ভারত পুম্বগী সেক্রেতরীশিংগী নুমিৎ নিনিগী ‘ৱাতর ভিজন @2047 – ৱে এহেদ’ কনফরেন্স অসি লৈবাক্কী ৱাতর সেক্যুরিতী হেন্না মপাঙ্গল কনখৎহনবগী পান্দমগা লোয়ননা ঙরাং চেন্নৈগী মহাবলিপুরম (তমিল নাদু)দা লোইশিনখ্রে। রাজ্য অমসুং য়ুনিয়ন ত্রিতোরী 32, সেক্রেতরী 30 অমসুং দেলিগেত 300 হেনবনা কফরেন্স  অসিদা শরুক য়াখি অমসুং মখোয়গী খ্বাইদগী ফবা থৌওং অমসুং মধ্য প্রদেশকী ভোপালদা জনুৱারী 2023গী তাং 5 অমসুং 6তা পাংথোকখিবা “অহানবা ওল ইন্দিয়া এনুএল স্তেত মিনিস্তর্স কনফরেন্স ওন ৱাতর’দা য়ানখিবা ৱারেপ 22গা মরী লৈননা পায়খৎখিবা থবকশিংগী মতাংদা ই-পাউ লান্নখি।

হায়রিবা ৱারেপ 22 অসিগী মনুংদা থক্নবা ঈশিংদা খ্বাইদগী অহেনবা মিৎয়েং চঙবা হায়রিবা ঈশিংগী হৌরকফম ঙাক শেনবা, ক্লাইমেত রেজিলিএন্স শেমগৎপা, দিমান্দ অমসুং সপ্লাই সাইদ মেনেজমেন্ত তৌবা, ঈশিং য়োকফম্বু অপীকপা অমসুং অচৌবা থাক্তা ফগৎহনবা, স্তেত-ওফ-দি-আর্ত তেক্নোলোজী শিজিন্নবা, ঈশিং শিজিন্নবগী মতৌ হেন্না চেকশিনবা, ঈশিং য়োকখৎপগী প্রোগ্রামশিং থাক খুদিংদা হেন্না চাউখৎহনবা, তুরেল শম্নহনবগী ৱাখল্লোন পুক্নিং থৌগৎপা, তুরেলগী মওং-মতৌ য়েংশিনবা অমসুং ইনভাইরনমেন্তেল ফ্লো ঙাকপা, ঈশিং ইচাউ থোকহন্দনবা থৌওংশিং পায়খৎপা অমসুং হায়রিবা থবকশিং অসিদা মীয়াম্না শরুক য়াবগী চাং হেনগৎহনবা কয়া য়াওরি। কনফরেন্স অসিনা হায়রিবা ৱারেপশিং অসিবু খোঙজেল য়াঙবা থবক্তা ওন্থোক্নবা ৱাফম কয়া খন্ন-নৈনখি।

কনফরেন্স অসি ঈশিং শেন্নবগী থীমেতিক সেসন মঙা থোক্না খায়দোকখি। কনফরেন্স অসিগী ফানবা নুমিৎপু থীমেতিক সেসন অনি থোক্না খায়দোকখি। হায়রবা সেসন অনি অদুদি – ক্লাইমেত রেজিলিএন্স অমসুং তুরেলগী হকশেল অমসুং ৱাতর গবর্নেন্স হায়বসিনি। কনফরেন্স অসিদা ভারত সরকারগী জল শক্তিগী ইকায় খুম্ননীংঙাই ওইরবা মন্ত্রী, শ্রী গজেন্দ্র সিংহ সেখাৱতনা লুচিংবা মন্ত্রীশিংগী সেসন অমসু য়াওখি। ঐখোয়গী খুন্নাই খুদিংমক অমসুং অকোয়বগী ফিভম নীংথিনা থম্নবা ঈশিং নীংথিনা শিজিন্নহন্নবা তেংবাংনবা অমসুং ইন্নোভেসন পাংথোকপগী য়াম্না মথৌ তারিবা অসিদা ইকায়খুম্ননীংঙাই ওইরবা মন্ত্রীনা মিৎয়েং চঙখি। লৈবাক্কী ৱাতর সেক্যুরিতীগী পান্দম ফংনবগীদমক্তা কেন্দ্র-রাজ্যগগী মরক্তা লৈনরিবা পার্ত্নরশিপ মপাঙ্গল কনখৎহনবগী মথৌ তারিবসিদা মহাক্না অহেনবা মিৎয়েং চঙখি।

