Ka Wild Life (Protection) Act, 1972 (53 of 1972), ka ai ki mat treikam ha ka ain na ka bynta ka jingiada ia ki jait mrad khlaw bapher bapher, ka jingpeit ia ki jaka sah jong ki bad ruh ka jingtehlakam ia ka jingkhaii ia ki mar ba ioh na ki bynta bapher bapher jong ki mrad khlaw.

La pynkylla khatduh ia kane ka Ain ha u snem 2022. Ka Wild life (Protection) Amendment Act, 2022 ka la sdang treikam naduh ka 1 tarik u Iaiong 2023. Ka Section 49 M jong ka Ain ka pynbiang ia ka jingkyntiew kyrteng ia ka jingdon, jingphah bad jingkha bad ruh ka jingai jingtip shaphang ka jingkhlad jong ki mrad ba kyrpang kiba don ha ki Appendice jong ka CITES bad kumta kiba don hapoh ka Schedule IV jong ka Wild Life (Protection) Act, 1972.

Ka Tnat Environment, Forest and Climate Change ka la pynbna ia ki kyndon na ka bynta ka Section 49 M lyngba ka Gazette Notification ha ka 28 tarik u Rymphang 2024.

Baroh ki briew kiba don ia kine ki jait mrad ba dang im ki hap ban pan ban kyntiew kyrteng ba ki don ia kum kine hapoh hynriew bnai naduh ba la sdang pyntreikam ia kine ki kyndon bad hadien kane, hapoh laiphew sngi ba ki ioh ia kum kine ki jait mrad sha u State Chief Wild Life Warden, lyngba ka rynsan PARIVESH 2.0 (https://parivesh.nic.in/parivesh-ua/#/).

Shuh shuh, kano kano ka jingphah bad ka jingkha ia ki khun jong kine ki jait mrad ka dei kaba hap ban ai jingtip ha ryngkat kano kano ka jingkhlad jong kine ki mrad, bad ia kane ka jingtip dei ban ai sha u Chief Wild Life Warden lyngba ka rynsan PARIVESH 2.0 katkum kine ki kyndon.

Shon hangne ban ioh ia ka Gazette Notification:

****