কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা ঙসি গুজারতকী গান্ধীনগরদা নেস্নেল ফোরেন্সিক সাইন্স য়ুনিভর্সিতী (NFSU)গী 5শুবা ইন্তরনেস্নেল অমসুং 44শুবা ওল ইন্দিয়া ক্রিমিনিলোজী কনফরেন্সতা ৱা ঙাংখ্রে।

মহাক্কী ৱারোলদা শ্রী অমিত শাহনা হায়খি মদুদি কনফরেন্স অসি ভারতকী ক্রিমিনেল সিস্তেমনা অনৌবা চহিচা অমদা চংলকপা মতমদা হৌদোক্লি। মহাক্না হায়খি মদুদি ভারতনা ক্রিমিনেল জস্তিসকী চহি 150 শুরবা ওরিজিনেল লোশিং মুত্থৎখি অমসুং অনৌবা লোশিং পুথোকখি। মহাক্না হায়খি মদুদি লো অহুম অসিদা য়াওরিবা অচৌবা ইসু অনি কনফরেন্স অসিদা খন্নগনি। অহানবদা মতম চানা ৱায়েল পীবা অমসুং অনিশুবদা কনভিক্সন রেৎ হেনগৎহন্নবা ক্রাইমশিং থীবা অসিনি। মহাক্না হায়খি মদুদি লো অহুম অসিদা  তেক্নোলোজীগী মতেংগা লোয়ননা ইসুশিং কোকহন্নবগীদমক খোঙথাংশিং লৌখৎলি। গৃহ মন্ত্রীনা মখা তারদুনা হায়খি ঐখোয়না মরু ওইবা ৱারেপ লৌখি অমসুং চহি 7 নত্ত্রগা হেনবগী চৈরাক পীরিবা অরানবা তৌবগী ক্রাইম সিনদা চৎপা  অসি ফোরেন্সিক সাইন্স ওফিসর অমগীদমক মেন্দতরী ওইহনখি। মহাক্না হায়খি মদুদি মসিনা ইনভেস্তিগেসন লাইথোকহনগনি, মসিনা ৱায়েল পীবদা লাইথোকহনগনি অমসুং মসিনা প্রোজিক্যুসন লাইহনগনি। মসিনা কনভিক্সন রেৎ হেনগৎহনবদা মতেং পাংগনি। মসিগা লোয়ননা অপুনবা প্রোসেস অসি মোদর্নাইজ তৌনবা খোঙথাংশিং লৌৎলি। শ্রী শাহনা হায়খি মদুদি চহি 5গী মতুংদা ভারতকী ক্রিমিনেল জস্তিস সিস্তেম অসি মালেমগী খ্বাইদগী মোদর্ন সিস্তেম ওইরগনি।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি প্রধান মন্ত্রীনা হৌখিবা চহি 10দা লম খুদিংমক্তা শীংথানীংঙাই ওইবা থবক 50 হেন্না তৌখি। মহাক্না হায়খি মদুদি মোদীনা হৌখিবা চহি 5দা খক্তা শীংথানীংঙাই ওইবা থবক 3 তৌখি। অহানবদা চহি 40গী মতুংদা মোদী সরকারনা অনৌবা নেস্নেল এজুকেসন পোলিসী শেমখি, মসি ইন্দিয়ন এজুকেসন, মালেম পুম্বদা ওপন ওইবদা মপুং ফানা য়ুম্ফম ওইখি অমসুং ঐখোয়গী অঙাং খুদিংমক্তা গ্লোবেল প্লেৎফোর্ম অমসু পীগনি। অনিশুবদা NFSUগী 2003দা য়ুম্ফম থোনখিবা অসি নেস্নেল ফোরেন্সিক সাইন্স য়ুনিভর্সিতী লিংখৎপদা এক্সপান্দ তৌখি। অহুমশুবা চহি 150গী মতুংদা ক্রিমিনেল জস্তিস সিস্তেমদা অহোংবা পুরক্তুনা অনৌবা লো অহুম শেমখি। শ্রী শাহনা মখা তারদুনা হায়খি করিগুম্বা অহোংবা অহুম অসি পুন্না য়েংলবদি এজুকেসন, ফোরেন্সিক সাইন্স অমসুং ক্রিমিনেল জস্তিস সিস্তেমদা কমপ্রিহেন্সিব ওইবা অহোংবা অমা পুরকপা ঙমগনি। মহাক্না হায়খি প্রধান মন্ত্রী শ্রী নরেন্দ্র মোদীগী লুচিং মখাদা অসিগুম্বা চহি 5গী মতুংদা পাইখৎপা থবক্না লৈবাক অসিদা সাইন্তিফিক ওফিসর  অমসুং ফোরেন্সিক সাইন্স এক্সপর্ত লিশিং 9 হেন্না চহি খুদিংগী পুথোকপা ঙমহনগনি।

