ঙসি নই দিল্লীদা পাঙথোকখিবা CLEA- কম্মনৱেল্থ এতোর্নীস এন্দ সোলিসিতর্স জেনরেল কনফরেন্স CAGSC'24গী লোইশিনবগী থৌরমদা রাস্ত্রপতি, শ্রীমতি দ্রৌপদি মুর্মুনা ময়াই তাংবল লৌখ্রে। CAGSC'24গী লোইশিনবগী থৌরমদা কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা ৱা ঙাংখ্রে। সুপ্রিম কোর্তকী জস্তিস, জস্তিস শ্রী সর‍্যকান্ত, কেন্দ্রগী লো অমসুং জস্তিসকী রাজ্য মন্ত্রী (I/C), শ্রী অর্জুন রাম মেঘৱল, এতোর্নী জেনরেল ওফ ইন্দিয়া, দা. আর. বেঙ্কতরামনি, সোলিসিতর জেনরেল ওফ ইন্দিয়া, শ্রী তুশর মেহতা অমসুং কম্মন লিগেল এজুকেসন এসোসিএসনগী চিয়রমেন, দা. এস. শিবকুমারনা অমদি অতৈ দিগনিতরী কয়ানা থৌরম অসিদা শরুক য়াখি।

মহাক্কী ৱারোল পীবদা শ্রী অমিত শাহনা হায়খি মদুদি কনফরেন্স অসি মালেমদা জিওগ্রাফিকেল বাউন্দরীশিংবু মরু ওইনা লৌনদ্রবা তানফম অমদা পাঙথোক্লি। মহাক্না হায়খি হৌজিক্তি জিওগ্রাফিকেল বাউন্দরীশিং অসি ত্রেদ নত্রগা ক্রাইমগীদমক মরু ওইদ্রে। ত্রেদ অমসুং ক্রাইম অনিমক্কী ঙমখৈ লৈতে অমসুং অসিগুম্বা ফীভম অমদা ঙমখৈ লৈতবা মওংদা ত্রেদ দিস্পুৎ অমদি ক্রাইম থেংননবা হায়বা অসিদা ঐখোয়না অনৌবা সিস্তেম অমসুং চৎনবী খরা হৌদোক্কদবনি।

কেন্দ্রগী গৃহ অমসুং কোওপরেসন মন্ত্রীনা হায়খি মদুদি মীচম মীয়ামগী পুন্সিদা জস্তিস অসি য়াম্না মরু ওই। মহাক্না হায়খি মদুদি শ্রীমতি দ্রৌপদি মুর্মুনা মনুং হঞ্জিনবা অমসুং ভারতকী খ্বাইদগী শোত্থরবা মফম অমদগী লাক্লি আমসুং মহাক্না ভারতকী রাস্ত্রপতি ওইবা অসিনা দেমোক্রেসী অসি কয়া য়াম্না মরা চেৎপা অমসুং ভারত্তা লৈরিবা সম্বিধানগী ৱাখল্লোন অদু উৎলি।

শ্রী অমিত শাহনা হায়খি মদুদি ঙসি কনফরেন্সকী হীরম অসি কোর্তশিং খক্তগী নত্তে মসি কম্মনৱেল্থ লৈবাকশিংগা মরী লৈনৈ অমরোমদা মালেম পুম্বগী মীচম মীয়ামগা মরী লৈনৈ। মহাক্না হায়খি মদুদি লৈবাক খুদিংমক্কী সম্বিধানগী জস্তিস অমসুং হকশিং অসি কম্মন ফেক্তর অমা ওইনা লৈ অমসুং জস্তিস সিস্তেম অসিনা গ্রাউন্দা থবক তৌই অমদি অরোইবা মীওই ফাওবদা জস্তিস ফংহনবগী থবক তৌরি।

কেন্দ্রগী গৃহ অমসুং কোওপরেসন মন্ত্রীনা হায়খি ঙসিগী ইন্তরকন্নেক্তেদ ওইবা মালেম অসিদা কনাগুম্বা অমত্তনা ঙসি  জিওগ্রাফিকেল বোর্দরশিং অমসুং পলশিং লৈতে হায়বা য়ারোই। অদুবু পল অমদু ঙমখৈ অনিমক অসি ত্রেদ, কম্মর্স, কম্ম্যুনিকেসন অমসুং ক্রাইমদগী লৌথোকখ্রে। মহাক্না হায়খি মদুদি অপীকপা সাইবর ফ্রোদতগী হৌরগা গ্লোবেল ওর্গনাইজ ক্রাইম অসি য়াম্না দীপ ওইরি। লোকেল দিস্পুৎশিংদগী ক্রোস বোর্দর দিস্প্যুৎশিং ফাওবা কন্নেক্সন অসি হেন্না দীপ ওইরি। অপীকপা হুরানবগী থৌওংদগী বেঙ্কিং সিস্তেম অমসুং দেতা হেক তৌবগী অপুনবা থৌওং অসিদা লোকেল ক্রাইমগা লোয়ননা ইন্তরনেস্নেল তেরোরিজমগী কন্নেক্সন অসি হেন্না দীপ ওইরক্লি। ঙসি ক্রাইম অমসুং ক্রিমিনেলশিংনা ঙমখৈ হায়বা লৈতে মরম অসিনা লো এনফোর্সমেন্ত এজেন্সীশিংনা মখোয়বু কন্ত্রোল তৌনবা মপাঙ্গল কনখৎহনবা তাই নত্ত্রবদি কন্ত্রোল তৌদবা ক্রাইমনা ত্রেদ তৌবদা খুদোংচাহল্লোই।

