কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহে কয় যে দেশত অভেদ্য সীমান্ত নিৰ্মাণৰ বাবে মোদীচৰকাৰ প্ৰতিশ্ৰুতিবদ্ধ।

আজি এটা এক্স পোষ্টত গৃহমন্ত্ৰীয়ে কয় যে ‘দেশৰ ১৬৪৩ কিলোমিটাৰ দৈৰ্ঘ্যৰ ভাৰত-ম্যানমাৰ সীমান্তত বেৰ নিৰ্মাণৰ সিদ্ধান্ত গ্ৰহণ কৰা হৈছে। তদুপৰি উন্নত তদাৰকীৰ সুবিধাৰ বাবে সীমান্তত এটা টহলদাৰী পথো পকী কৰা হ’ব”।

গৃহ মন্ত্ৰীগৰাকীয়ে লগতে কয় যে “মুঠ সীমান্তৰ দৈৰ্ঘ্যৰ ভিতৰত মণিপুৰৰ মোৰে’ৰ ১০ কিলোমিটাৰ দৈৰ্ঘ্যৰ এটা অংশ ইতিমধ্যে বেৰ দিয়া হৈছে। তদুপৰি হাইব্ৰিড চাৰ্ভিলেন্স চিষ্টেম (এইচ এছ এছ)ৰ জৰিয়তে ফেন্সিঙৰ বাবে দুটা পাইলট প্ৰকল্প ইতিমধ্যে কাৰ্যকৰী হৈ আছে। ইয়াৰ অধীনতে অৰুণাচল প্ৰদেশ আৰু মণিপুৰত ১ কিলোমিটাৰকৈ বেৰ দিয়া হ’ব। ইয়াৰ উপৰিও মণিপুৰত প্ৰায় ২০ কিলোমিটাৰ দৈৰ্ঘ্যৰ বেৰৰ কামো অনুমোদন জনোৱা হৈছে, আৰু সেই কাম শীঘ্ৰেই আৰম্ভ হ’ব”।

The Modi government is committed to building impenetrable borders.

It has decided to construct a fence along the entire 1643-kilometer-long Indo-Myanmar border. To facilitate better surveillance, a patrol track along the border will also be paved.
Out of the total border length,…

— Amit Shah (@AmitShah) February 6, 2024

****

RK/ASH/RR/PR/AK