ভারতকী রাস্ত্রপতি, শ্রীমতি দ্রৌপদি মুর্মুনা ফেব্রুৱারী 8, 2024গী অয়ুক্কী পুং 11.15 তাবা মতমদা নই দিল্লীগী রাস্ত্রপতি ভবনগী অমৃত উদয়ন্দা “বিবিধতা কা অমৃত মহোৎসব: অৱাং নোংপোক ভারতকী নীংথিবা মতৌ উৎপা নাৎকী ওইবা অচৌবা খোঙচৎ অমা” হায়বা নুমিৎ 4গী নাৎকী থৌরম হৌদোক্কনি। DoNER, কলচর অমসুং তুরিজমগী কেন্দ্র মন্ত্রীসু থৌরম অসিদা শরুক য়াগনি। থৌরম অসি রাস্ত্রপতি ভবন মনুংদা লৈবা অমৃত উদয়ন্দা পাংথোকপা উদয়ন উৎসব, 2024গী শরুক অমা ওইনা পাংথোকপনি। অৱাং নোংপোক লমদমগী চাউখৎ থৌরাং মন্ত্রালয়না কলচর মন্ত্রালয়গা খুৎশম্নদুনা থৌরম অসি পাংথোকপনি অমসুং থৌরম অসি DoNERগী CPSE, নোর্থইস্তর্ন হেন্দিক্রাফ অমসুং হেন্দলুম দিভেলপমেন্ত কোর্পোরেসন লিমিতেদ (NEHHDC)গী খুত্থাংদা শীন লাঙদুনা শেন্নবনি। মহোৎসব পাংথোকপগী মতম্না অয়ুক্কী পুং 10দগী নুমিদাংগী পুং 8 ফাওবনি অমসুং মসিদা চঙবগী মমল অমত্তা লৌরোই।

বিবিধতা কা অমৃত মহোৎসবকী অহানবা তাঙ্কক অসি আর্ত, ক্রাফ অমসুং কলচর কয়াবু মচু কয়ানা থল্লবা শাতিন অমগী মখাদা অমত্তা ওইনা পুন্দুনা অৱাং নোংপোক্কী নীংথিরবা দাইবর্সিতী উৎনবা নীংথিনা শেম শাবনি। কলচরগী মোজেক অমনি হায়না শক্তাক্লিবা মহোৎসব অসিদি শুপ্নগী নুংঙাইবা ফোংদোকপদগী য়াম্না হেল্লিবনি। কুহ্মৈ অসিনা নাৎকী ওইবা খুৎ-শা হৈবগী থবক, হেন্দলুম, এগ্রো পোত্থোকশিং লান্নবগী থৌওং হেন্না খুমাং চাউশিলহন্দুনা লমদম অসিগী চাউখৎ থৌরাংগী খোঙজেল হেনগৎহনবগী পান্দম থম্লি।

মরু ওইবা থৌওংশিংগী মনুং চনবশিংদি:

১) হেন্দিক্রাফ, হেন্দলুম অমসুং এগ্রি পোত্থোকশিং: মহোৎসব অসিদা ফিশা লোনশাগী মীওই, আর্তিসান, লৌমী অমসুং ওন্তোপ্রিনর 320+না শরুক য়াগনি অমসুং অৱাং নোংপোক্কী রাজ্য নিপানগী মশাগী স্তোল লৈজগনি। মসিনা অৱাং নোংপোক লমদম্বু নাৎকী লৈতেং ওইহল্লিবা তোপ-তোপ্পা হীরম কয়া উৎপা ফম্বাক অমা ওইনা মথৌ পাংথোক্কনি। মহোৎসব অসিনা পুক্নিং হুনা ফজবা, খুৎনা শাবা পোত্থোক, হেন্দলুম অমসুং তেক্সতাইল অমদি সস্তেনেবল হেন্দিক্রাফ কয়াগা লোয়ননা অৱাং নোংপোক্কী খ্বাইদগী হেনবা মতৌশিং উৎপগী পান্দম থম্লি। অৱাং নোংপোক ভারতনা মগুন ৱাংবা ওর্গানিক চা, ৱাগী পোত্থোক, মরু-মরাং, পাম্বীদগী শুংবা হিদাক, খুৎনা লোনবা তেক্সতাইল, ওর্গানিক ওইবা কিহোম, খোইহী অমসুং নাৎকী ওইবা চেঙ মখল কয়া য়াওনা সস্তেনেবল ওইবা ওর্গানিক পোত্থোক মখল কয়া পীরি। লমদম অসিগী অয়াম্বা ক্রাফনা লী, ৱা, উ, তেরাকোতা, কৌনা, কঙ, বেল মেতল অমসুং পিথ্রাইগুম্বা রো মেতরিএল শিজিন্নৈ। থৌরম অসিদি লমদম অসিনা ইকো-ফ্রেনলী প্রেক্তিস, বাইওদাইবর্সিতী ঙাক শেনবা অমসুং নাৎকী ওইবা লৌউবগী থৌওং কয়াদা খোঙফম চেৎপগী মতৌবু উৎপগী খুদোংচাবা অমসু ওইগনি।

