ফেব্রুৱারী 4, 2024দা নই দিল্লীগী দা. অম্বেকর ইন্তরনেস্নেল সেন্তরদা নোর্থ-ইস্ত সম্মেলন পাঙথোকখ্রে। থৌরম অসিদা কেন্দ্রগী অৱাং নোংপোক চাউখৎ-থৌরাং, কলচর অমসুং তুরিজম মন্ত্রী, শ্রী জি কিশন রেদ্দী, আর্ত সাইন্সেসকী কেন্দ্র মন্ত্রী, শ্রী কিরেন রিজিজু, অৱাং নোংপোক চাউখৎ-থৌরাং অমসুং কোওপরেসনগী কেন্দ্রগী রাজ্য মন্ত্রী, শ্রী বি এল ভর্মা, সোসিএল জস্তিস অমসুং এম্পাৱরমেন্তগী কেন্দ্রগী রাজ্য মন্ত্রী, কুমারি প্রতিমা ভৌমিক অমসুং মপাল থৌরম অমদি এজুকেসনগী কেন্দ্রগী রাজ্য মন্ত্রী, শ্রী রাজকুমার রঞ্জন সিংহনা শরুক য়াখি। অৱাং নোংপোক্কী MPশিং অমসুং অৱাং নোংপোক্কী রাজ্যশিংগী MLAশিংনা থৌরম অসিদা শরুক য়াখি। থৌরম অসিদা অৱাং নোংপোক্তা লৈরিবা তোঙান-তোঙানবা কেদরশিংদগী ওফিসরশিং অমসুং তোঙান-তোঙানবা কেদরদগী অৱাং নোংপোক্কী ওফিসরশিংনা থৌরম অসিদা শরুক য়াখি। থৌরম অসিদা ভাবোক 1000না শরুক য়াখি, মসিদা দিল্লীগী তোঙান-তোঙানবা ইন্সতিত্যুসনশিংদা তম্মিবা অৱাং নোংপোক্কী মহৈরোয় কয়া য়াওখি। নুপীদা শক্তি পীবদা মহাক্কী কান্নরবা খোঙথাংশিংগীদমক পদ্ম শ্রী ফংখ্রবা শ্রীমতি সংখুমি ভৌছৌকনা থৌরম অসিদা মগুন হাপখি।

প্রোসীদিংশিং অসি মন্ত্রীশিংনা বাবা সাহেব অম্বেদকরদা ইকাই খুম্নবা উৎলগা হৌখি। মন্ত্রীশিংনা দ্বারকাদা নোর্থ ইস্তর্ন কলচরেল এন্দ সোসিএল ইন্সতিত্যুত উরেপ-উয়ুং তমখি অমসুং নই দিল্লীগী JNUদা বরাক হোস্তেল শঙ্গাখি। লুপা করোর 116.38গী বজেৎ ওইবা দ্বারকাগী নোর্থ ইস্তর্ন কলচরেল এন্দ সোসিএল ইন্সতিত্যুত অসিদা এমেনিতী মখল কয়ামরুম য়াওগনি, মসিদা ওদিতোরিয়ম, অৱাং নোংপোক লমদমগা মরী লৈনবা মেতরিএলশিংদা মীৎয়েং থম্মিবা লাইব্রেরী-কম-রীদিং রুম, লমদম অসিদা উৎলিবা আর্ত গেলরী, একজিবিসন হোল, রিসর্চ সেন্তর, সেল আউৎলেৎশিং অমসুং গেস্ত হাউস য়াওগনি। সেন্তর অসিদা স্তেৎ হেন্দলুম দিস্প্লে, ফুত কোর্ত, একজিবিসন স্পেসশিংগুম্বা ফেসিলিতীশিংসু লৈগনি। লুপা করোর 28.675 গী শেনফম ওইবা নই দিল্লীগী JNUদা অৱাং নোংপোক মহৈরোয়শিংগীদমক বরাক হোস্তেল শারিবা অসিদা মতমগা চুনবা খুদোংচাবশিংগা লোয়ননা নুপা  অমদি নুপীশিংগীদমক কা 214 য়াওরি।

