جامع ترقی کے تئیں عزم کا مظاہرہ کرتے ہوئے، حکومت قومی جغرافیائی پالیسی 2022 (این جی پی) کو نافذ کر رہی ہے اور اس نے مقامی ڈیٹا تک رسائی اور استعمال میں خاطر خواہ توسیع کی ہے اور شہریوں کی خدمات کو تیزی سے بہتر بنایا ہے اور ملک کے دور دراز کونوں تک اس کی پہنچ کو بڑھایا ہے۔

این جی پی کو نافذ کرنے کے لیے جسے 2022 میں شروع کیا گیا تھا، محکمہ سائنس اور ٹیکنالوجی (ڈی ایس ٹی) نے جغرافیائی اعدادوشمار سے متعلق ڈیٹا تک رسائی کو آزاد کرنے کے لیے گورننس فریم ورک کو مضبوط کیا۔ ڈی ایس ٹی جغرافیائی ڈیٹا انفراسٹرکچر اور انٹرپرائز کی ترقی کو مسلسل مضبوط کر رہا ہے۔ آتم نربھر بھارت پر زور دیتے ہوئے، یہ مقامی کمپنیوں کو بااختیار بنا رہا ہے کہ وہ اپنی عالمی مسابقت کو بڑھانے کے لیے اپنے جیو اسپیشل ڈیٹا کو تیار کریں اور استعمال کریں۔ یہ کھلے معیارات، کھلے ڈیٹا اور پلیٹ فارمز کی حوصلہ افزائی کرتا ہے۔

ڈی ایس ٹی کے سکریٹری پروفیسر ابھے کرندیکر نے کہا "محترم وزیر اعظم نے اقوام متحدہ کی عالمی جیو اسپیشل انٹرنیشنل کانگریس میں شمولیت لانے میں اور پیشرفت میں جیو اسپیشل ٹیکنالوجیز کے کردار کو اجاگر کیا ہے۔ این جی پی کے ذریعے جیو اسپیشل ڈیٹا تک رسائی کو آزاد کرنا اس سمت   ایک بڑا قدم ہے۔ اس نے لوگوں تک اس کے فوائد تک پہنچنے کے لیے مقامی ڈیٹا کے استعمال کے طریقے   کو تبدیل کر دیا ہے " ۔

ڈیٹا تک رسائی کو آزاد کرنے کی پالیسی کے اعلان کے بعد، جناب نریندر مودی کی دور اندیش قیادت میں، گورننس فریم ورک کو مضبوط کیا گیا ہے۔ ہندوستان میں پیشگی منظوری، سیکورٹی کلیئرنس، لائسنس، جیو اسپیشل ڈیٹا اور نقشوں پر دیگر پابندیوں کی ضرورت کو ختم کر دیا گیا ہے۔ پہلے سے موجود کلیئرنس سسٹم کو سیلف سرٹیفیکیشن سے بدل دیا گیا ہے، جس سے رسائی آسان ہو گئی ہے۔

ڈیٹا کے بنیادی ڈھانچے کو مضبوط بنانے اور تنظیموں اور شعبوں میں بہتر مقام کے ڈیٹا کی دستیابی اور اس تک رسائی کو بہتر بنانے کے لیے سروے آف انڈیا (ایس او آئی) کے ذریعے ایک آل انڈیا کنٹینیوسلی آپریٹنگ ریفرنس اسٹیشنز (سی او آر ایس) نیٹ ورک شروع کیا گیا ہے۔ اس کے علاوہ، ایس او آئی نے آندھرا پردیش، ہریانہ اور کرناٹک کی ریاستوں کا احاطہ کرنے والی سوامیتوا اسکیم کے تحت ڈرون فلائنگ کے ذریعے 2.8 لاکھ سے زیادہ گاؤوں کا سروے اور نقشہ بنایا ہے۔

افراد، کمپنیاں اور سرکاری ایجنسیاں اب حاصل شدہ جغرافیائی ڈیٹا پر کارروائی کر سکتی ہیں، ایپلی کیشنز بنا سکتی ہیں، اور اس پر حل تیار کر سکتی ہیں اور ساتھ ہی اس طرح کے ڈیٹا پروڈکٹس، ایپلی کیشنز اور حل کا استعمال کر سکتی ہیں۔ اس کے ساتھ ساتھ کھلے معیارات، اوپن ڈیٹا اور پلیٹ فارمز کے فروغ کے ذریعے، این جی پی نے انٹرپرائز کی ترقی کی حوصلہ افزائی کی ہے۔ اس سے ملک میں پرائیویٹ انٹرپرائزز کی فعال شرکت کے ساتھ ایک ترقی پزیر جغرافیائی صنعت کو فروغ دینے میں مدد ملے گی۔

شہریوں پر مبنی پالیسی مقامی کمپنیوں کو انکیوبیشن سینٹرز، انڈسٹری ایکسلریٹر کے ساتھ ساتھ جیو اسپیشل ٹیکنالوجی پارکس کے قیام کے ذریعے اختراعات کو فعال کرنے اور ٹیکنالوجی کی اختراعات اور اپنانے کو فروغ دینے کے لیے اپنا جیو اسپیشل ڈیٹا تیار کرنے اور استعمال کرنے کا اختیار بھی دے رہی ہے۔ یہ اختراع کے لیے طبقاتی ماحولیاتی نظام میں بہترین کے ساتھ عالمی جیواسپیشیئل جگہ میں ہندوستان کو عالمی رہنما بنانے کے لیے تیار ہے۔

اس طرح،  این جی پی اختراع کی آزادی اور مقامی ڈیٹا تک رسائی میں اضافے پر اپنی توجہ کے ساتھ قومی ترقی، اقتصادی خوشحالی اور فروغ پزیر معلوماتی معیشت کو وزیر اعظم کے وکست بھارت کے خواب کی تکمیل میں مدد دینے کا ایک اہم ذریعہ بن گیا ہے۔

************

ش ح۔  ا ک   ۔ م  ص

 (U: 4890)