কনফরেন্স অসিগী নিনিশুবা নুমিৎ

কনফরেন্স অসিগী নিনিশুবা নুমিত্তা ‘ঈশিং নীংথিনা শিজিন্নবা’, ‘ঈশিং য়োকশিন্দুনা থম্বা অমসুং মসিবু অমুকা শেন্নবা’ অমসুং ‘মীয়াম্না থৌওংশিং অসিদা শরুক য়াবা/জন ভাগীদারি’ হায়বা থীমেতিক সেসন অহুম পাংথোকখি।

কনফরেন্স অসিগী শম্লপ্পা পাউদম অমসুং  মরু ওইবা ৱাফমশিংবু নেস্নেল ৱাতর মিসনগী AS & MD, কুমারী অর্চনা ভর্মানা লান্থোকখি।

মহাক্কী প্রজেন্তেসন মনুংদা, মহাক্না থীমেতিক সেসনশিং অসিগী মরু ওইবা ৱাফমশিং ফোংদোকখি। হায়রিবশিং অসি মখাদা পীরিঃ

ক্লাইমেত রেজিলিএন্স অমসুং তুরেলগী হকশেল

• ক্লাইমেত চেঞ্জনা অচৌবা ঈশিং-ইচাউ নত্ত্রগা ইকঙ থোকপগী থৌদোক তোইনা থোকহনগনি।
• ক্লাইমেত রেজিলেন্স ইনফ্রাস্ত্রকচর – স্তোরেজ, তুরেলশিং শম্নহনবা, সেদিমেন্ত মেনেজমেন্তকী মথৌ তাবা লৈবা।
• ফ্লদ প্লেন জোনিং, আর্লী ৱারনিং সীস্তেমগুম্বা নন-স্ত্রেকচরেল খোঙথাং অসি স্ত্রকচরেল খোঙথাংগুম্না চপ মান্ননা মরু ওই।
• তুরেলগী হকশেল ফনা থম্নবগীদমক্তা ইফ্লো, ৱাতর ক্বালিতী শেন্নদুনা থম্বা তাবা।
• শোর্ত, লোং তর্ম ৱেদর প্রেদিক্সনগীদমক্তা মতমগা চুনবা তেক্নোলোজী শিজিন্নবা অমসুং মসিনা ঈশিং থোকফমশিংদা পীগদবা শাফু।

ৱাতর গবর্নেন্স

• রাজ্য খুদিংদা ৱাতর রিসোর্স রেগ্যুলেতরী ওথোরিতী লৈহনগদবনি।
• নেস্নেল ৱাতর পোলিসীগী মখা পোন্না স্তেত ৱাতর পোলিসী শেমগদবনি।
• লৈবাক্কী রিভর বেসিন খুদিংগী রিভর বেসিন প্লান শেম্বা।
• NWICগা মরী লৈনহন্দুনা স্তেত ৱাতর ইনফোর্মেতিক্স সেন্তর শেম্বা।
• রাজ্যশিংনা রেস্নেলাইজ ওইরবা ৱাতর তারিফ মেকানিজম শেমগদবনি।
• ফ্রেমৱর্ক ফোর স্তেত রিয়ুজ ওফ ত্রিতেদ ৱেস্ত ৱাতর অসি রাজ্যশিংনা ইনগদবনি।