কেন্দ্রগী গৃহ অমসুং কোওপরেসন মন্ত্রীনা হায়খি একচেঞ্জ রেৎ ফ্লকচুএসনশিং, ত্রেদ প্রোতেক্সন ত্রীতিশিং, ইন্তরনেস্নেল স্তেন্দর্দশিং অমসুং রিগ্যুলেসন কমপ্লেন্তশিংগা মরী লৈনবা ইস্যুশিং অমসুং কন্ত্রেৎ অমদি দিস্প্যু রিজোল্যুসনগুম্বা সমস্যা কয়াদা থবক কয়া পাইখৎখি। মহাক্ন হায়খি ক্রাইম কন্ত্রোল তৌনবা ঐখোয়না থবক তৌবা মথৌ তাবা ঙসি ইস্যু কয়া লৈ। মহাক্না হায়খি লোগীদমক জিওগ্রাফিকেল বোর্দরগী লিমিৎ লৈরোইদবনি মসিগী মহুৎ জিওগ্রাফিকেল বোর্দর অসি লোগী তিন্নফম মফম অমা ওইগদবনি। মহাক্না হায়খি  ঙসিগী অসিগুম্বা কনফরেন্সশিং তৌবগী খুত্থাংদা হায়রিবা তিন্নফম মফম লেপথোক্কদবনি। মদু খক্তদা লৈবাক পুম্নমক্কী লোশিং অসিনা অমগা অমগা মতেং পাংনগনি অমসুং জস্তিস দেলিভরী ওইথোকহনগনি। মহাক্না হায়খি অতৈ লৈবাকশিংগী লোগা কোওর্দিনেস তৌদ্রবদি লৈবাক অমত্তা শাফনা লৈবা ঙমলোই।

শ্রী অমিত শাহনা হায়খি ঙসিগী তেক্নোলোজীগী চহিচা সিদা ‘কোওপরেসন’ অমসুং ‘কোওর্দিনেসন’ অসিনা জস্তিস দেলিভরী তৌনবা মরু ওইবা মন্ত্র ওইগদবনি। মহাক্না হায়খি ঙসিগী গ্লোবেল ক্রাইমগী শীংনবশিং অসিনা ঙমখৈগী ইকাই খুম্নবা লৈত্রবদি জস্তিস দেলিভরীসু ইকাই খুম্নরোই ঐখোয়না ঙমখৈশিং অসি পাম্বৈ অমা ওইনা লৌবা তাই। ঙমখৈশিং অসি তিন্নফম মফমশিং ওইনা শেমগৎকদবনি অমসুং জস্তিস দেলিভরী তৌবদা অপনবা ওইনা ওইহল্লোইদবনি। শ্রী শাহনা হায়খি মদুদি ভারতনা মাইকৈ অসিদা থবক কয়া তৌখ্রে। মহাক্না হায় ত্রেদ দিস্প্যুৎশিং কোকহনবা অমসুং ক্রিমিনেল লোশিং মপুং ফানা রিফোর্ম তৌবগী মতাংদা স্তেকহোল্দর পুম্নমক্কা লোয়ননা খন্ন-নৈনবশিং পাঙথোক্তুনা ভারত্তা মাগী মওংদা অওনবা পুরককী। মহাক্না হায়খি মদুদি ঐখোয়না তেক্নোলোজী শীজিন্নবা হেনগৎহনদুনা লাক্কদৌরিবা চহি 100 অসিদা তেক্নোলোজীদা লাকপা অহোংবা পুম্নমক ইনকোর্পোরেৎ তৌবা ওইথোকহনগদবনি।

কেন্দ্রগী গৃহ মন্ত্রীনা হায়খি মদুদি ঙসিগী হোংলক্লিবা ফীভম অসিদা জুদিসিয়রীসু হোংবা মথৌ তাই। মহাক্না হায় ক্রোস বোর্দর কেসশিং অসি য়েংলগা তেক্নোলোজী শীজিন্নবা অসি জস্তিসকী অপুনবা প্রোসেস্তা এদোপ্ত তৌগদবনি। মহাক্না হায়খি ঐখোয়না 19শুবা চহিচাগী লোশিংনা 21শুবা চহিচাগী জস্তিস পীবা ঙমলোই। শ্রী শাহনা হায়খি মদুদি ক্রিমিনেল লো অহুম অসি – ভারতীয় ন্যায় সনহিতা, ভারতীয় নাগ্রিক সুরক্ষা সনহিতা অমসুং ভারতীয় সক্ষে অধিনিয়ম – মপুং ফানা ইমপ্লিমেন্ত তৌরবা মতমদা ভারতকী ক্রিমিনেল জস্তিস সিস্তেম অসিনা মালেমগী খ্বাইদগী এদভান্স ওইবা ক্রিমিনেল জস্তিস সিস্তেম ওইরগনি। মহাক্না হায়খি ঐখোয়গী জদিসিএল সিস্তেমদা আর্তিফিসিএল ইন্তেলিজেন্স – বেজ ত্রান্সলেসন প্রোসেস অসিদগী চাউনা কান্নবা ফংগনি। মহাক্না হায়খি মদুদি ঐখোয়না লিগেল সিস্তেম অমসুং কেসশিং নীংথিনা খঙনবা AI মপুং ফানা শীজিন্নগদবনি।

