୀଙ୍କ ମଙ୍ଗଳ କାମନା କରିଥିଲି । ଆଉ ଆଜି ମୁଁ କାଶୀର ପବିତ୍ର ସହର ବାବା ବିଶ୍ୱନାଥଙ୍କ ଭୂମିରୁ ଆପଣ ମାନଙ୍କ ସହ କଥା ହେବାର ସୁଯୋଗ ପାଇଛି ଏବଂ ସେଥିପାଇଁ ମୁଁ ଆପଣଙ୍କୁ ଅଭିନନ୍ଦନ ଜଣାଉଛି, କିନ୍ତୁ ବାବା ବିଶ୍ୱନାଥ ମଧ୍ୟ ଆପଣମାନଙ୍କୁ ଆଶୀର୍ବାଦ ଦେଉଛନ୍ତି | ଏବଂ ଗତକାଲି ଶିବରାତ୍ରୀ ଥିଲା, ତେଣୁ ଶିବରାତ୍ରୀ କାରଣରୁ ମାର୍ଚ୍ଚ ୮ ରେ ମହିଳା ଦିବସରେ ଏହି କାର୍ଯ୍ୟକ୍ରମ ଆୟୋଜନ କରିବା ସମ୍ଭବ ହୋଇନଥିଲା | ତେଣୁ ଏକ ପ୍ରକାରରେ ମାର୍ଚ୍ଚ ୮ ମହିଳା ଦିବସ, ଶିବରାତ୍ରୀ ଦିବସ ଓ ଆଜି ବାବା ଭୋଳଙ୍କ ଆଶୀର୍ବାଦ ବାବା ଭୋଳନାଥଙ୍କ ସହରରୁ ୧୦୦୦ ଟଙ୍କାରେ ପହଞ୍ଚିଛି, ଏହାଠାରୁ ବଡ଼ ଶକ୍ତି ବାବା ଭୋଳଙ୍କ ଆଶୀର୍ବାଦ ମଧ୍ୟ ପହଞ୍ଚୁଛି। ଏବଂ ମୁଁ ପ୍ରତ୍ୟେକ ମହତାରୀଙ୍କୁ କହିବି ... ଏବେ ଏହି ଟଙ୍କା ବିନା କୌଣସି ଅସୁବିଧାରେ ପ୍ରତି ମାସରେ ଆପଣଙ୍କ ଆକାଉଣ୍ଟକୁ ଆସୁଥିବ । ଏବଂ ଏହା ଛତିଶଗଡ଼ର ବିଜେପି ସରକାର ଉପରେ ମୋର ବିଶ୍ୱାସ ଏବଂ ତେଣୁ ମୁଁ ଗ୍ୟାରେଣ୍ଟି ଦେଉଛି ।

ମାଆ ଓ ଭଉଣୀ,

ଯେତେବେଳେ ମା' ଭଉଣୀ ସଶକ୍ତ ହୁଅନ୍ତି, ସେତେବେଳେ ପୂରା ପରିବାର ସଶକ୍ତ ହୋଇଥାଏ। ତେଣୁ ଡବଲ ଇଞ୍ଜିନ ସରକାରଙ୍କ ପ୍ରାଥମିକତା ହେଉଛି ଆମ ମା' ଭଉଣୀମାନଙ୍କ କଲ୍ୟାଣ। ଆଜି, ଏହି ପରିବାରକୁ ଏକ ପକ୍କା ଘର ମିଳୁଛି - ଏବଂ ତାହା ମଧ୍ୟ ମହିଳାଙ୍କ ନାମରେ! ଉପଲବ୍ଧ ହେଉଛି ଉଜ୍ଜ୍ୱଳାର ଶସ୍ତା ଗ୍ୟାସ ସିଲିଣ୍ଡର ଉପଲବ୍ଧ ହେଉଛି– ତାହା ମଧ୍ୟ ମହିଳାଙ୍କ ନାମରେ ! ୫୦ ପ୍ରତିଶତରୁ ଅଧିକ ଜନଧନ ଆକାଉଣ୍ଟ - ତାହା ମଧ୍ୟ ଆମ ମା' ଓ ଭଉଣୀଙ୍କ ନାମରେ  !