ৱাতর য়ুজ ইফিসিএন্সী

• হান্নদগী লৈরিবা প্রোজেক্তশিংবু নীংথিজনা শিজিন্নবগা অনৌবা প্রোজেক্ত শেমগৎপগা চপ মান্ননা মরু ওই।
• মাইক্রো-ইরিগেসন শিজিন্ননবা অমসুং IPC-IPU গেপ হন্থহন্নবা হোৎনফম থোকই।
• রাজ্যশিংনা ৱাতর একাউন্তিং অমসুং বেঞ্চমার্কিংগী খোঙথাংশিংদা থৱাই য়াওবগী মতৌ উৎপা তাই।
• তোঙান-তোঙানবা খোঙথাংশিংগী খুত্থাংদা মাইনর মেজর ইরিগেসনশিং পুনশিলহনবা।
• পাইপ ইরিগেসন নেতৱর্কশিংগা লোয়ননা মোদর্নাইজেসন লৈহনবা হায়বসিদা মিৎয়েং চঙবা।
• মশক থোকপা ক্রোপ পেত্তর্ন চেঞ্জ লৈহন্নবগীদমক্তা লৌমীশিংদা ইন্সেন্তিব পীবা।
• ভারত সরকারনা CADWM স্কিম রিফোর্মগী থবকশিংগী খোঙজেল য়াঙখৎহনবা য়াই।

ৱাতর স্তোরেজ অমসুং মেনেজমেন্ত

• অচৌবা অমসুং অপীকপা স্তোরেজ প্রোজেক্তশিংগী খুত্থাংদা স্তোরেজ হেনগৎহনবা।
• চাং নাইনা চত্থবা দ্রেজিং অমসুং অতোপ্পা O&Mগী খোঙথাংশিং নীংথিনা পাংথোকপা।
• সেদিমেন্ত মেনেজমেন্তকীদমক্তা কেৎচমেন্ত এরিয়া ত্রিতমেন্ত তৌবা।
• বফর স্তোরেজ তেঙ্ক, স্নো হার্ভেস্তিং, লেন্দ রিক্লেমেসন, বেরেন লেন্দ শিজিন্নবগুম্বা থবকশিংবু খুমাং চাউশিলহনবা।
• গ্রাউন্দ ৱাতরবু খুৎশেমগী থৌওং শিজিন্নদুনা পাক চাউনা রিচার্জ তৌবা।

মীয়াম্না শরুক য়াবা/জন ভাগীদারি

• ৱাতর য়ুজর এসোসিএসনগী খুত্থাংদা লৌমীশিংগী মপাঙ্গল হাপ্তুনা মখোয়বু ৱাতর মেনেজমেন্তকী শরুক ওইহনবা।
• PRIশিংগী খুত্থাংদা মেনস্ত্রীম কম্ম্যুনিতী মোবিলাইজেসন তৌবা।
• থাক খুদিংদা স্তেকহোলদরশিং শরুক য়াহনবা অমসুং কেপাসিতী বিলদিং তৌবা হায়বসিনা হৌজিক্কী মতমদা খ্বাইদগী তঙাই ফদবা ওইবা।
• অনৌবা ৱাখল্লোন পুরক্নবা অমসুং অনৌবা পাঙ্গল হাপ্নবগীদমক্তা নহা ওইরিবশিংবু জন আন্দোলন্দা শরুক য়াহনবা।
• বোত্তম-অপ প্লান্নিংগী থৌওং শিজিন্নবা।

কনফরেন্স অসিদা পুথোকখিবা ৱাহৌদোক অমসুং মরু ওইবা ৱাফমশিং কয়া শরুক য়ারিবশিংদগী হংখি। ৱাতর ভিজন @2047গী এজেন্দাবু দাইলোগ অমসুং খন্ন-নৈনবগী থৌওং লেপ্তনা চত্থদুনা খুমাং চাউশিলহন্নবগীদমক্তা মিৎয়েং চঙফম থোকপা হীরমশিংগী ওইবা সেক্রেতরীশিংগী এক্সন গ্রুপ অমা শেম্বগী ৱাহৌদোক অমা থমখি।

অরোইবদা, কুমারী ভর্মানা শরুক য়ারিবা মীওই খুদিংমক্কী মফমদা থম্মোই শেংবা থাগৎ ৱাহৈ ফোংদোকপগা লোয়ননা লৈবাক্কী রাজ্য/য়ু.তি. অমদি কেন্দ্রগী বিভাগ অমসুং মন্ত্রালয়শিংবু ফম্বাক অমদা পুরকপদা মতেং পাংলিবা কনফরেন্স অসিবু শিন-লাঙবগীদমক্তা তমিল নাদু সরকারবু অখন্নবা ওইনা থাগৎখি।

***