সম্মেলন অসিদা ৱা ঙাংলদুনা অৱাং নোংপোক চাউখৎ থৌরাং, কলচর অমসুং তুরিজমগী কেন্দ্রগী মন্ত্রী, শ্রী জি কিশন রেদ্দীনা হায়খি মদুদি নোর্থ ইস্ত সম্মেলন অসি অনৌবা খুদোংচাবশিং, অৱাং নোংপোক রিজনগী লোইনাইদ্রবা পোতেন্সিএল অমসুং ইনাক খুল্লবা কলচরেল তেপেস্ত্রী উৎনবা ফজরবা খুদোংচাবা অমনি। মহাক্না মখা তারদুনা হায়খি মদুদি হৌখিবা চহি 10 অসিদা ভারত সরকারনা হোলিস্তিক দিবেলপমেন্তগী খুত্থাংদা রিজন অসিগী সেক্তর পুম্নমক্তা চাউখৎ-থৌরাংগী প্রোজেক্তশিংগা লোয়ননা লুপা করোর লাখ 5 চাদিং তৌখি। রিজন অসিনা মীয়ামগী হেল্থকিয়রগী মথৌ তাবদা অখন্নবা মীৎবেং থম্বা স্তেৎ-ওফ-দি-আর্ত কেন্সর হোস্পিতালশিং লিংখৎপা উবা ফংখি। মসিনা মখোয়না চৎথোক চৎশিন তৌবগী অৱাবা লৈরম্বা অদু কোকহন্দুনা তো-নোৎচ ফেসিলিতীশিং ফংলগনি। মহাক্না অৱাং নোংপোক্কী এজুকেসন, হেল্থকিয়র, এগ্রিকলচর, অমসুং থবক পীবদা চাউনা ইনভেস্তমেন্তশিং তৌবা য়াওনা হৌখিবা দিকেদতা মাইপাকখিবশিং অদু থমখি। মরু ওইবা প্রোজেক্তশিং  এজুকেস্নেল ইন্সতিত্যুসনশিংদগী হৌরগা হেল্থকিয়র ফেসিলিতীশিং, স্পোর্তস ইনফ্রাস্ত্রকচর, অমসুং কালাদন মলতি মোদেল ত্রাঞ্জিৎ ত্রান্সপোর্ত প্রোজেক্ত অমসুং ত্রাইলেতরেল হায়ৱে প্রোজেক্তগুম্বা ইন্তরনেস্নেল কন্নেক্তিবিতী প্রোজেক্তশিং অসিনা রিজনেল কোওপরেসন মশক তাক্লি।

নোর্থ ইস্ত সম্মেলনগী ভাবোকশিংদা ৱা ঙাংলদুনা কেন্দ্রগী রাজ্য মন্ত্রী, শ্রী বি এল ভর্মানা হায়খি প্রধান মন্ত্রী শ্রী নরেন্দ্র মোদীজীনা মসি খঙবতা নত্তনা লৈবাক্কী চাউখৎ খোঙচৎতা অৱাং নোংপোক্কী মরু ওইবা থৌদাং অদু ফোঙদোক্লদুনা পুম্নমক শুনা য়াওবা নেস্নেল প্রোস্পেরিতীগী ফম্পাক অমা শেমখি। মসিনা মীৎয়েং চংবা অসিনা রিজন অসি চাউখৎহন্নবা অমসুং লৈবাক পুম্বদা ইনক্লুসিব গ্রোথ লৈহন্নবা ফিরেপ উৎলি মরু ওইনা অস্তা লক্ষ্মি রিজনেল দিবেলপমেন্তগীদমক অফবা গভর্নান্স অমসুং ইনিসিএতিবশিংবু থাগৎলি।

আর্ত সাইন্সেসকী কেন্দ্র মন্ত্রী, শ্রী কিরেন রিজিজুনা মহাক্কী ৱারোল পীবদা JNU দা অৱাং নোংপোক্কী মহৈরোয়শিংগীদমক বরাক হোস্তেল শঙ্গাবা অমসুং নই দিল্লীগী দ্বারকাদা নোর্থ ইস্তর্ন কলচর অমসুং সোসিএল ইন্সতিত্যুত উরেপ-উয়ুং তমখিবা অসিগীদমক অৱাং নোংপোক্কী মীয়ামদা নুংঙাইবা ফোঙদোকখি। মীৎয়েং শান্না উবা ঙম্বা পি.এম. শ্রী নরেন্দ্র মোদীজীগী লুচিং মখাদা সরকার অসিনা ‘এক ভারত শ্রেস্থ ভারত’কী বিজনদা চাউখৎ-থৌরাংগী থবকশিং মাংদ পুখৎলি। স্কিমশিং খুমাং চাউশিনবা য়েংশিন্নবা রিজন অসিদা কাউন্সিল ওফ মিনিস্তরশিংনা থা খুদিং চৎখি। মহাক্না শান্তি অমদি অৱাং নোংপোক চাউখৎপগা মরু ওইবা মরী লৈনৈ অমসুং নহারোলনা মরু ওইবা থৌদাং লৌখি হায়খি, লমদম অসিদা শান্তি থম্বা য়াম্না মরু ওই।

সম্মেলন অসিদা পি.এম. শ্রী নরেন্দ্র মোদীজগী অৱাং নোংপোক লমদমগী রোদমেপ অমসুং চাউখৎ থৌরাংগী বিজন উৎলিবা অখন্নবা ভিদিওশিং থাদোকখি। মখাদা পীরিবা হৌখিবা দিকেদ অমদা মফম অসিদা ফংবা ঙম্বা মাইপাকপশিং অসি ভিদিওদা য়াওখি।

