অপুনবা শেনফম লুপা করোর ১১৭৯.৭২গা লোয়ননা ২০২১-২২ দগী ২০২৫-২৬ ফাওবা মখা তানা অমব্রেলা স্কীম ওন ‘সেফ্তী ওফ ৱুমেন’ পায়খৎনবা গৃহ মন্ত্রালয়না হৌদোরকখিবা ৱাফমবু প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা অয়াবা পীখ্রে‍।

অপুনবা প্রোজেক্তকী শেনফম লুপা করোর ১১৭৯.৭২গী মনুংদা, লুপা করোর ৮৮৫.৪৯ এম.ঐচ.এ.না মশাগী বজেত্তগী পুথোক্কনি অমদি লুপা করোর ২৯৪.২৩না নির্ভয়া ফন্দদগী থাদগনি‍।

লৈবাক অমদা নুপীশিং শাফবা হায়বসি অকনবা আইনশিংগী খুত্থাঙদা অকনবা থৌরাংশিং পায়খৎপা, অচুম্বা ৱায়েল মতিং লৈনা ফংহনবা, মতম চানা ৱাকৎশিংগী ৱারোয়শিন পুরকপা, অমদি ভিক্তিমশিংদা ইন্সতিত্যুসনেল সপ্পোর্ত স্ত্রকচর লায়না ফংহনবনচিংবা তোঙান তোঙানবা থৌরাংশিংগী মহৈনি‍। নুপীশিংগী মায়োক্তা চত্থবা অরানবা থৌওংশিং তৌনিংহন্দনবা অকনবা থৌরাংশিং ইন্দিয়ন পেনাল কোদ, ক্রিমিনেল প্রোসিজর কোদ অমদি ইন্দিয়ন ইভিদেন্স এক্ত শেমদোক্তুনা ফংহল্লি‍।

নুপীশিং শাফনা লৈহন্নবগী মাগী থৌরাংগী মনুং চন্না, ভারত লৈঙাক্না স্তেত অমদি য়ুনিয়ন তেরিতরীশিংগী খুৎশম্নদুনা তোঙান তোঙানবা প্রোজেক্ত কয়া হৌদোকখ্রে‍। হায়রিবা প্রোজেক্তশিং অসিগী পান্দমশিংগী মনুংদা নুপীশিংগী মায়োক্তা চত্থবা ক্রাইমগী থৌদোকশিংদা মতম চানা খুৎ থিংজিন্নবা অমদি থিজিন হুমজিন্নবা, অমদি থিজিন হুমজিনবদা হেন্না মতিং লৈহন্নবা অমদি অসিগুম্বা থৌওংশিংদা ক্রাইম থোকহন্দনবা স্তেত/য়ুনিয়ন তেরিতরীশিংগী মেকানিজমশিং মপাঙ্গল কনখৎহনবা য়াওরি‍।

ভারত লৈঙাক্না অমব্রেলা স্কীম ফোর “সেফ্তী ওফ ৱুমেন”গী মখাদা মখাগী প্রোজেক্তশিং অসি মখা তানা পায়খৎনবা ৱাফম হৌদোক্লি:

১.        ১১২ ইমর্জেন্সী রেসপোন্স সপ্পোর্ত সিস্তেম (ই.আর.এস.এস.) ২.০;

২.       নেস্নেল ফোরেন্সিক দেতা সেন্তর য়াওনা সেন্ত্রেল ফোরেন্সিক সাইন্সেস লেবোরেতরীশিং অপগ্রেদ তৌবা;

৩.       স্তেত ফোরেন্সিক সাইন্স লেবোরেতরীশিংদা (এফ.এস.এল.) দি.এন.এ. এনালাইসিস, সাইবর ফোরেন্সিক কেপাসিতীশিং মপাঙ্গল কনখৎহনবা;

৪.       সাইবর ক্রাইম প্রিভেন্সন এগেন্সত ৱুমেন এন্দ চিলদ্রেন;

৫.       নুপী অমদি অঙাংশিংগী মায়োক্তা চত্থবা সেক্সুএল এসোল্ত কেসশিং পায়বদা ইনভেস্তিগেতরশিং অমদি প্রোজিক্যুতরশিং কেপাসিতী হেনগৎহনবা অমদি ত্রেনিং পীবা; অমসুং

৬.       ৱুমেন হেল্প দেস্ক & এন্তি-হ্যুমেন ত্রাফিক্কিং য়ুনিৎ‍।

***