প্রধানমন্ত্রীগী লোইশঙ
প্রধান মন্ত্রী ফেব্রুৱারি ১৯দা উত্তর প্রদেসতা চৎকনি
প্রধান মন্ত্রীনা শ্রী কালকি ধাম লাইশঙ শানবা উরেপ-উয়ুং তমগনি
য়ু.পি গ্লোবেল ইনভেস্তরস সম্মিৎ ২০২৩গী মরিশুবা ভুমি পুজন থৌরমদা প্রধান মন্ত্রীনা উত্তর প্রদেস শীনবা থুংনা প্রোজেক ১৪০০ হৌদোক্কনি
Posted On:
17 FEB 2024 8:45PM by PIB Imphal
প্রধান মন্ত্রী শ্রী নরেন্দ্র মোদী ফেব্রুৱারি ১৯,২০২৪ দা উত্তর প্রদেসতা চৎকনি।
অয়ুক্কী পুং ১০:৪৫ রোম তাবদা প্রধান মন্ত্রীনা সম্বাল জিলাদা শ্রী কালকি ধাম লাইশঙ শানবা উরেপ-উয়ুং তমগনি। প্রধান মন্ত্রীনা শ্রী কালকি ধাম লাইশঙগী নমুনাশু মাইখুম হাংদোক্কনি অমসুং থৌরম অদুদা মীয়ামদা ৱা ঙাংগনি। শ্রী কালকি ধাম নির্মন ত্রস্তনা শ্রী কালকি ধাম লাইশঙ শাগনি অমসুং মসিগী চিয়ার্মেন্না অচার্য়া প্রামোদ কৃষ্ণমনি। থৌরম অদুদা সাধুশিং, ধর্মগী লুচিংবশিং অমসুং অতোপ্পা শক্নাইরবশিং শরুক য়াগনি।
ফেব্রুৱারি ২০২৩দা পাংথোকখিবা য়ু.পি গ্লোবেল ইনভেস্তরস সম্মিৎ ২০২৩ মনুংদা শেন থাদনবা য়ানখিবা অদুগী মরিশুবা ভুমি পুজন থৌরমদা চাউরাক্না নুংথিল পুং ১:৪৫ রোম তাবা মতমদা প্রধান মন্ত্রীনা উত্তর প্রদেস শীনবা থুংনা প্রোজেক ১৪০০ হৌদোক্কনি। প্রোজেকশিং অদু মেনুফেকচরিং, রিনিউএবল ইনর্জি, আই.তি অমসুং আই.তি.ই.এস, চীঞ্জাক শেম-শাবা, হাওসিং অমসুং রিএল স্তেৎ, হোস্পিতেলিতি অমসুং হরাও-কুহ্মৈ, লাইরিক-লাইশু অমসুং অতৈ কয়া য়াওরি। শক্নাইরবা উদোগপতিশিং, মালেমগী অমসুং ভারতকী কম্পেনিশিংগী মকোক থোংবা লুচিংবশিং, এম্বেসেদরশিং অমসুং হায় কম্মিসন্নরশিং অমসুং অতোপ্পা শক্নাইরবা মীওইশিং য়াওনা মীওই ৫০০০ রোম থৌরম অদুদা শরুক য়াগনি।
****
(Release ID: 2006913)
Visitor Counter : 64
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam