প্রধান মন্ত্রী শ্রী নরেন্দ্র মোদী মার্চ ১-২,২০২৪ দা ঝারখন্দ, নোংচুপ বেঙ্গল অমসুং বিহারদা চৎকনি।

মার্চ ১দা, অয়ুক পুং ১১ তাবদা, প্রধান মন্ত্রী সিন্দরি, ধনবাদ, ঝারখন্দদা থুংগনি অমসুং মীয়ামগী থৌরম অমা শরুক য়াগনি, মহাক্না ঝারখন্দদা লুপা করোর ৩৫,৭০০ রোমগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। নুংথিলগী পুং ৩ রোম তাবদা,প্রধান মন্ত্রীনা অরামবাগ, হুগ্লি, নোংচুপ বেঙ্গলদা মীয়ামগী থৌরম অমা শরুক য়াগনি অমসুং মহাক্না লুপা করোর ৭,২০০ রোমগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি।

মার্চ ২দা, চাউরাক্না অয়ুক পুং ১০:৩০ রোম তাবদা, প্রধান মন্ত্রী নোংচুপ বেঙ্গলগী কৃষ্ণনগর, নদিয়া জিলাদা থুংগনি, মফম অদুদা মহাক্না লুপা করোর ১৫,০০০ রোমগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। নুংথিলগী পুং ২:৩০ রোম তাবদা, প্রধান মন্ত্রীনা ঔরাঙ্গাবাদ, বিহারদা লুপা করোর ২১,৪০০ রোমগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। নুংথিল পুং ৫:১৫ রোম তাবদা, প্রধান মন্ত্রী বিহারগী বেগুসারাইদা থুংগনি, মফম অদুদা মহাক্না মীয়ামগী থৌরম অমা শরুক য়াগনি অমসুং থাউ অমসুং গ্যাস সেক্তরগা মরী লৈনবা লুপা করোর লাখ ১.৪৮ রোমগী লৈবাক শীনবা থুংবগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি অমসুং বিহারদা লুপা করোর ১৩,৪০০ রোমগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি।

সিন্দরি, ঝারখন্দদা প্রধান মন্ত্রী

সিন্দরি, ধনবাদতা পাংথোকপা মীয়ামগী থৌরম অমদা, প্রধান মন্ত্রীনা হার, রেল, পৱার অমসুং কোয়লা সেক্তরগা মরি লৈনবা তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি।

প্রধান মন্ত্রীনা লৈবাক মীয়ামদা হিন্দুস্থান উরবরাক এন্দ রয়ায়ন লিমিতেদ(হুরল) সিন্দরি ফর্তিলাইজর প্লান্ত লৈবাক মীয়ামদা কৎথোক্কনি। লুপা করোর ৮৯০০ হেন্না চঙনা শেমগৎপা ফর্তিলাইজর প্লান্ত অসি মশাগী ওক্নবা য়ুরিয়া পুথোক্নবা মাইকৈদা থাংজিনবা খোঙথাং অমনি। মসিনা লৈবাক অসিদা মশানা চহি অমদা ১২.৭ এল.এম.তি হাপচিন্দুনা লৈবাক অসিগী লৌমীশিংদা কান্নবা পীগনি। লৈবাক অসিদা অমুক হিঙ্গৎহনগদবা মরিশুবা ফর্তিলাইজর প্লান্তনি, গোরাখপুর অমসুং রমাগুন্দমদা ফর্তিলাইজর প্লান্তশিং হিঙ্গৎহল্লবা মতুংদা, প্রধান মন্ত্রীনা দিশেম্বর ২০২১ অমসুং নবেম্বর ২০২২দা লৈবাক মীয়ামদা কৎথোকখি।