শ্রী অমিত শাহনা হায়খি ঙসিগী কনফেন্স অসি ফোরেন্সিক বিহেবিয়রেল সাইন্সকী তোপিক্তা পাঙথোক্লি অমসুং মসি অনৌবা লম অমনি। মহাক্না হায়খি বিহেবিয়রেল সাইন্সনা অকনবা লৈঙাক অমসুং অফবা জুদিসিয়রীগুম্না ক্রাইমশিং ঙাকথোকপদা চপ মান্নবা থৌদাং লৌগনি। মহাক্না হায়খি মদুদি মসিগী ৱাখল্লোন অসি ঐখোয়না শেমখিবা মোদস ওপরেন্দী ব্যুরোদগী হেন্না মাংজিল থারি। গৃহ মন্ত্রীনা হায়খি করিগুম্বা ঐখোয়না বিহেবিয়র নৈরবদি অমসুং প্রাইমারী এজুকেসন্দা মসিগী মফম অমা পীদুনা কোওর্দিনেৎ তৌরবদি ঐখোয়না ক্রিমিনেল অমবু লেপহনবা ঙমগনি। মহাক্না হায়খি মদুদি ফোরেন্সিক সাইন্স অসি তোঙান তানা খুন্নাইগী শেবা তৌবা ঙমলোই ঐখোয়না জুদিসিএল প্রোসেস্তা য়াওরিবা স্তেকহোল্দর পুম্নমক্কা লোয়ননা ফোরেন্সিক সাইন্স ইন্তিগ্রেৎ তৌদ্রিবা ফাওবা কান্নবশিং ফংবা ঙমলোই। শ্রী শাহনা হায়খি মদুদি ফোরেন্সিক সাইন্স অসি ইনভেস্তিগেসন, প্রোজিক্যুসন, জস্তিস সিস্তেমদা শীজিন্নগদবনি অমসুং এজুকেসন্দা মসিবু এদোপ্ত তৌদুনা খোঙথাং অমা মাংদা থাংবগী মতম ওইরে। মহাক্না হায়খি মসি প্রিভেন্তিব, প্রিদিক্তিব অমসুং প্রোতেক্তিব পোলিসিয়িংগী মাইকৈদা মরু ওইবা খোঙথাং অমনি। মহাক্না হায়খি ঙসি কেপাসিতী বিল্দিং অমসুং ইনভেস্তিগেসন্দা মতেং পাংনবা ঙসি দিজিতেল ফোরেন্সিক এক্সিলেন্স সেন্তর অমা শঙ্গাখ্রে।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি নীংতম্বা ফংলবা মতুং চহি 75 অসিদা ভারতনা মালেমগী খ্বাইদগী চাউবা দেমোক্রেসী ওইখি অমসুং মালেমদা লৈরিবা কনাগুম্বনা ভারতকী মীয়াম্না দেমোক্রেসীদা থম্মিবা থাজবা অসিদা ৱাহং অমত্তা হংখিদে। মহাক্না হায়খি মদুদু ভারতনা নীংতম্বা ফংবা চহি 100 মপুং ফারকপা মতম 2047দা ঐখোয়না লম খুদিংমক্তা ভারতনা মাংজিল থানবা লৌখিবা ফিরেপ থুংহন্নবা লম খুদিংমক্তা প্রধান মন্ত্রী শ্রী নরেন্দ্র মোদীনা পাইখৎখিবা ফিফোর্মশিংদা য়ুম্ফমদা মাংদা চংশিনগনি। মহাক্না হায়খি মদুদি অসিগুম্বা মতম অসিদা ঐখোয়গী ক্রিমিনেল জস্তিস সিস্তেমগী মাংদা শীংনবা 4 লৈ – বেসিক পোলিসিয়িংগী প্রিন্সিপলদা কমপ্রোমাইজ তৌবা তৌদনবা অপুনবা সিস্তেমদা তেক্নোলোজী শীজিন্নুনা খ্বাইদগী মোদর্ন ওইনা পুসিস সিস্তেম অমা ওইবা, হ্যুমেন প্রজেন্সকী মরু ওইবা হন্থহনদবা তেক্নোলোজী শীজিন্নবা য়াহনদবা, হাইব্রিদ অমসুং মলতি দাইমেন্সনেল থ্রেতশিং মশক খঙদোকপা অমসুং মখোয়দগী ঐখোয়গী সিস্তেমশিং ঙাকথোক্নবা অপুনবা নেৎৱার্ক অমা শেম শাবা অমসুং ঐখোয়গী ক্রিমিনেল জস্তিস সিস্তেম অসি মালেমগী খ্বাইদগী মোদর্ন ওইবা ক্রিমিনেল জস্তিস সিস্তেম ওইহনবা অমসুং বোল্দ ফীচর অমা ওইনা মসিদা ফোরেন্সিক এদোপ্ত তৌবা। গৃহ মন্ত্রীনা হায়খি ঙসি ক্রাইমগী মওং মতৌ, মোদ অমসুং মেথদ অসি নুমিৎ খুদিংগী হোংলক্লি অমসুং অসিগুম্বা ফীভমদা পুলিসনা ক্রাইম অমসুং ক্রিমিনেলশিংদগী মীরোল অনি মাংদা চখৎনা লৈবা মথৌ তাই। মহাক্না হায়খি ক্রাইমশিং ঙাকথোক্নবা ঐখোয়না পোলিসীশিং অমসুং রুলস ওফ তেক্নোলোজীদা গ্লোবেল য়ুনিফোর্মিতী পুরক্নবা হোৎনগদবনি।