• এজুকেসন্দা লুপা করোর 21,151 ইনভেস্ত তৌখি, স্কুল 843 লিংখৎখি, ওজা 25,64,628 অপস্কিলিং তৌখি, অমসুং প্রাইমারী এজুকেসন ইনফ্রাস্ত্রকচর দিবেলপমেন্ত অসি মরু ওইবা মাইপাকপশিং ওইনা পুথোকখি।
• অসামদা AIIMS, মিজোরামদা IIMC অমসুং মনিপুরদা ভারতকী অহানবা নেস্নেল স্পোর্তস য়ুনিভর্সিতীগুম্বা ইন্সতিত্যুসনশিংগী খুত্থাংদা হায়র এজুকেসন্দা খুমাং চাউশিনবা উৎখি।
• হেল্থকিয়রগী মাইপাকপশিংদা লুপা করোর 31,794 চাদিং তৌখি, অহানবা AIIMS শঙ্গাখি, স্তেৎ কেন্সর ইন্সতিত্যুত 19 অয়াবা পীখি অমসুং আয়ুশ ফেসিলিতীশিং হেল্থ সেন্তর 387দা ইন্তিগ্রেসন তৌখি।
• লৌউ-শিংউগী মাইপাকপশিংদা সিক্কিমদা ওর্গানিক ফার্মিংগীদমক হেক্তর লাখ 1.55 শীজিন্নরিবা, PMKSYগী মখাদা লুপা করোর 1,432 অয়াবা পীখি অমসুং বন ধন বিকাস য়োজনা হৌদোকখি।
• য়ুথ/স্পোর্তস অমসুং স্কিল দিবেলপমেন্তগী মাইপাকপশিংদা নেস্নেল স্পোর্তস য়ুনিভর্সিতী, স্পোর্তস ইনফ্রাস্ত্রকচর প্রোজেক্ত 203 অমসুং শান্নরোয় 207 শকখঙখি।
• অনৌবা থবক পীনবা খোঙথাংশিংনা থবক 3,49,291পীখি অমসুং লুপা করোর 100গা লোয়ননা নোর্থ ইস্ত ভেঞ্চর ফন্দ লোঞ্চ তৌখি।
• পাৱর, ইনর্জী, পেত্রোলিয়ম অমসুং নেচরেল গ্যাসকী মাইপাকপদা য়াওরিবশিং অদুদি লুপা করোর 37,092 পাৱর ইনফ্রাস্ত্রকচরদা চাদিং তৌখি, য়ুম লাখ 77.41 মৈ ফংহনখি অমসুং নোর্থ ইস্ত গ্যাস গ্রীদ প্রোজেক্ত।
• "nesetu.mdoner.gov.in" পোর্তেল লোঞ্চ তৌবা অমসুং ‘ফিল্দ তেক্নিকেল সপ্পোর্ত য়ুনিৎস’ দিপ্লোই তৌব।
• তুরিজম ইনিসিএতিবশিং অসিদা লুপা করোর 1502.48গী স্বাদেশ দর্শন অমসুং প্রশাদ স্কিমশিংগীদমক কাইথখি অমসুং "দেস্তিনেসন নোর্থ ইস্ত 2020" লোঞ্চ তৌখি।
• এক্ত ইস্ত পোলিসীশিং অসিনা কলাদান মল্তি মোদল ত্রাঞ্জিৎ ত্রান্সপোর্ত প্রোজেক্ত অমসুং ত্রাইলেতরেল হাইৱে প্রোজেক্তকুম্বা ইন্তরনেস্নেল কন্নেক্তিবিতীদা মীৎয়েং চংলি।
• 2023দা শঙ্গাখিবা অগর্তালা- অখৌরা রেলৱে লিঙ্ক অমসুং ইন্দিয়া বাংলাদেশ ফ্রেনশীপ পাইপলাইন মখাতানা রেজনেল কোর্পরেসন অদু উৎলি।

হেন্দিক্রাফ, হেন্দলুম অমসুং লৌউ-শিংউ অমসুং হোর্তিকলচরগী পোৎথোকশিং অমসুং স্তার্তঅপশিং উৎলিবা একজিবিসন অমদা মন্ত্রীশিংনা চৎতুনা মফম অদুদা লৈরম্বা আর্তিসান অমসুং এন্তপ্রিনোরশিংগা উনখি।

থৌরম অদু মখল মখা কয়াগী ত্রেদিস্নেল জগোইশিংগা লোয়না নিংথিরবা কলচরেল পর্ফোর্মেন্সশিং উৎতুনা লোইশিনখি। ঙসিগী খোঙথাংশিং অসিনা অৱাং নোংপোক্কী লোইবা নাইররোইদ্রবা পোতেন্সিএলশিং অদুবু পুথোক্নবা হোৎনরিবা ভারত সরকারগী থৌরাংশিং অদুবু পুন্না উৎলি। মসিদা উৎলিবা মাইপাকপশিং অসি ভারত সরকার মফম অসিগীদমক হোৎনজবা অদু চাউনা উৎলি।

****