প্রধান মন্ত্রীনা ঝারখন্দা লুপা করোর ১৭,৬০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। প্রোজেকশিংগী মনুংদা সোনে নগর-অন্দাল শম্নবা ৩শুবা অমসুং ৪শুবা লাইন; তোরি-সিবপুর অহানবা অমসুং অনিশুবা অমসুং বিরাতোলি-সিবপুর অহুমশুবা রেলৱে লাই(তোরি-সিবপুর প্রোজেক্কি শরুক ); মোহনপুর-হান্সদিহা অনৌবা রেল লাইন; ধনবাদ-চন্দ্রপুরা রেল লাইন অমসুং অতোপ্পশিং য়াওরি। থৌরম অসিদা প্রধান মন্ত্রীনা অনৌবা ত্রেন অহুম লমথাগনি। মসিগী মনুংদা দিওঘর-দিব্রুগর ত্রেন সর্বিস, তাতানগর অমসুং বদামপাহারগী মরক্তা মেমু ত্রেন সর্বসি(নুমিৎ খুদিংগী) অমসুং সিবপুর স্তেসন্দগী লোং-হোল ফ্রেদ ত্রেন য়াওরি।

প্রধান মন্ত্রীনা ঝারখন্দা মরুওইবা পৱার প্রোজেকশিং লৈবাক মীয়ামদা কৎথোক্কনি, প্রোজেকশিংগী মনুংদা চাত্রাদা নোর্থ করানপুরা সুপর থর্মেল পৱার প্রোজেক(এস তি পি পি)গী য়ুনিত ১(মেগাৱাত ৬৬০) য়াওরি। লুপা করোর ৭৫০০ হেন্না চঙনা শেমগৎপা প্রোজেক অসিনা লমদম অসিদা মৈ ফংবা হেনগৎহনগনি। মসিদা রাজ্য অসিদা থবক ফংবা হেনগৎহনগনি অমসুং খুন্নাই অমসুং শে-থুমগী ফিবম চাউখৎহনগনি। প্রধান মন্ত্রীনা ঝারখন্দা কোয়লা সেক্তরগা মরী লৈনবা প্রোজেকশিং লৈবাক মীয়ামদা কৎথোক্কনি।

অরামবাগ, নোংচুপ বেঙ্গলদা প্রধান মন্ত্রী

অরামবাগ, হুগলিদা, প্রধান মন্ত্রীনা রেল, হিথাংফম, থাউগী পাইপলাইন, এল.পি.জি ফংহনবা অমসুং অমোৎপা ঈশিং শেংদোকপগা মরী লৈনবা সেক্তরশিংগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি।

প্রধান মন্ত্রীনা লুপা করোর ২,৭৯০ রোম চঙনা শেমগৎপা ইন্দিয়ান ওইলগী কিমি ৫১৮ শাংবা হালদিয়া-বরাউনি ক্রুদ ওইল পাইপলাইন শঙ্গাগনি। মসিগী পাইপলাইন অসি বিহার, ঝারখন্দ অমসুং নোংচুপ বেঙ্গল ফাউদুনা চৎকনি। পাইপলাইন অসিনা বরাউনি রিফাইনরি, বোঙ্গাইগাউন রিফাইনরি অমসুং গুৱাহাতি রিফাইনরিদা অশোই-অঙাম থোক্তবা, শেন য়াম্না চঙদবা অমসুং মহৌশাগী অকোয়বগী ফিবম শোকহন্দবা ফিবম অমদা শুংদোক্ত্রিবা থাউ পীগনি।

প্রধান মন্ত্রীনা লুপা করোর ১০০ রোম চঙনা কোলকাতাগী স্যামা প্রসাদ মুখর্জি পোর্তকী ইনফ্রাস্ত্রকচর ফগৎহন্নবা তোঙান-তোঙানবা প্রোজেকশিং মীয়ামদা কৎথোক্কনি অমসুং উরেপ-উয়ুং তমগনি। উরেপ-উয়ুং তমগদৌরিবা প্রোজেকশিংগী মনুংদা কোলকাতা দোক সিস্তেমগী বার্থ নম্বর ৮ এন.এস.দি অমুক হন্না শেমগৎপা অমসুং বার্থ নম্বর ৭ অমসুং ৮ এন.এস.দি মেকানাইজেসন য়াওরি। প্রধান মন্ত্রীনা স্যামা প্রসাদ মুখর্জি পোর্ত, হালদিয়া দোক কমপ্লেক্সকী মৈ চাকপা কন্নবা থবকশিং ফগৎহন্নবা প্রোজেক লৈবাক মীয়ামদা কৎথোক্কনি।