ପ୍ରଦାନ କରାଯାଉଥିବା ମୁଦ୍ରା ଋଣର ୬୫ ପ୍ରତିଶତରୁ ଅଧିକ ଆମର ମହିଳା ଓ ଭଉଣୀ, ମା' ଓ ଭଉଣୀ, ବିଶେଷ କରି  ଛୋଟ ଝିଅମାନେ ସମର୍ଥନ କରୁଛନ୍ତି। ଆଉ ଏହି ଋଣ ନେଇ ନିଜର କାମ ଆରମ୍ଭ କରିଛନ୍ତି । ଗତ ୧୦ ବର୍ଷ ରେ ଆମ ସରକାର ସ୍ୱୟଂ ସହାୟକ ଗୋଷ୍ଠୀର ୧୦ କୋଟିରୁ ଅଧିକ ମହିଳାଙ୍କ ଜୀବନରେ ପରିବର୍ତ୍ତନ ଆଣିଛନ୍ତି । ଆମ ସରକାରଙ୍କ ପ୍ରୟାସ ଯୋଗୁଁ ଦେଶରେ ଏପର୍ଯ୍ୟନ୍ତ ୧ କୋଟିରୁ ଅଧିକ କୋଟିପତି ଦିଦି ହୋଇପାରିଛନ୍ତି । ସେ ଏକ କୋଟିରୁ ଅଧିକ କୋଟିପତି ଦିଦି ପାଲଟିଯାଇଛନ୍ତି ଏବଂ ପ୍ରତ୍ୟେକ ଗାଁରେ ଏତେ ବଡ଼ ଅର୍ଥନୈତିକ ଶକ୍ତି ପାଲଟିଯାଇଛନ୍ତି । ଆଉ ଏହି ସଫଳତା କୁ ଦେଖି ଆମେ ଏକ ବଡ ଡେଇଁବାକୁ ନିଷ୍ପତ୍ତି ନେଇଛୁ । ଦେଶର ୩ କୋଟି ଭଉଣୀଙ୍କୁ କୋଟିପତି କରିବାର ଲକ୍ଷ୍ୟ ହାସଲ କରିବୁ ବୋଲି ଆମେ ସଂକଳ୍ପ ନେଇଛୁ। ନମୋ ଡ୍ରୋନ ଦିଦି ଯୋଜନା ମହିଳା ସଶକ୍ତିକରଣ ପାଇଁ ମଧ୍ୟ ନୂଆ ବାଟ ଖୋଲିଛି । ଆଉ ମା' ଓ ଭଉଣୀମାନେ, ମୁଁ ଆସନ୍ତାକାଲି ନମୋ ଡ୍ରୋନ୍ ଦିଦିଙ୍କ ଏକ ବଡ଼ କାର୍ଯ୍ୟକ୍ରମ ଆୟୋଜନ କରିବାକୁ ଯାଉଛି। ସକାଳ ୧୦-୧୧ଟାରେ ଟିଭିରେ ଯୋଗ ଦିଅନ୍ତୁ। ଦେଖନ୍ତୁ କ'ଣ କରୁଛନ୍ତି ନମୋ ଡ୍ରୋନ୍ ଦିଦି । ଆପଣ ମଧ୍ୟ ଦେଖିବାକୁ ପାଇବେ ଏବଂ ଭବିଷ୍ୟତରେ ମଧ୍ୟ ଉତ୍ସାହର ସହ ତାଙ୍କ ସହ ଯୋଗ ଦେବେ । ଆଉ ଏହି 'ନମୋ ଡ୍ରୋନ୍ ଦିଦି' ଏହି ଯୋଜନା ଅଧୀନରେ ବିଜେପି ସରକାର ଭଉଣୀମାନଙ୍କୁ ଡ୍ରୋନ୍ ଦେବା ସହ ଡ୍ରୋନ୍ ପାଇଲଟଙ୍କୁ ପ୍ରଶିକ୍ଷଣ ମଧ୍ୟ ଦେବେ।   ଏବଂ ମୁଁ ଜଣେ ଭଉଣୀସହିତ ଏକ ସାକ୍ଷାତକାର ଦେଖିଲି | ସେ କହିଛନ୍ତି ଯେ ମୁଁ ସାଇକେଲ ମଧ୍ୟ ଜାଣି ନଥିଲି ଏବଂ ଆଜି ମୁଁ ଡ୍ରୋନ ଦିଦି ପାଇଲଟ ହୋଇପାରିଛି । ଦେଖନ୍ତୁ, ଚାଷ ଆଧୁନିକ ହେବ ଏବଂ ଭଉଣୀମାନେ ମଧ୍ୟ ଅତିରିକ୍ତ ରୋଜଗାର କରିବେ । ଆସନ୍ତାକାଲି ମୁଁ ଦିଲ୍ଲୀରୁ ଏହି ଯୋଜନାର ଶୁଭାରମ୍ଭ କରିବାକୁ ଯାଉଛି । ତେଣୁ ମୁଁ ଆପଣସମସ୍ତଙ୍କୁ ପୁଣି ଥରେ ମୋ ସହିତ ଯୋଗ ଦେବାକୁ ଅନୁରୋଧ କରୁଛି ।

