مرکزی وزیر داخلہ اور تعاون کے وزیر جناب امت شاہ نے کہا ہے کہ مودی حکومت ناقابل دراندازی سرحدوں کی تعمیر کے لیے عہد بستہ ہے۔

’ایکس‘ کی اپنی پوسٹ میں وزیر داخلہ نے کہا کہ ’’حکومت نے پوری 1643 کلومیٹر طویل بھارت-میانمار سرحد پر باڑ لگانے کا فیصلہ کیا ہے۔ بہتر نگرانی کی سہولت کے لیے سرحد کے ساتھ ایک گشتی ٹریک بھی بنایا جائے گا۔‘‘

وزیر داخلہ نے مزید کہا کہ سرحد کی کل لمبائی میں سے منی پور کے موریہ میں 10 کلومیٹر کے حصے پر پہلے ہی باڑ لگا دی گئی ہے۔ مزید برآں ہائبرڈ سرویلنس سسٹم (ایچ ایس ایس) کے ذریعے باڑ لگانے کے دو پائلٹ منصوبوں پر بھی کام جاری ہے۔ اروناچل پردیش اور منی پور میں ایک ایک کلومیٹر کے حصے پر باڑ لگائی جائے گی۔ اس کے علاوہ منی پور میں تقریبا 20 کلومیٹر پر محیط باڑ کے کام کو بھی منظوری دے دی گئی ہے اور یہ کام جلد ہی شروع ہوجائے گا۔

***

(ش ح – ع ا – ع ر)

U. No. 4516