কেন্দ্র মন্ত্রী শ্রী অনুরাগ থাকুরনা ঙসি ফেদরেল বেঙ্ককী ২০২৪ এনুয়েল গবর্নমেন্ত এন্দ ইন্সতিত্যুস্নেল বিজিনেস মীত হৌদোকখ্রে।

বেঙ্ককী ওফিসিয়েলশিং অমসুং এমপ্লোয়ীশিংদা ৱা ঙাংলদুনা মন্ত্রীনা অহানবা মক্তদা ফেদরেল বেঙ্কপু ঙসিগী খ্বাইদগী ৱাংবা শেয়র প্রাইসকীদমক থাগৎপা ফোংদোকখি।

হৌজিক লৈরিবা সরকারগী মমাংগী মতমবু নিংশিংলদুনা শ্রী থাকুরনা হায়খি মদুদি ২০১৪গী মমাংদা সরকারবু পোলিসী পেরালাইসিসকীদমক খংনরম্মি। ২০১৪গী মতুংদগী ক্রেদো অসি রিফোর্ম, পরফোর্ম, ত্রান্সফোর্মদা ওন্থোকখ্রে। বেঙ্কিং সেক্তর ঙসিদি শেন্দোনদগী নান্থোক্লে অমসুং মতম পুম্বদা অৱাংবা পর্ফোমেন্সতা লৈরে।

মন্ত্রীনা হায়খি মদুদি ২০১৪গী মমাংদা লৈবাক অসি ইকোনোমিক ওফেন্দরশিংনা শোকহলম্বা মতমদুদা, হৌজিক লৈরিবা সরকার অসিননি ইকোনোমিক ওফেন্দর্স বিল পুদুনা লাকখিবা অমসুং হৌজিকসু ওফেন্দর পুম্নমক ভারত্তা পুরক্নবা মীরমদা কেসশিং থেংনরি। গ্রোস এন.পি.এ. চাদা ৩.২দা হন্থরে অমসুং ২০২৩দা সম্পত্তিদা রিতর্ন চাদা ০.৫দগী চাদা ০.৭৯দা হেনগৎপা উবা ফংলে।

প্রধান মন্ত্রী শ্রী নরেন্দ্র মোদীনা প্রধান মন্ত্রী জন ধন য়োজনা লাউথোকখিবা মতমগী ৱাখলগী ফিভম নৌহৌনা নিংশিংলদুনা শ্রী থাকুরনা হায়খি মদুদি মীওই কয়ানা মসিবু নন-স্তাতর অমগুম য়ানিংদবা ফোংদোকখি। অদুবু ঙসিদি সরকারনা স্কিম অসিগী মখাদা বেঙ্ক একাউন্ত করোর ৪৫ হাংদোকপগী চাউথোকচবা ঙমলে। জন ধন একাউন্তিশিং অসিগী মখাদা তুংশিনবা শেনফম লুপা করোর লাখ ২.১নি মদু বেঙ্কিং ইকোসিস্তেমগী শরুক্নি।

মহাক্না হায়খি মদুদি দিমোনেতাইজেসনগী মতুংদা সরকারনা দিজিতেল পেমেন্তবু প্রমোত তৌখি মতমদুদসু ফিভম অসিমক ওইখি, অদুবু ঙসি খ্বাইদগী পিকপা পেমেন্ত ভীম য়ু.পি.আই.না তৌরি। মসি খুদমশিং অদুনি মদুনা ভারতপু মালেমগী কাইগনবা ইকোনোমী ৫দগী মকোকথোংবা ইকোনোমী ৫দা পুরক্লি অমসুং অথুবা মতমদা লৈবাক অসিবু ৩শুবা খ্বাইদগী চাউবা ইকোনোমী পুদুনা চৎলগনি।

শ্রী থাকুরনা হায়খি মদুদি একাউন্তেবিলিতী অমসুং ত্রান্সপরেন্সীগী মিক্স অমগা লোয়ননা সরকারগী হোৎনরিবশিংনা হৌখিবা চহি তরাদা মীওই করোর ২৫বু তোঙান-তোঙানবা মখলগী লাইরবদগী নান্থোক্লে, সরকারগী স্কিমশিংদগী মীয়াম্না কানবা ফংবগী খুদমনি। সরকারনা চাউথোক্না মসি লাউথোকপা ঙমলে মদুদি জে.এ.এম. ত্রিনিতী ইমপ্লিমেন্ত তৌবনা মরম ওইদুনা সোসিয়েল সেক্তর স্কিমশিংদা সরকারগী চাদিং চাদা চামা বেনেফিসরীশিংদা য়ৌরি।

মন্ত্রীনা থাজবা পীখি মদুদি সরকারনা অচৌবা ইনিসিয়েতিবশিং লৌখৎখিগনি অমসুং মথংগী চহি ৫দা ভারতপু মকোকথোংবা ইকোনোমী ৩ অমসুং ২০৪৭ ফাওবদা চাউখৎলবা লৈবাক অমা ওইহন্নবা ৱারেপ লৌরে।

*****