ମାଆ ଓ ଭଉଣୀ,

ପରିବାର ସମୃଦ୍ଧ ସେତେବେଳେ ହୋଇଥାଏ ଯେତେବେଳେ ପରିବାର ସୁସ୍ଥ ରହିଥାଏ । ଏବଂ ଘରର ମହିଳାମାନେ ସୁସ୍ଥ ରହିଲେ ହିଁ ପରିବାର ସୁସ୍ଥ ରହିଥାଏ । ପୂର୍ବରୁ ଗର୍ଭାବସ୍ଥାରେ ମା' ଓ ଶିଶୁଙ୍କ ମୃତ୍ୟୁ ଏକ ବଡ଼ ଚିନ୍ତାର ବିଷୟ ଥିଲା। ଗର୍ଭାବସ୍ଥାରେ ଗର୍ଭବତୀ ମହିଳାଙ୍କୁ ମାଗଣାଟିକା ଓ ୫ ହଜାର ଟଙ୍କା ଦେବାକୁ ଯୋଜନା କରିଥିଲୁ। ଆଶା ଓ ଅଙ୍ଗନବାଡି କର୍ମୀଙ୍କୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା ଯୋଗାଇ ଦିଆଯାଇଛି। ପୂର୍ବରୁ ଘରେ ଶୌଚାଳୟ ନଥିବାରୁ ଭଉଣୀ ଓ ଝିଅଙ୍କୁ ଯନ୍ତ୍ରଣା ଓ ଅପମାନ ସହିବାକୁ ପଡୁଥିଲା। ଆଜି ପ୍ରତ୍ୟେକ ଘରେ ମା' ଭଉଣୀଙ୍କ ପାଇଁ ଏକ ଶୌଚାଳୟ ରହିଛି। ଏହା ଦ୍ୱାରା ସେମାନଙ୍କର ଅସୁବିଧା ମଧ୍ୟ ହ୍ରାସ ପାଇଛି ଏବଂ ରୋଗରୁ ମଧ୍ୟ ମୁକ୍ତି ମିଳିଛି ।