নৌনা শেমগৎপা মৈ চাকপা কন্নবা খুদোংচাবশিং অসি খ্বাইদগী নৌবা মপুংফানা ওতোমেতিক ওইরবা গ্যাস অমসুং মৈরি সেন্সরশিং, খুদক্তা অমা-অতা খঙদোকপা ঙম্বা সিস্তেম য়াওরি। প্রধান মন্ত্রীনা হালদিয়া দোক কমপ্লেক্সকী তোন ৪০ ফাওবা থাংগৎপা ঙম্বা অহুমশুবা রেল মাউনতেদ ক্বে ক্রেন(আর এম ক্বিউ সি) লৈবাক মীয়ামদা কৎথোক্কনি। স্যামা প্রসাদ মুখর্জি পোর্ত, কোলকাতাগী অনৌবা প্রোজেকশিং অসিনা খোঙলৈ থুনা অমসুং অশোই-অঙাম থোকহন্দনা কার্গো হাপ্পা অমসুং  লৌথবদা মতেং পাংদুনা হিথাংফম অসিগী কান্নবা হেনগৎহনগনি।

প্রধান মন্ত্রীনা লুপা করোর ২৬৮০ রোমগী মরুওইবা রেল প্রোজেকশিং লৈবাক মীয়ামদা কৎথোক্কনি। প্রোজেকশিংগী মনুংদা ঝারগ্রাম-সালগাঝারি(কিমি ৯০) শম্নাব অহুমশুবা রেল লাইন; সোন্দালিয়া-চম্পাপুকুর রেল লাইন(কিমি ২৪) দবল ওইহনবা অমসুং দানকুনি-ভাত্তনগর-বালতিকুরি রেল লাইন(কিমি ৯) দবল ওইহনবা য়াওরি। হায়রিবা প্রোজেকশিং অসিনা লমদম অসিদা রেল ত্রান্সপোর্তকী খুদোংচাবা হেনগৎহনগনি, ফ্রেদ ত্রাফিক্কী খুদোংচাবা হেনগৎহন্দুনা লমদম অসিগী শেন-থুম অমসুং উদোগ চাউখৎহনগনি।

প্রধান মন্ত্রীনা বিদ্যসাগর ইন্দস্ত্রিএল পার্ক, খারাগপুরদা ১২০ তি.এম.তি.পি.এ কেপাসিতিগী ইন্দিয়ান ওইলগী এল.পি.জি বোত্তলিং প্লান্ত শঙ্গাগনি। লুপা করোর ২০০ হেন্না চঙনা শেমগৎপা এল.পি.জি বোত্তলিং প্লান্ত অসি লমদম অসিগী অহানবা এল.পি.জি বোত্তলিং প্লান্ত ওইরগনি। মসিনা নোংচুপ বেঙ্গলগী কস্তমর লাখ ১৪.৫ রোমদা এল.পি.জি ফংহনগনি।

প্রধান মন্ত্রীনা নোংচুপ বেঙ্গলদা অমোৎপা ঈশিং শেংদোক্নবা অমসুং সিৱেরেজগা মরী লৈনবা প্রোজেক অহুম শঙ্গাগনি। লুপা করোর ৬০০ রোমগী হায়রিবা প্রোজেকশিং অসি ৱার্ল্দ বেঙ্কনা শেন্থং পীবনি। প্রোজেকশিংগী মনুংদা ইন্তরসেপসন অমসুং দাইভর্জন(আই অমসুং দি)গী থবকশিং আমসুং হরাওদা ৬৫ এম.এল.দি কেপাসিতিগী সিৱেজ ত্রিৎমেন্ত প্লান্তস(এস তি পি) অমসুং কিমি ৩.৩গী সিৱেজ নেতৱার্ক অমা; বাল্লিদা কেপাসিতি ৬২ এম.এল.দিগী আই অমসুং দি থবকশিং অমসুং এস.তি.পিশিং ; অমসুং কেপাসিতি ৬০ এম.এল.দি অমসুং কিমি ৮.১৫গী সিৱেজ নেতৱার্ক অমগা লোয়ননা কমারহাতি অমসুং বারানগরদা কিমি ১১.৩গী সিৱেজ নেতৱার্ক অমা অমসুং আই অমসুং দি থবকশিং অমসুং এস.তি.পশিং য়াওরি।