২) লাইব দিমোনস্ত্রেসন: মজুলি মায়খুম শাবা, খাও লোনবা, থম্বালদগী সিল্ক চিংবা, নেত্তল ফাইবর লোনবা, খ্বাংচেৎ ফি লোনবা, লৈ কংহনবা, ত্রাইবেলগী লিক কোন শাবা, থঙ্কা পেন্তিং, ব্রাস মেতল হকপা, অসমগী উ হকপগুম্বা অৱাং নোংপোক লমদমদগী লিক-কোন শাবদা চঙবা মহৈ, খুৎ-শা হৈবগী মতৌ অমসুং লম অসিদা হৈথোই শিংথোইবগী মতৌ খুদিংবু মীয়াম্না হকথেংননা উবা ফংহনবা লাইব দিমোনস্ত্রেসন 20+ হেনবা স্তেসন লৈগনি।

৩) নাৎকী থৌওং উৎপা: মহোৎসব অসিনা নাৎকী জগোই, পুক্নিং হুবা পরফোর্মেন্স অমসুং লমদমসিগী মশিং য়াম্লবা কলচরগী হেরিতেজকী খুত্থাংদা নুংঙাইরবা খোঙচৎ অমদা মীয়াম্বু পুগনি হায়বগী থাজবা পীরি। রাজ্য নিপানগী আর্তিস্ত 350+ না মখোয়গী নীংথিরবা পরফোর্মেন্সশিংনা মহোৎসব অসিবু অৱাংবা থাক্তা পুগনি। মহোৎসব অসিদা মেঘালয়গী ৱাঙ্গালা জগোই, নাগালেন্দগী মুংৱন্তা জগোই, মিজোরমগী ৱাগী জগোই, অসমগী বিহু জগোইগুম্বা নাৎকী জগোই কয়া উৎকনি। অৱাং নোংপোক্না খুদোল তম্বা ঙম্বা মখল কয়াগী তেলেন্ত অমসুং আর্তকী মতাংদা খ্বাইদগী হেল্লিবা মতৌ য়েংবগী খুদোংচাবা অমা মহোৎসব অসিনা মীয়ামদা পীগনি। অহেনবা ওইনা, অৱাং নোংপোক্কী GI পোত্থোক কয়াদা মিৎয়েং চঙদুনা উৎকদবা অহানবা ওইনা পাংথোকপা ফেশন শো অমনা অৱাং নোংপোক্কী দাইবর্স ওইবা লমদমদগী থোক্লকপা চাংদম্ননীংঙাই লৈত্রবা স্তাইলিস্তিক জিনিয়স অসিবুসু হেন্না খুমাং চাউশিলহনগনি।

৪) চিঞ্জাক্কী স্তোলশিং: মহোৎসব অসিনা অৱাং নোংপোক্কী মখল কয়াগী চিঞ্জাকসু উৎকনি। চিঞ্জাক্কী স্তোলশিং অসিনা লমদমসিগী চাবা থকপগী নীংথিরবা চৎনবী কয়া উৎকনি। অসমগী হাওরবা লক্সাদগী হৌরগা মনিপুরগী ইরোম্বা ফাওবগী লমদমসিগী মশক নাইবা অচা অথক, মরু-মরাং, নাপী-শিংনা কয়াগী নীংথিরবা খোঙচৎ অমদা মহোৎসব অসিনা মীয়াম্বু পুদুনা চৎকনি। অৱাং নোংপোক ভারতকী চিজাক্কী স্তোলগী মখল মথেল কয়া অসিনা তেস্ত বদতা ইনোৎ হাপ্পদা নত্তনা লাক্লিবা মীয়ামদা লমদমসিগী চাবা থকপগী চৎনবী কয়াসু খঙহনগনি।

৫) অতোপ্পা থবক-থৌরমশিং: অঙাংশিংগী এক্তিবিতী জোন অমসুং নহাশিংগী ইনগেজমেন্ত জোনগুম্বা মখল কয়াগী এক্তিবিতীশিং লৈবতা নত্তনা, মখোয়শিং অসিনা লৈবাক্কী নহাশিংদা মমাংদা অমুক্তা পাংথোকখিদ্রিবা অনৌবা থৌওং কয়াদা পুক্নিং চীংশিনবগী থোঙ হাংদোকপদা নত্তনা অৱাং নোংপোক্কী পুৱারী অমসুং চৎনবীগী মতাংদা তম্বগী খুদোংচাবা অমসু পীগনি।

***