ମାଆ ଓ ଭଉଣୀ,

ନିର୍ବାଚନ ପୂର୍ବରୁ ଅନେକ ଦଳ ବଡ଼ ବଡ଼ ପ୍ରତିଶ୍ରୁତି ଦେଇଥାନ୍ତି। ଏଥିରେ ଆକାଶରୁ ସବୁ ତାର ଆଣ ପାଦ ତଳେ ରଖିବା ପାଇଁ କୁହାଯାଏ । କିନ୍ତୁ ବିଜେପି ଭଳି ସ୍ୱଚ୍ଛ ଉଦ୍ଦେଶ୍ୟ ରଖିଥିବା ଦଳ ହିଁ ନିଜର ପ୍ରତିଶ୍ରୁତି ପୂରଣ କରିଥାଏ। ସେଥିପାଇଁ ବିଜେପି ସରକାର ଗଠନ ପରେ ଏତେ କମ୍ ସମୟ ମଧ୍ୟରେ ମହତାରୀ ବନ୍ଦନ ଯୋଜନାର ଏହି ପ୍ରତିଶ୍ରୁତି ପୂରଣ ହୋଇଛି। ସେଥିପାଇଁ ମୁଁ ଆମ ମୁଖ୍ୟମନ୍ତ୍ରୀ ବିଷ୍ଣୁଦେବଜୀ, ତାଙ୍କ ପୂରା ଟିମ୍ ଏବଂ ଛତିଶଗଡ଼ ସରକାରଙ୍କୁ ଯେତେ ଶୁଭେଚ୍ଛା ତାହା କମ ହେବ । ଅଭିନନ୍ଦନ ଜଣାଇପାରିବି ନାହିଁ। ଆଉ ଏହି କାରଣରୁ ଲୋକେ କହୁଛନ୍ତି- ମୋଦିଙ୍କ ଗ୍ୟାରେଣ୍ଟି ଅର୍ଥ ପୂରଣର ଗ୍ୟାରେଣ୍ଟି ! ନିର୍ବାଚନ ସମୟରେ ଛତିଶଗଡ଼ର ସମୃଦ୍ଧି ପାଇଁ ଦିଆଯାଇଥିବା ପ୍ରତିଶ୍ରୁତି ପୂରଣ କରିବା ପାଇଁ ବିଜେପି ସରକାର ମଧ୍ୟ ନିରବଚ୍ଛିନ୍ନ ଭାବେ କାର୍ଯ୍ୟ କରୁଛନ୍ତି। ଛତିଶଗଡ଼ରେ ଆମେ ୧୮ ଲକ୍ଷ ପକ୍କା ଘର, ୧୮ ଲକ୍ଷ ପକ୍କା ଘର ସଂଖ୍ୟା ବହୁତ ବଡ, ନିର୍ମାଣ କରିବୁ ବୋଲି ପ୍ରତିଶ୍ରୁତି ଦେଇଥିଲି। ସରକାର ଗଠନର ଦ୍ବିତୀୟ ଦିନରେ ଆମ ବିଷ୍ଣୁଦେବ ସାଏ, ତାଙ୍କ କ୍ୟାବିନେଟ୍ ଏବଂ ଛତିଶଗଡ଼ ସରକାର ଏ ସଂକ୍ରାନ୍ତରେ ନିଷ୍ପତ୍ତି ନେଇ କାର୍ଯ୍ୟ ଆରମ୍ଭ କରିଥିଲେ। ଛତିଶଗଡ଼ର ଧାନ ଚାଷୀଙ୍କୁ ୨ ବର୍ଷର ବକେୟା ବୋନସ୍ ଦିଆଯିବ ବୋଲି ମୁଁ ପ୍ରତିଶ୍ରୁତି ଦେଇଥିଲି। ଅଟଳଜୀଙ୍କ ଜନ୍ମଦିନରେ ଛତିଶଗଡ଼ ସରକାର ଚାଷୀଙ୍କ ଆକାଉଣ୍ଟକୁ ୩ ହଜାର ୭୦୦ କୋଟି ଟଙ୍କାର ବୋନସ୍ ଟ୍ରାନ୍ସଫର କରିଥିଲେ। ଆମ ସରକାର ଏଠାରେ କ୍ୱିଣ୍ଟାଲ ପିଛା ୩୧୦୦ ଟଙ୍କା ଦରରେ ଧାନ କିଣିବେ ବୋଲି ମୁଁ ଗ୍ୟାରେଣ୍ଟି ଦେଇଥିଲି। ମୁଁ ଖୁସି ଯେ ଆମ ସରକାର ନିଜର ପ୍ରତିଶ୍ରୁତି ପୂରଣ କରିଛନ୍ତି ଏବଂ ୧୪୫ ଲକ୍ଷ ଟନ୍ ଧାନ କ୍ରୟ କରି ଏକ ନୂତନ ରେକର୍ଡ ସୃଷ୍ଟି କରିଛନ୍ତି । ଏତଦ୍ ବ୍ୟତୀତ କୃଷକ ଉନ୍ନତି ଯୋଜନା ଆରମ୍ଭ ହୋଇଛି। ଏହି ଯୋଜନା ରେ ଚଳିତ ବର୍ଷ କିଣାଯାଇଥିବା ଧାନର ପାର୍ଥକ୍ୟ ରାଶି ଖୁବଶୀଘ୍ର ଚାଷୀ ଭାଇମାନଙ୍କୁ ପ୍ରଦାନ କରାଯିବ । ଆଗାମୀ ୫ ବର୍ଷ ମଧ୍ୟରେ ଜନକଲ୍ୟାଣର ଏହି କାର୍ଯ୍ୟକୁ ନିର୍ଣ୍ଣାୟକ ଭାବେ ଆଗେଇ ନିଆଯିବ। ଆପଣ ସମସ୍ତ ମା' ଭଉଣୀମାନେ ଏଥିରେ ବଡ଼ ଅଂଶଗ୍ରହଣ କରିବାକୁ ଯାଉଛନ୍ତି। ମୋର ବିଶ୍ୱାସ ଯେ ଛତିଶଗଡ଼ର ଡବଲ ଇଞ୍ଜିନ ସରକାର ଆପଣଙ୍କ ସେବା ଜାରି ରଖିବେ ଏବଂ ଏହାର ସମସ୍ତ ଗ୍ୟାରେଣ୍ଟି ପୂରଣ କରିବା ଜାରି ରଖିବେ । ବର୍ତ୍ତମାନ ଗ୍ରୀଷ୍ମ ଋତୁ ଆରମ୍ଭ କରିସାରିଛି । ମୁଁ ମୋ ସାମ୍ନାରେ ଲକ୍ଷ ଲକ୍ଷ ଭଉଣୀମାନଙ୍କୁ ଦେଖୁଛି । ଏହି ଦୃଶ୍ୟ ଅଭୂତପୂର୍ବ, ସ୍ମରଣୀୟ ଦୃଶ୍ୟ ଅଟେ । ମନରେ ଆସୁଛି ଯେ ମୁଁ ଆଜି ଆପଣଙ୍କ ମଧ୍ୟରେ ରହିଥାନ୍ତି ।   କିନ୍ତୁ ଆପଣମାନେ ସମସ୍ତେ ମୋତେ କ୍ଷମା କରିବେ, କିନ୍ତୁ ମୁଁ ବାବା ବିଶ୍ୱନାଥଙ୍କ ଧାମରୁ କହୁଛି । ମୁଁ କାଶୀରୁ କହୁଛି । ତେଣୁ ମୁଁ ବାବାଙ୍କ ଆଶୀର୍ବାଦ ମଧ୍ୟ ସାଙ୍ଗରେ ନେଇ ପହଞ୍ଚିବି । ମୋ ତରଫରୁ ଆପଣଙ୍କୁ ବହୁତ ବହୁତ ଧନ୍ୟବାଦ, ଅନେକ ଶୁଭେଚ୍ଛା । ବହୁତ ବହୁତ ଶୁଭାକମନା।

*****

NS/SLP