কেন্দ্রগী য়ুথ এফিয়ার্স অমসুং স্পোর্তস মন্ত্রী অনুরাগ সিংহ থাকুরনা চেস ওলেম্পিয়াদকী ৪৫শুবা এদিসনগী ওফিসিয়েল হোস্ত বুদাপেস্ত, হঙ্গেরীদা ঙসি নই দিল্লীদা চেস ওলেম্পিয়াদ তোর্চ খুৎশিন্নখ্রে।

হেন্দওফকী থৌরম মেজর ধ্যানচান্দ নেস্নেল স্তেদিয়মদা পাংথোকখি, মফমদুদা মন্ত্রীনা এফ.আই.দি.ই. প্রসিদেন্ত অমসুং বুদাপেস্ততা ওলেম্পিয়াদ তোর্চ খুৎশিন্নদ্রিঙৈ মমাংদা ইন্দিয়ন গ্রান্দ মাস্তর বিশ্বনাথন আনন্দগা লোয়ননা এফ.আই.দি.ই. প্রসিদেন্ত অরকদী দবোরকোভিচ অমসুং হঙ্গেরিয়ান গ্রান্দ মাস্তর জুদিত পোলগারগা লোয়ননা চেসকী ফ্রেন্দলী মেচ অমা শান্নখি।

থৌরম মনুংদা মন্ত্রীনা হায়খি “ঐহাক নুংঙাইবা ফাওই মদুদি চহি খরগী মমাংদা ঐখোয়না লৌখিবা ৱারেপ (চেস ওলেম্পিয়াদ তোর্চ রেল্লী পাংথোক্নবা) অদু তশেংনা পাংথোক্লে অমসুং (চেস ওলেম্পিয়াদকীদমক তোর্চ হেন্দওফ থৌরমদা ঐহাক মফম অসিদা শরুক য়ারে।”

মহাক্না মখা তাখি, “চেস অসি মালেমদা ভারতনা খুদোল তম্লমবগী ওইথোকপা য়াবা ইন্তেলেকচুয়েল লেগেসী অমনি, অমসুং মসি স্পোর্ত অমা খক্তা নত্তনা স্ত্রেতেজিক দেপথ অমসুং ফিলোসোফিকেল ৱিজদমগী রিফ্লেক্সন অমনি। ফজরবা স্পোর্ত অসিনা লৌশিং হেনগৎহনবতা নত্তনা খাংবা কনবা অমসুং রেসিলিয়েন্সকী মমল নায়দ্রবা পরাসু তম্বীরি অমসুং মীওই অমবু স্ত্রেতেজিক মাস্তরীগী ইন্তেলেকচুয়েল পর্সুইতকী লম্বীদা পুদুনা চৎলি।”

চেস ওলেম্পিয়াদকী ৪৪শুবা এদিসন চহি ২০২২দা চেনাইদা পাংথোকখি। মতম অদুদা মালেমগী থৌরম অদুদা শান্নরোই ২৫০০ হেন্না অমসুং ৭০০০ হেনবনা শরুক য়াখি। এফ.আই.দি.ই. চেস ওলেম্পিয়াদকী মথংগী এদিসন হৌজিক চহি অসিদা হঙ্গেরীগী বুদাপেস্ততা পাংথোক্কনি, মদুগী ওফিসিয়েল এনাউন্সমেন্ত চহি অসিগী হৌরকপদা লাউথোকখি।

দিল্লীগী ইন্দিরা গান্ধী স্তেদিয়মদা ২০২২গী জুন ১৯দা প্রধান মন্ত্রী শ্রী নরেন্দ্র মোদীনা থৌরম অমদা অহানবা চেস ওলেম্পিয়াদ তোর্চ রিলে হৌদোকখি।

***