প্রধান মন্ত্রী শ্রী নরেন্দ্র মোদীনা জম্মু অমসুং কাশ্মিরগী শ্রীনগরদা মার্চ 7, 2024দা চৎকনি। নুমিৎ য়ুংবা পুং 12রোম তারকপদা প্রধান মন্ত্রীনা বক্ষি স্তেদিয়ম, শ্রীনগরদা থুংগনি, মফম অসিদা মহাক্না ‘ভিকসিৎ ভারত ভিকসিৎ জম্মু কাশ্মির’ থৌরমদা শরুক য়াগনি।

থৌরম অসিদা পি.এম.না J&K দা এগ্রি-ইকনোমী শাহৌ পীনবগী লুপা করোর 5000 রোম ওইবা প্রোগ্রাম – ‘হোলিস্তক এগ্রিকলচর দিবেলপমেন্ত প্রোগ্রাম’ জাতিদা কত্থোক্কনি। মহাক্না ‘ইন্তিগ্রেতেদ দিবেলপমেন্ত ওফ হজরতবল শ্রাইন’ শ্রীনগরগী প্রোজেক্ত য়াওনা স্বদেশ দর্শন অমসুং প্রশাদ (পিলগ্রিমেজ রিজুবনেসন এন্দ স্পিরিচুএল, হেরিতেজ ওগমেন্তেসন দ্রাইব) স্কিমগী মখাদা লুপা করোর 1400 হেনবা তুরিজম সেক্তরগা মরী লৈনবা প্রোজেক্ত কয়ামরুম জাতিদা কত্থোক্কনি অমসুং হৌদোক্কনি। পি.এম.না ‘দেখো অপ্না দেশ পিপল্স চোইস তুরিস্ত দেস্তিনেসন পুল’ অমসুং চোলো ইন্দিয়া গ্লোবেল দাইস্পোরা কেম্পেন’সু হৌদোক্কনি। মহাক্না চেলেঞ্জ বেজ দেস্তিনেসন দিবেলপমেন্ত (CBDD) স্কিমগী মখাদা খনগৎলবা লমকোইফমশিংসু লাউথোক্কনি। মসিগী মথক্তা পি.এম.না জম্মু অমসুং কাশ্মিরগী সরকারগী থবক নৌনা চংলকপা 1000দা এপোইন্তমেন্ত ওর্দরশিংসু য়েন্থোক্কনি অমসুং নুপী মাইপাকখ্রবশিং, লাখপতি দিদিশিং, লৌমীশিং, ওন্তপ্রিনোরশিংনচিংবা য়াওনা সরকারগী তোঙান-তোঙানবা স্কিমশিংগী বেনিফিসরীশিংগসু ৱারী শাগনি।

জম্মু অমসুং কাশ্মিরগী এগ্রি-ইকনোমীদা অচৌবা শাহৌ পীনবা খোঙথাং অমদা পি.এম.না জাতিদা ‘হোলিস্তিক এগ্রিকলচর দিবেলপমেন্ত প্রোগ্রাম’ (HADP) জাতিদা কত্থোক্কনি।  HADP অসি জম্মু কাশ্মিরদা এগ্রি-ইকনোমীগী মরু ওইবা দোমেন অহুম, মদুদি হোর্তিকলচর, এগ্রিকলচর অমসুং লাইবস্তোক হসবেন্দ্রী অসিদা লৈরিবা থবক-থৌরমশিংগী অপুনবা লম কোনশিল্লিবা ইন্তিগ্রেতেদ প্রোগ্রাম অমনি। প্রোগ্রাম অসিনা দেদিকেতেদ দক্ষ কিসান পোর্তেলগী থোংদা লৌমী লাখ 2.5বু স্কিল দিবেলপমেন্ত ফংহল্লগনি পানরি। প্রোগ্রাম অসিগী মখাদা কিসান খিদমত ঘর 2000 রোম লিংখৎকনি অমসুং অচৌবা ভেল্যু চেনশিং লৌমী ফুরুপকী য়াইফনবা লৈহনগনি। প্রোগ্রাম অসিনা জম্মু অমসুং কাশ্মিরদা লৈরিবা শোত্থরবা ইমুং লাখ কয়াদা কান্নবা পীদুনা থবক্কী খুদোংচাবা ফংহনগনি।