কৃষ্ণনগর, নোংচুপ বেঙ্গলদা প্রধান মন্ত্রী

কৃষ্ণনগরদা, প্রধান মন্ত্রীনা পৱার, রেল অমসুং লম্বীগী সেক্তরশিংগা মরী লৈনবা তোঙান-তোঙানবা প্রোজেকশিং মীয়ামদা কৎথোক্কনি অমসুং উরেপ-উয়ুং তমগনি।

লৈবাক অসিদা পৱার সেক্তর মপাঙ্গল কনখৎহন্নবা প্রধান মন্ত্রীনা পুরুলিয়া জিলাদা লৈবা রঘুনাথপুর থর্মেল সুপর পৱার স্তেস ফেজ-২ (মেগাৱাত ২X৬৬০) গী উরেপ-উয়ুং তমগনি। দামোদার ভেল্লি কোর্পোরেসনগী কোয়লাদা য়ুম্ফম ওইবা থর্মেল পৱার প্রোজেক অসিদা অফবা মখলগী মৈ য়াম্না শীজিন্নদবা ক্রিতিকেল তেক্নোলোজি শীজিন্নরি। মসিগী অনৌবা প্লান্ত অসি লৈবাক অসিগী ইনর্জি ৱাৎহন্দনবা মাইকৈদা থাংজিবা খোঙথাং অমনি।

প্রধান মন্ত্রীনা মেজিয়া থর্মেল পৱার স্তেসনগী য়ুনিত ৭ অমসুং ৮কী ফ্লু গ্যাস দিসলফুরাইজেসন(এফ জি দি) সিস্তেম শঙ্গাগনি। লুপা করোর ৬৫০ চঙনা শেমগৎপা ফ্লু গ্যাস দিসলফুরাইজেসন(এফ জি দি) সিস্তেম অসিনা ফ্লু গ্যাসশিংদগী সলফর দাইওক্সাইদ লৌথোক্কনি অমসুং অশেংবা ফ্লু গ্যাস পুথোক্কনি অমসুং সিমেন্ত শাবদা শীজিন্নবা য়াবা জিপসম পুথোক্কনি।

প্রধান মন্ত্রীনা এন.ঐচ-১২(কিমি ১০০)গী ফারাক্কা-রাইগঞ্জ সেক্সনগী লেন মরি ওনখৎপগী লম্বী প্রোজেক শঙ্গাগনি। লুপা করোর ১৯৮৬ রোম চঙনা পায়খৎপা প্রোজেক অসিনা লম্বী চিনবা হন্থহনগনি, চৎথোক-চৎশিন নুংঙাইবা হেনগৎহনগনি অমসুং নোংচুপ বেঙ্গল অমসুং অৱাং-নোংপোক লমদমগী খুন্নাই অমসুং শেন-থুম চাউখৎহনবদা মতেং পাংগনি।

প্রধান মন্ত্রীনা নোংচুপ বেঙ্গলদা লুপা করোর ৯৪০ হেনবগী রেল প্রোজেক মরি লৈবাক মীয়ামদা কৎথোক্কনি। প্রোজেকশিংগী মনুংদা দামোদার-মোহিসিলা রেল লাইন দবল ওইহনবা; রামপুরহত অমসুং মুরারাইগী মরক্তা অহুমশুবা লাইন; বাজারসাউ-অজিমগঞ্জ রেল লাইন দবল ওইহনবা; অমসুং অজিমগঞ্জ-মুর্সিদবাদ শম্নবা অনৌবা রেল লাইন য়াওরি। প্রোজেকশিং অসিনা রেলদা চৎথোক-চৎশিন নুংঙাইবা হেনগৎহনগন ফ্রেদ পুথোক-পুশিন য়াহল্লগনি অমসুং খুন্নাই, উদোগ অমসুং শেন-থুম চাউখৎহনবদা মতেং পাংগনি।