শ্রী অমিত শাহনা হায়খি অপুনবা জস্তিস সিস্তেমবু 3A হায়বদি এক্সেসিবল, এফোর্দেবল অমসুং একাউন্তেবল ওইহনবা য়াম্না মরু ওই অমসুং হীরম অহুম অসিগীদমক তেক্নোলোজী য়ারিবা মখৈ শীজিন্নগদবনি। মহাক্না হায়খি অনৌবা ক্রিমিনেল লোশিংদা তেক্নোলোজী অমসুং ফোরেন্সিক্কী মফম লৈ। মহাক্না হায়খি ইভিদেন্স-বেজ প্রোজিক্যুসন প্রমোৎ তৌনবা ঐখোয়না চহি তরেৎ অমসুং মদিগী হেন্না চৈরাক পীবা য়াবা কেস থীজিন্নবগীদমক সাইন্তিফিক ওফিসর মেন্দাতরী ওইহনগদবনি।

কেন্দ্রগী গৃহ অমসুং কোওপরেসন মন্ত্রীনা হায়খি মদুদি অনৌবা লোশিং ইমপ্লিমেন্ত তৌদ্রিঙৈ মমাংদগী হৌনা সরকারনা অপুনবা ইনফ্রাস্ত্রকচর শেমখ্রে অমসুং ফোরেন্সিক সাইন্স য়ুনিভর্সিতীশিং শাদুনা হ্যুমেন রিসোর্স জেনরেসনগী থবক মপুংসু ফংহনখ্রে অমসুং ফোরেন্সিক সাইন্স য়ুনিভর্সিতীশিংদগী চহি খুদিংগী সাইন্তিফিক ওফিসর 35000 পুথোক্লগনি। ইন্তিগ্রেতেদ ক্রিমিনেল জস্তিস সিস্তেম ICJSকী খুত্থাংদা ঐখোয়না লৈবাক্কী পুলিস স্তেসন পুম্নমক সিঙ্গল সোফৱেয়রনা কন্নেক্ত তৌখ্রে মসিদা মখোয় মশাগী লোলশিংদা ওনলাইন্দা থবক তৌবা য়াহনগনি। মহাক্না হায়খি মদুদি পুলিসকী খুত্থাংদা লেগেসী দেতা করোর নিপান হেন্না স্তোর তৌরি। লোৱর জুদিসিয়রীগা মরী লৈনবা দেতা করোর 15 অসি ই-কোর্ততা ওনলাইন ওইহনখ্রে। বন্ধী করোর 2.5 হেনবগী দেতা অসি ই-প্রিজনগী খুত্থাংদা ওনলাইন্দা ফংহল্লি অমসুং ই-প্রোজিক্যুসনগী খুত্থাংদা প্রোজিক্যুসন করোর অমা হেনবগী দেতা ওনলাইন্দা ফংহল্লি। শ্রী শাহনা হায়খি মদুদি সোফৱেয়র অসি পুলিস, কোর্ত, প্রোজিক্যুসন অমসুং ফোরেন্সিকশিংগীদমক AI শীজিন্নদুনা দিবেলপ তৌরি। মহাক্না হায়খি মসিনা থবক লাইথোকহনগনি অমসুং অনৌবা ক্রিমিনেল লোশিং মপুং ফানা ইমপ্লিমেন্ত তৌরবা মতুংদা চহি 3 দা FIR অমা হেক্তনা জস্তিস ফংবা  ঙমগনি।

কেন্দ্রগী গৃহ অমসুং কোওপরেসন মন্ত্রীনা কনফরেন্স অসিদা শরুক য়ারিবা কম্মনৱেল্থ লৈবাকশিংগী এতোর্নীশিং অমসুং সোলিসিতর জেনরেলশিংদা কনফরেন্স অসিদা খন্নখিবা এক্সন লৌখৎপা য়াবা পোইন্তশিং অসি মখোয়গী লৈবাক্কী লো শেম্মিবা এজেন্সীশিংদা শিয়র তৌনবা, লো শেম্নবা অমসুং গ্লোবেল ওর্দর শেম্নবা হায়খি মদু খক্তদা কনফরেন্স অসি মাইপাক্লে হায়না লৌবা য়াগনি।

*****