প্রধান মন্ত্রীগী বিজন অসি মালেমগী থাক্কী ইনফ্রাস্ত্রকচর শাগৎতুনা অমসুং খুদোংচাবশিং ফংহন্দুনা লমকোইবশিং অমসুং তীর্থ য়াত্রা চৎপশিংনা মমিং লৈবা তীর্থ য়াত্রাগী মফমশিং অমসুং লমকোইফমশিং চৎপগী অপুনবা এক্সপরিয়েন্স ফগৎহনবনি। মসিগী পরিং মখাদা পি.এম.না লুপা করোর 1400 হেনবগী স্বদেশ দর্শন অমসুং প্রশাদ স্কিমগী মখাদা থৌজিল কয়ামরুম জাতিদা কত্থোক্কনি অমসুং হৌদোক্কনি। পি.এম.না জাতিদা কত্থোক্কদবা প্রোজেক্তশিং অসিদা J&Kগী শ্রীন্রদা ‘ইন্তিগ্রেতেদ দিবেলপমেন্ত ওফ হজরতবল শ্রাইন’ শেমগৎপা; মেঘালয়দা নোর্থইস্ত সর্কিৎতা তুরিজম ফেসিলিতীশিং শেমগৎপা; বিহার অমসুং রাজস্থানদা স্পিরিচুএল সর্কিৎ শেমগৎপা; বিহারদা রুরেল অমসুং তীর্থনকর সর্কিৎ শেমগৎপা; তেলঙ্গানাগী জোগুলাম্বা গরৱাল জিলাগী জোগুলাম্বা দেবী মন্দির শেমগৎপা; অমসুং মধ্য প্রদেশকী অন্নুপুর জিলাদা অমরকন্তক মন্দির শেমগৎপা য়াওরি।

হজরতবল শ্রাইনদা লাকপা তীর্থ য়াত্রা চৎপা মীওইশিং অমসুং লমকোইবশিংগীদমক মালেমগী থাক্কী ইনফ্রাস্ত্রকচর শেমগৎনবা অমসুং খুদোংচাবশিং ফংহন্নবা  অমসুং মখোয়গী হোলিস্তিক স্পিরিচুএল এক্সপরিয়েন্স হেনগৎহন্নবা খোঙথাং অমদা প্রোজেক্ত ‘ইন্তিগ্রেতেদ দিবেলপমেন্ত ওফ হজরতবল শ্রাইন’ পাইখৎখি। প্রোজেক্ত অসিগী মরু ওইবা কম্পোনেন্তশিংদা খুবম অসিগী ঙমখৈগী শম্বলশিং খাগৎপা; হজরতবল খুবমগী ঙমখৈশিং মৈ থানবা; ঘাতশিং অমসুং খুবমগী অকোইবদা লৈরিবা দেবরী পথশিং শেমগৎপা; সুফি ইন্তিপ্রেতেসন সেন্তর শাবা; তুরিস্ত ফেসিলিতেসন সেন্তর শাবা; সাইনেজশিং ইনস্তোল তৌবা; মথোল কয়া ওইবা কার পার্কিং; পব্লিক কনভিনিয়ন্স ব্লোক অমসুং খুবমগী চংফম শাবা য়াওনা অপুনবা মফম অসি শেমগৎ শাগৎপা য়াওরি।

পি.এম.না লৈবাক শিনবা থুংবদা তীর্থ য়াত্রা চৎফম অমসুং লমকোইফম কয়া শেমগৎপগী প্রোজেক্ত 43সু হৌদোক্কনি। মসিদা আন্ধ্র প্রদেশকী কাকীনাদা জিলাদা লৈবা অন্নাবারাম মন্দির; তমিল নাদুগী তঞ্জাবুর অমসুং ময়িলাদুতুরৈ জিলা অমসুং পুদুচেরীগী  করৈকাল জিলাগী নবগ্রহ মন্দিরশিং; কর্নাতক্কী মৈসুরু জিলাগী শ্রী চমুন্দেশ্বরী দেবী মন্দির; রাজস্থানগী বীকানের জিলাগী করনী মাতা মন্দির; হিমাচল প্রদেশকী উনা জিলাগী মা চিন্তপুর্নি মন্দির; গোৱাগী বোম জেসস চর্চকী বসিলিকা য়াওনা মরু ওইবা ধর্মগী মফমশিং য়াওরি। প্রোজেক্তশিং অসিদা অরুনাচল প্রদেশকী মেচুকা এদভেঞ্চর পার্ক, উত্তরাখন্দগী পিথৌরাগরগী গুঞ্জীদা রুরেল তুরিজম ক্লস্তর এক্সপরিয়েন্স; তেলঙ্গানাগী অনন্তগিরিদা অনন্তগিরি ফোরেস্তা ইকোতুরিজম জোন’ মেঘালয়গী সোহরাদা মেঘালয়ন এজ কেব এক্সপরিয়েন্স অমসুং ৱাতরফোল্স ত্রেল্স এক্সপরিয়েন্স; অসামগী জোর্হাত্তা চিন্নামরা তী ইস্তেৎ রিইমেজিন তৌবা; পঞ্জাবকী কপুরথালাগী কঞ্জলি ৱেতলেন্তদা ইকোতুরিজম এক্সপরিয়েন্স; লেহদা জুল্লী লেহ বাইওদাইভর্সিতী পার্কগুম্বা তোঙান-তোঙানবা মফমশিং অমসুং এক্সপরিয়েন্স সেন্তরশিং শেমগৎপা য়াওরি।