ঔরাঙ্গবাদ, বিহারদা প্রধান মন্ত্রী

ঔরাঙ্গবাদতা প্রধান মন্ত্রীনা লুপা করোর ২১,৪০০ হেনবগী তোঙান-তোঙানবা চাউখৎ-থৌরাংগী প্রোজেকশিং মীয়ামদা কৎথোক্কনি অমসুং উরেপ-উয়ুং তমগনি।

রাজ্য অসিদা নেসনেল হায়ৱে নেতৱার্ক মপাঙ্গল কনখৎহন্নবা, প্রধান মন্ত্রীনা লুপা করোর ১৮,১০০ হেনবগী তোঙান-তোঙানবা নেসনেল হায়ৱে প্রোজেকশিং শঙ্গাগনি অমসুং উরেপ-উয়ুং তমগনি। শঙ্গাগদৌরিবা প্রোজেকশিংগী মনুংদা এন.ঐচ-২২৭গী জয়নগর-নরাহিয়া সেক্সন(কিমি ৬৩.৪) পেব সোলজরগা লোয়ননা লেন অনি ওইহনবা; এন.ঐচ-১৩১জিগী কনহাওলিদগী রামনগর ফাওবা পাতনা রিং রোদ লেন তরুক ওইহনবা; কিসানগঞ্জ সহরদা হৌজিক লৈরিবা ফ্লাইওভর অসিগা খ্রমব্রাংননা কিমি ৩.২গী অনিশুবা ফ্লাইওভর অমা; বাখিতিয়ারপুর-রাজাওলি (কিমি ৪৭) লেন মরি ওইহনবা অমসুং এন.ঐচ-৩১৯গী অরা-পরারিয়া সেক্সন(কিমি ৫৫) লেন মরি ওইহনবা য়াওরি।

প্রধান মন্ত্রীনা নেসনেল হায়ৱে প্রোজেক তরুক উরেপ-উয়ুং তমগনি। প্রোজেকশিং অদুগী মনুংদা অমাসতগী সিবরামপু খুঙ্গং ফাওবা কিমি ৫৫গী লেন মরিগী এসেস কন্ত্রোল গ্রিনফিল্দ নেসনেল হায়ৱে শেমগৎপা; সিবরামপুরদগী রামনগর ফাওবা কিমি ৫৪গী লেন মরিগী এসেস কন্ত্রোল গ্রিনফিল্দ নেসনেল হায়ৱে শেমগৎপা;  কলয়ানপুরদগী বালভাদারপুর খুঙ্গং ফাওবা কিমি ৪৭গী লেন মরিগী এসেস কন্ত্রোল গ্রিনফিল্দ নেসনেল হায়ৱে শেমগৎপা; বালভাদারপুরদগী বেলা নৱাদা ফাওবা কিমি ৪২ শাংবা লেন মরিগী এসেস কন্ত্রোল গ্রিনফিল্দ নেসনেল হায়ৱে শেমগৎপা; দনাপুর-বিহতা সেক্সনদগী কিমি ২৫গী লেন মরিগী ইলাভেতেদ কোরিদোর অমসুং বিহতা-কোইলৱার সেক্সনগী হৌজিক লৈরিবা লেন অনি লেন মরি ওইহনবা য়াওরি। লম্বীগী প্রোজেকশিং অসিনা চৎথোক-চৎশিন নুংঙাইবা হেনগৎহনগনি, চৎপগী মতম হন্থহনগনি, তুরিজম চাউখৎহনগনি অমসুং লমদম অসিগী খুন্নাই অমসুং শেন-থুমগী ফিবম ফগৎহনগনি।