শ্রী অমিত শাহনা হায়খি ক্রিমিনেল জস্তিস সিস্তেম, তেক্নোলোজী অমসুং ফোরেন্সিক ইনভেস্তিগেসন ইন্তিগ্রেৎ তৌবা অসি ঐখোয়গী মাংদা অচৌবা শীংনবা ওইরি। মোদী সরকারনা ইনভেস্তিগেসন, প্রোজিক্যুসন অমসুং জুদিসিএল প্রোসেস্তা ফোরেন্সিক সাইন্সকী অচৌবা মফম অমা পীখি। মসিনা নহারোলগীদমক অচৌবা লম অমা হাংদোক্লগনি। গৃহ মন্ত্রীনা হায়খি মদুদি ফোরেন্সিক তেক্নোলোজীগী মতেংনা ঐখোয়না নীংতম্বা, ওতোনোমী অমসুং ইনভেস্তিগেসন অচুম্বা মওংবা অসি ঙাকশেন্দুনা লিগেল কবরদা অফবা লম্বী অমা ওইরি। শ্রী শাহনা হায়খি গৃহ মন্ত্রালয় কন্না হোৎনরবা মতুংদা হৌখিবা চহি 5 অসিদা দেতাবেস কয়া শেমখি অমসুং দেতা ইন্তিগ্রেসনগী থবকসু কন্না পাইখৎখি।

কেন্দ্রগী গৃহ মন্ত্রীনা হায়খি অনৌবা লোশিং অসি আইসোলেসন্দা পুথোক্তে অমসুং মখোয়া অসি পুথোক্ত্রিঙৈ মমাংদা মথংগী চহি 5দা করি তৌবা মথৌ তাবগে ভিজুএলাইজ তৌখি। মহাক্না হায়খি মদুদি চহি 5গী মনুংদা অনৌবা ক্রিমিনেল লো অহুম অসি ইমপ্লিমেন্ত তৌগনি। শ্রী শাহনা হায়খি হৌজিক ফাওবদা ঐখোয়গী লৈবাক্কী এজুকেসন সিস্তেম অসি ৱান সাইজ ফিত ওলদা য়ুম্ফম ওইখি অদুবু অনৌবা এজুকেসন পোলিসীগী খুত্থাংদা মোদীজীনা মসিবু দাইনামিক ওইহনখি। মহাক্না হায়খি মদুদি য়ুনিভর্সিতী অসিগী অহেনবা কেম্পস মপান অথুবদা চহি অমা অসিদা হাংদোক্লগনি অমসুং কেম্পস অমমম লৈবাক্কী রাজ্য খুদিংমক্তা লৈহনগনি। মহাক্না হায়খি নহা ওইরিবা মহৈরোয়শিংনা ৱান দেতা ৱান এন্ত্রীগী প্রিন্সিপলদা থবক তৌগদবনি।

শ্রী অমিত শাহনা হায়খি অহানবা ওইনা জস্তিসকী বেসিক ইন্দিয়ন কনসেপ্ত অসিা মোদীজীনা অনৌবা লো অহুম পুরকখি – ভারতীয় ন্যায় সনহিতা, ভারতীয় নাগ্রিক সুক্ষা সনহিতা অমসুং ভারতীয় সক্ষ্যঅ অধিনিয়ম। মহাক্না হায়খি মদুদি অনৌবা লোশিংগী ৱারেপ অসি পুথোক্লবা মতুংদা চহি 3 অসিদা FIRশিংদা য়াওহল্লগনি। লোশিং অসিদা ঐখোয়না ইজ ওফ জস্তিসতগী অচম্বা, মান্নবা, ত্রান্সপরেন্ত অমসুং মতম চানা ফংহনবা অসিগুম্বা দাইমেন্সনশিং অসি এদোপ্ত তৌখি।

কেন্দ্রগী গৃহ মন্ত্রী অমসুং কোওপরেসন মন্ত্রীনা থৌরম অসিদা শরুক য়াখিবা নহারোলশিংদা হায়খি মদুদি প্রধান মন্ত্রীনা ভারত অসিবু লম খুদিংমক্তা মালেমগী মকোক্তা লৈহন্নবা পান্দম থম্মি, মসিদা ফোরেন্সিক সাইন্সসু য়াওরি অমসুং থবক অসি নহারোলনা তৌগদবনি। মহাক্না হায়খি অনৌবা এরেঞ্জমেন্তশিং তৌরবা মতুংদা ভারতনা ফোরেন্সিক সাইন্সকী লমদা মালেমগী মকোক্তা শোইদনা লৈরগনি।

*****