থৌরম অসিদা পি.এম.না চেলেঞ্জ বেজ দেস্তিনেসন দিবেলপমেন্ত (CBDD) স্কিমগী মখাদা খনগৎলবা লমকোইফম 42 লাউথোক্কনি। কেন্দ্রগী বজেৎ 2023-24 মনুংদা লাউথোকখিবা ইন্নোভেতিব স্কিমনা লমকোইফমশিং শেমগৎপদা ইনোৎ হাপতুনা এন্দ-তু-এন্দ তুরিস্ত এক্সপরিয়েন্সশিং ফংহন্নবা অমরোমদনা তুরিজম সেক্তরদা সস্তেনেবিলিতী প্রমোৎ তৌনবা অমসুং কম্পিতিতিবনেস লৈহন্নবা পান্দম থম্মি। লমকোইফম 42 অসি কেতগোরী 4দা মশক খঙদোকখি (কলচর এন্দ হেরিতেজ দেস্তিনেসনদা 16; স্পিরিচুএল দেস্তিনেসনদা 11; ইকোতুরিজম অমসুং অমৃত ধরোহরদা 10 অমসুং ভাইব্রেন্ত ভিলেজতা 5)।

পি.এম.না ‘দেখো অপ্না দেশ পিপল্স চোইস 2024’গী মওংদা লৈবাক অসিনা তুরিজমগী মতাংদা ফাওরিবা ইহুল খঙদোক্নবা অহানবা ওইনা লৈবাক শিনবা থুংবদা ইনিসিএতিব অসি হৌদোক্কনি। লৈবাক শিনবা থুংবগী পুল অসিনা প্রজাশিংনা খ্বাইদগী পাম্নবা লমকোইফমশিং মশক খঙদোক্নবা অমসুং স্পিরিচুএল, কলচরেল এন্দ হেরিতেজ, নেচর এন্দ ৱাইল্দলাইফ, এদভেঞ্চর অমসুং অদর কেতগোরী – তুরিজম কেতগোরী মঙাদা লমকোইবশিংগী ৱাখল্লোন খঙনবা হোৎন্নবা পান্দম থম্মি। মরু ওইবা কেতগোরী মরি অসিগী মথক্তা ‘অদর’ কেতগোরী অসিদা কনাগুম্বনা মখোয়গী পর্সনেল ওইনা পামজবা মফমশিংগীদমক ভোৎ তৌদুনা ভাইব্রেন্ত বোর্দর ভিলেজ, ৱেলনেস তুরিজম, ৱেদ্দিং তুরিজমনচিংবা এক্সপ্লোর তৌদ্রিবা লমকোইফমশিং অমসুং লমথুংফমশিংগী মওংদা লোৎশিন্দুনা লৈরিবা মনী অদু খঙদোকপদা মতেং পাংগনি। পুল এক্সর্সাইজ অসি ভারত সরকারগী সিতিজেন এঙ্গেজমেন্ত পোর্তেল, মাইগোব প্লেৎফোর্মদা পাঙথোক্কনি।

পি.এম.না ইন্দিয়ন দাইস্পোরাবু ইনক্রেদিবল ইন্দিয়া এম্বেসেদরশিং ওইহন্নবা ইথিল পীনবা অমসুং ভারতকী তুরিজম চাউখৎহন্নবা পান্দমগা লোয়ননা ‘চলো ইন্দিয়া গ্লোবেল দাইস্পোরা কেম্পেন’ হৌদোক্কনি। কেম্পেন অসি ভারত্তা ভারত মচা নত্তনা মরুপ য়ামদ্রবদা 5 লাকহন্নবা পুক্নিং থৌগৎনবা ইন্দিয়ন দাইস্পোরা মেম্বরশিংদা হায়খিবগী প্রধান মন্ত্রীগী ৱাফম অদুদা য়ুম্ফম ওইরগা মসি হৌদোকপনি। মীরমদা লৈবা ভারত মচা করোর 3 হেনবগা লোয়ননা ইন্দিয়ন দাইস্পোরানা কলচরেল এম্বেসেদরশিং ওইদুনা ভারতকী তুরিজমগীদমক শক্তি লৈরবা কেতলিস্ত অমা ওইনা মথৌ তৌগনি।

***