পাতনা রিং রোদগী শরুক অমা ওইনা গঙ্গা তুরেল মথক্তা লেন তরুক্কী থোং অমা শাংনবা প্রধান মন্ত্রীনা উরেপ-উয়ুং তমগনি। থোং অসি লৈবাক অসিদা খ্বাইদগী শাংবা থোংশিংগী মনুংদা অমা ওইগনি। প্রোজেক অসিনা পাতনা সহরদা মী চিনবা হন্থহনগনি অমসুং বিহারগী অৱাং অমসুং মখা থংবা শরুকসিং য়াংনা অমসুং নুংঙাইনা চৎথোক-চৎশিন তৌবদা নুংঙাইবা হেনগৎহনগনি অমসুং লমদম অসিগী খুন্নাই অমসুং শেন-থুম চাউখৎহনগনি।

বিহারদা লুপা করোর ২,১৯০ রোম চঙনা নমামি গঙ্গে প্রোজেক্কী মখাদা পায়খৎপা প্রোজেক ১২ প্রধান মন্ত্রীনা শঙ্গাগনি। প্রোজেকশিংগী মনুংদা সাইদপর অমসুং পাহারিদা সিৱেজ ত্রিৎমেন্ত প্লান্ত; সাইদপুর, বেয়ুর, পহারি জোন ৪-এদা সিৱেজ নেতৱার্ক; কারমালিচাকতা সিৱেরেজ সিস্তেমগা লোয়ননা সিৱের নেতৱার্ক; পাহারি জোন ৫তা সিৱেরেজ স্কিম; বারহ, ছাপ্রা, নৌগাচিয়া, সুলতানগঞ্জ অমসুং সোনেপুর তাউন্দা ইন্তরসেপসন, দাইভর্জন অমসুং সিৱেজ ত্রিৎমেন্ত প্লান্ত য়াওরি। হায়রিবা প্রোজেকশিং অসিনা অমোৎপা ঈশিং গঙ্গা তুরেলদা থাদদ্রিঙৈদা মফম কয়াদা অমোৎপা ঈশিং শেংদোক্কনি, তুরেল লু-নানবা হেনগৎহনগনি অমসুং লমদম অসিগী মীয়াম কান্নবা পীগনি।

প্রধান মন্ত্রীনা পাতনাদা য়ুনিতি মোল শানবা উরেপ-উয়ুং তমগনি। লুপা করোর ২০০ হেন্না চঙনা শাগদৌরিবা মোল অসিদা মালেম থাক্কী দিজাইনশিং, তেক্নোলোজি, নুংঙাইবা অমসুং ফজবা য়াওদুনা অনৌবা খুদোংচাবশিং য়াওগনি। মোল অসিদা রাজ্যশিং, য়ুনিয়ন তেরিতোরিশিং অমসুং জিলাশিংগী মফম পীগনি অমসুং মখোয়গী অখন্নবা পোৎথোকশিং উৎপা ঙমহনগনি। রাজ্যশিং/য়ু.তিশিংগী অচৌবা স্তোল ৩৬ অমসুং বিহারগী জিলা খুদিংমক্কী অপীকপা স্তোল ৩৮ য়াওগনি। য়ুনিতি মোল অসিনা লমদম অমগী মেনুফেকচরিং অমসুং ৱান দিস্ত্রিক ৱান প্রদক য়োকখৎকনি, বিহার অমসুং ভারতকী জিওগ্রাফিকেল ইন্দিগেতর(জি আই) পোৎথোকশিং অমসুং ইয়োংগী পোৎথোকশিং য়োকখৎকনি। প্রোজেক অসিনা রাজ্য অসিদা থবক ফংবা, ইনফ্রাস্ত্রকচর চাউখৎপা অমসুং মপান্দা থাদোকপগী লমদা কান্নবা কয়া ফংহনগনি।  

প্রধান মন্ত্রীনা বিহারদা রেলৱে প্রোজেক অহুম লৈবাক মীয়ামদা কৎথোক্কনি। হায়রিবা প্রোজেকশিংগী মনুংদা পাতলিপুত্রাদগী পাহলেজা ফাওবা রেলৱে লাইন দবল ওইহনবা; বনধুৱা-পাইমারগী মরক্তা কিমি ২৬গী অনৌবা রেল লাইন; অমসুং গয়াদা মেমু সেদ অমা য়াওরি। প্রধান মন্ত্রীনা অরা বাই পাস রেল লাইনগী উরেপ-উয়ুং তমগনি। রেল প্রোজেকশিং অসিনা রেলদা চৎথোক-চৎশিন হেন্না ফগৎহনগনি, লাইন কেপাসিতি হেনগৎহনগনি অমসুং ত্রেনশিং চেনবা হেনগৎহনগনি অমসুং লমদম অসিদা উদোগ চাউখৎপা হেনগৎহনগনি।

