ঙসি উপ-রাস্ত্রপতি, শ্রী জগদীপ ধনখরনা কোর্পোরেৎ অমসুং ইন্দস্ত্রী লুচিংবশিংদা লৈবাক্কী এজুকেস্নেল ইন্সতিত্যুসনশিং, মরু ওইনা নুপীমচাশিংগী এজুকেসনগী লমদা থবক তৌরিবশিংবু খেন্নবা থমদনা হেন্দহোল্দ তৌনবা অপীল তৌখ্রে।

ইন্দ্রপ্রস্থা কোলেজ ফোর ৱুমেনগী সেন্তনরীগী থৌরমদা মহৈরোয়শিংদা ৱা ঙাংবদা উপ-রাস্ত্রপতিনা এজুকেসনেল ইন্সতিত্যুসনশিংদা  CSR ফন্দশিংনা শরুক তম্নবা হায়খি, মখা তারদুনা হায় মহাক্না হীরম অসিদা ইন্দস্ত্রীগা ৱারী শাবা ফংলবদি নুংঙাইগনি।

মহৈরোয়শিং অসি দেমোক্রেসীগী খ্বাইদগী চাউবা স্তেকহোল্দরশিংনি হায়রদুনা শ্রী ধনখরনা শরুক য়ারিবা নুপীমচাশিংদা এস্পিরেস্নেল ওইনবা হায়খি, মহাক্না মখোয়গী তেলেন্ত মপুং ফানা শীজিন্নবা য়াবা অমসুং মখোয়গী মপুং ফাবা পোতেন্সিএল পুথোক্নবা ইকোসিস্তেম অমা শেমদুনা লৈরে হায়খি।

“নখোয়না অচৌবা মঙলান শাগৎকদবা মতম ওইরে, নখোয়না পাম্বা মওংদা ৱাখল খনবগী মতম ওইরে”, হায়না মহাক্না মখা তাখি।

VPনা মখা তারদুনা হায় অফবা লৈঙাক অমগী ফল ওইনা নুপীদা শক্তি পীবনা ঐখোয়গী নুপীমচাশিংবু Bharat@2047গী মরাথোন্দা প্রিন্সিপল পার্তিসিপেন্ত ওইরবা ঙমহনখি। “নখোয়না ভারতপু চাউখৎপা লৈবাক অমা ওইহন্নবা ঐখোয়গী খোঙচৎ অসি মাইপাক্না লমজিংগনি। নখোয়না লৈবাকশিংগী কোমিতী মরক্তা মতোলদা পুখৎকনি” হায়না মহাক্না মখা তাখি।

এজুকেসন অসি খ্বাইদগী অচৌবা ত্রান্সফোর্মেসন মেকানিজম অমনি হায়রদুনা শ্রী ধনখরনা হায়খি এজুকেসন অসি খুন্নাইদা থোং মান্নবা পুরকপা ঙম্বা অহোংবা অদুনি। নুপীমচাশিংগী এজুকেসনগী মরু ওইবা অদু থমলদুনা মহাক্না হায়খি মদুদি, “নুপীমচাগী এজুকেসন অসি রিভোল্যুসন অমনি, নুপীমচাগী এজুকেসননা চহিচা অমা অহোংবা পুরক্লি”।

শ্রী ধনখরনা হায়খি ‘অমৃত কাল’ অসি আশা অমসুং অচৌবা ওইথোকপা য়াবশিংগী মতম অমনি। “ভারতনা গ্লোবেল ইকনোমী অমা হান্নদগী ওইরে অমসুং ইনভেস্তমেন্ত অমদি খুদোংচাবশিংগীদমক পাম্নরবা দেস্তিনেসন অমা ওইরি, ঐখোয়গী গ্রোথ অসি লম্বা লৈতে, মালেম্না ঐখোয়দা মীৎয়েং থম্লি”, হায়না মহাক্না মখা তাখি।

মহাক্কী ৱারোলদা উপ-রাস্ত্রপতিনা মহৈরোয়শিংদা মাইথিববু কৈদৌনুংদা অকিবা পোক্লোইদবনি হায়খি। “মাইথিগনি কিবনা গ্রোথপু মাংহল্লি, মাইথিগনি কিবনা ইন্নোভেসন মাংহল্লি, মাইথিবা খুদিংমক মথংগী খোঙথাংগী য়ুম্ফম থোনবা ওইনা লৌগদবনি”, হায়না মহাক্না মখা তাখি।

‘নারী শক্তি বন্দন অধিনিয়ম’, ‘বরত বচাও, বেতি পরাও’গুম্বা অনৌবা থৌশিলশিং অমসুং LPG কন্নেক্সনশিং পীখিবা অসি পল্লদুনা শ্রী ধনখরনা হায়, “চহিচা অসিদা ঐখোয়বু মশক তাক্নবা মীকুপ অমা লাক্লে। নুপীমচাশিংনা ভারতকী গ্রোথ মশক তাক্লি!”

উপ-রাস্ত্রপতিনা শরুক য়ারিবা মহৈরোয়শিংদা ভারত মচা অমা ওইবগী চাউথোকচবা পোক্কদবনি, ভারতপু ইকাই খুম্নগদবনি অমসুং লৈবাক অসিনা শীংথানীংঙাই ওইনা খুমাং চাউশিল্লিবা অসিদা থাজবা থম্নবা হায়খি। মহাক্না ইকনোমিক নেস্নেলিজম ঙাক্না চৎপা মথৌ তাই; ‘স্বদেশি’গী ৱাখল্লোন ঙাক্না চৎনবা অমসুং ‘ভোকেল ফোর লোকেল’ ওইনবা হায়খি।

দিল্লী য়ুনিভর্সিতীগী ভাইস-চাঞ্চেল্লর, প্রোফেসর য়োগেশ সিংহ, কোলেজকী গভর্নিং বোদীগী চিয়রপর্সন, শ্রী অলোক বি শ্রিরাম, ফেকলতী মেম্বরশিং, মহৈরোয়শিং অমসুং অতোপ্পা দিগনিতরীশিংনা থৌরম অসিদাম শরুক য়াখি।

উপ-রাস্ত্রপতিনা পীখিবা মপুং ফাবা ৱারোল পানবগীদমক মসিদা নম্বীয়ু (https://pib.gov.in/PressReleasePage.aspx?PRID=2003378)

***