বিহারগী বেগুসারাইদা প্রধান মন্ত্রী

প্রধান মন্ত্রী বেগুসারাইদা মীয়ামগী ওইবা থৌরম অমা শরুক য়াগনি অমসুং লৈবাক অসিদা ইনর্জ সেক্তর চাউখৎহন্নবা মরুওইবা থৌরম অমা শরুক য়াগনি। প্রধান মন্ত্রীনা লুপা করোর লাখ ১.৪৮ রোমগী থাউ অমসুং গ্যাস সেক্তরগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। প্রোজেকশিং অদু বিহার, হরিয়ানা, অন্ধ্র প্রদেস, মহারাস্ত্রা, পঞ্জাব অমসুং কর্নাতকাগী কে.জি বেসিন য়াওনা লৈবাক অসিগী তোঙান-তোঙানবা রাজ্যশিং শীনবা থুংনা শন্দোক্লি।

প্রধান মন্ত্রীনা কে.জি বেসিন্দগী ‘অহানবা থাউ’ লৈবাক অসিগী মীয়ামদা কৎথোক্কনি অমসুং ওন.এন.জি.সি কৃষ্ণ গোদাবরি দিপৱাতর প্রোজেক্তগী অহানবা ক্রুদ ওইল তেঙ্কর লমথাগনি। কে.জি বেসিন্দগী ‘অহানবা থাউ’ চিংথোকপা অসি ভারতকী ইনর্জি সেক্তরদা পুৱারি ওইরবা মাইপাকপা অমনি, মসিনা ঐখোয়না মপান লৈবাকশিংদগী ইনর্জি পুশিল্লকপা শিংথাবা য়ানা হন্থহল্লগনি। প্রোজেক অসি ভারতকী ইনর্জি সেক্তরদা অনৌবা যুগ অমা হৌবনি অমসুং ইনর্জ ৱাৎহন্দবা অমসুং শেন-থুমগী চৈথেং কয়া মায়োক্নবা ঙম্বগী থৌনা হেনগৎহল্লগনি।

বিহারদা থাউ অমসুং গ্যাস সেক্তরদা লুপা করোর ১৪,০০ রোমগী প্রোজেকশিং পায়খৎকনি। প্রোজেকশিংগী মনুংদা লুপা করোর ১১,৪০০ রোম চঙনা বরাউনি রিফাইনরি পাকথোক-চাউথোক্নবা প্রোজেক উরেপ-উয়ুং তম্বা অমসুং বরাউনি রিফাইনরিদা গ্রিদ ইনফ্রাস্ত্রচর প্রোজেকশিং শঙ্গাবা; পারাদিপ-হালদিয়া-দুরগাপুর এল.পি.জি পাইপলাইন পাতনা অমসুং মুজাফ্ফারপুর ফাওবা শাংদোকপা য়াওরি।

লৈবাক শীনবা থুংনা পায়খৎকদবা অতোপ্পা থাউ অমসুং গ্যাসকী প্রোজেকশিংগী মনুংদা হরিয়ানাদা পানিপত রিফাইনরি এন্দ পেত্রোকেমিকেল কমপ্লেক্স; পানিপত রিফাইনরিদা ৩জি ইথানোল প্লান্ত অমসুং কেতালিস্ত প্লান্ত; অন্ধ্র প্রদেসতা বিসাখ রিফাইনরি মোদর্নাইজেসন প্রোজেক(ভি আর এম পি); পঞ্জাবগী ফাজিলকা, গঙ্গানগর অমসুং হমুমানগর জিলাশিং য়াওবা সিতি গ্যাস দিস্ত্রিবিউসন নেতৱার্ক প্রোজেক; গুলবারগা কর্নাতকাদা অনৌবা পি.ও.এল দিপো, মহারাস্ত্রাদা মুম্বাই হায় নোর্থ রিদিবলপমেন্ত ফেজ-৪ য়াওরি। প্রধান মন্ত্রীনা অন্ধ্র প্রদেসকী বিশাখাপত্নমদা ইন্দিয়ান ইন্সতিতুৎ ওফ পেত্রোলিয়ম এন্দ ইনর্জি(আই আই পি ই)গী উরেপ-উয়ুং তমগনি।

প্রধান মন্ত্রীনা বরাউনিদা হিন্দুস্থান উরবারক এন্দ রসায়ন লিমিতেদ(হুরল) ফর্তিলাইজর প্লান্ত শঙ্গাগনি। লুপা করোর ৯৫০০ হেন্না চঙনা শেমগৎপা প্লান্ত অসিনা লৌমীশিংদা মমল হোংনা হার ফংহনগনি অমসুং মখোয়গী পোৎথোক হেনগৎহনগনি অমসুং শেন-থুমগী ফিবম ফগৎহনগনি। মসি লৈবাক অসিগী অমুক হিঙ্গৎহনবা মরিশুবা ফর্তিলাইজর প্লান্ত ওইরগনি।

প্রধান মন্ত্রীনা লুপা করোর ৩৯১৭ রোমগী তোঙান-তোঙানবা রেলৱে প্রোজেকশিং শঙ্গাগনি অমসুং উরেপ-উয়ুং তমগনি। প্রোজেকশিংগী মনুংদা রাঘোপুর-ফোরবেসগঞ্জ গেজ ওনখৎপা; মুকুরিয়া-কাতিহার-কুমেদপুর রেল লাইন দবল ওইহনবা; বরাউনি-বাছৱারাগী অহুমশুবা অমসুং মরিশুবা লাইন; কাতিহার-জোগবানি রেল সেক্সন মৈ ফংহনবা য়াওরি। রেল প্রোজেকশিং অসিনা রেলদা চৎথোক-চৎশিন হেন্না ফগৎহনগনি, লাইন কেপাসিতি হেনগৎহনগনি অমসুং ত্রেনশিং চেনবা হেনগৎহনগনি অমসুং লমদম অসিদা উদোগ চাউখৎপা হেনগৎহনগনি। প্রধান মন্ত্রীনা ত্রেন মরি লমথাগনি। হায়রিবা ত্রেনশিং অদুদি দানাপুর-জোগবানি এক্সপ্রেস(ভাইয়া দারভঙ্গা-সাক্রি); জোগবানি-সাহারসা এক্সপ্রেস; সোনপুর-ভাইসালি এক্সপ্রেস অমসুং জোগবানি-সিলিগুরি এক্সপ্রেস য়াওরি।

প্রধান মন্ত্রীনা ‘ভারত পাসুধান’- লৈবাক অসিগী শা-ষনশিংগী দিজিতেল দেতাবেজ লৈবাক মীয়ামদা কৎথোক্কনি। নেসনেল দিজিতেল লাইভস্তোক মিসন(এনদিএলএম)গী মখাদা শেমগৎপা ‘ভারত পাসুধান’ অসি শা-ষনশিং খোঙ্গুল লিনবা দিজিত ১২গী তেগ আই.দি অমা পীরে। প্রোজেক অসিগী মখাদা, শা-ষন করোর ৩০.৫গী মনুংদা করোর ২৯.৬ তেগ তৌখ্রে অমসুং মখোয়গী অকুপ্পা মরোলশিং দেতাবেজদা ফংলে। ‘ভারত পাসুধান’না লৌমীশিংনা মখোয়গী শা-ষনশিং খোঙ্গুল লিবা অমসুং লায়নাশিং য়েংশিনবা অমসুং লাকশিনবদা মতেং পাংগনি।

প্রধান মন্ত্রীনা লৌমীশিংনা ‘ভারত পাসুধান’ দেতাবেজ শীজিন্ননবা ‘১৯৬২ ফার্মরস এপ্প’ হৌদোক্কনি

***