নুপী অমসুং অঙাংশিংগী চাউখৎ থৌরাং মন্ত্রালয়
ভারতকী রাস্ত্রপতিনা অঙাং 19দা প্রধান মন্ত্রী রাস্ত্রিয় বাল পুরস্কার - 2024 পীগনি
হন্দক্কী চহিগী মনা ফংলবশিংগী মনুংদা থৌনা ফবা, সাইন্স অমসুং তেক্নোলোজী অমদি ইন্নোভেসনগী কেতগরীদা অঙাং অমমম, সোসিএল সর্ভিস্কী কেতগরীদা অঙাং মরি, শান্ন-খোৎনবগী কেতগরীদা অঙাং মঙা অমসুং আর্ত অমদি কলচরগী কেতগরীদা অঙাং তরেৎ য়াওরি
অয়োধ্যাদা রাম মন্দিরবু মীয়ামদা খুৎশিন্নবগী য়াইফরবা নুমিৎ অসিদা ভারতকী রাস্ত্রপতি, শ্রীমতি দ্রৌপদি মুর্মুনা ঙসি তিনখিবা মীয়ামদা ভগ্বান রামগী খাঙবা কনবা, অহল-লমশিংবু ইকায় খুম্নবা অমসুং খুদোংথীবা মীৎকুপ্তা মোঙ-হাদনা লৈবা ঙম্বগী লাইগুম্লবা মওং-মতৌগী মতাংদা অমুক্কা হন্না পাউদমখি
কেন্দ্রগী WCD মন্ত্রী, শ্রীমতি স্মৃতী জুবিন ইরানীনা মনা ফংলবা অঙাংশিংগী মফমদা থাগৎ ৱাহৈ ফোংদোকখি অমসুং লৈবাক-শেম্বগী থৌওংদা অঙাংশিংনা তম্বা শরুকশিংবু শকখঙবীবা অমসুং ইকায় খুম্নবগী মরু ওইবশিংদা মীয়ামগী পুক্নীং চীংশিনখি
নেস্নেল এৱার্দকী থাক্তা খ্বাইদগী নীংথিজনা পাংথোকপা থবকশিং থিনবগীদমক্তা খ্বাইদগী অহানবা ওইনা আর্তিফিসিএল ইন্তেল্লিজেন্স শিজিন্নখি
Posted On:
23 JAN 2024 5:38PM by PIB Imphal
ভারতকী রাস্ত্রপতি শ্রীমতি দ্রৌপদি মুর্মুনা ভারত সরকারগী নুপী অমসুং অঙাংশিংগী চাউখৎ থৌরাং মন্ত্রালয়না পীবা ‘প্রধান মন্ত্রী রাস্ত্রিয় বাল পুরস্কার’ ঙরাং অঙাং 19গী মফমদা য়েন্থোকখ্রে। থৌরম জনুৱারী 22, 2024দা নই দিল্লীগী বিগ্যান ভবন্দা পাংথোকখিবা অখন্নবা থৌরম অসিদা নুপী অমসুং অঙাংশিংগী চাউখৎ থৌরাংগী কেন্দ্র মন্ত্রী, শ্রীমতি স্মৃতী জুবিন ইরানী; নুপী অমসুং অঙাংশিংগী চাউখৎ থৌরাংগী রাজ্য মন্ত্রী, দাঃ মুঞ্জপারা মহেন্দ্রভাই; মীথুংলেন; সেনিয়র ওফিসিএল; আঙ্গনৱারীগী থৌমী; অমসুং তোঙান-তোঙানবা ইন্সতিত্যুসন কয়াদগী লাকপা নহা ওইরিবা অঙাং কয়াসু শরুক য়াখি।
হন্দক্কী চহিগী মনা ফংলবশিংগী মনুংদা থৌনা ফবা, সাইন্স অমসুং তেক্নোলোজী অমদি ইন্নোভেসনগী কেতগরীদা অঙাং অমমম, সোসিএল সর্ভিস্কী কেতগরীদা অঙাং মরি, শান্ন-খোৎনবগী কেতগরীদা অঙাং মঙা অমসুং আর্ত অমদি কলচরগী কেতগরীদা অঙাং তরেৎ য়াওরি। মনা পীবগী থৌরম অসি নেস্নেল এন্থেমগা লোয়ননা হৌদোকখি অমসুং অঙাং খুদিংনা মশাগী নাৎকী ফিজোল শেত্তুনা মনা লৌবগী মতৌ অসিদি থম্মোইদা য়াম্না নুংঙাইবা পোকহনবা লৈবাক অমত্তা ওইবগী মতৌ অমা মিৎয়েং তাবা ফংখি, থৌওং অসিমক্না লৈবাক অসিগী ইনাক খুল্লবা নাৎকী চৎনবী ময়েক শেংনা উৎলি।
ভারতকী রাস্ত্রপতিনা ঙসি মনা ফংলবশিংবু থাগৎলদুনা অঙাংশিং অসিদি মখল খুদিংগী তেলেন্ত লৈবশিংনি অমসুং মখোয়গী হোৎনবা কনবগী মতৌ অসিনা মখোয়গী মফমদা মশাগী শক্তাক শেমজবগী পাঙ্গল লৈহল্লিবনি হায়খি। অঙাংশিংনা মশাগী মহৈবু নীংথিজনা অমসুং পেঞ্জনা শিজিন্নবা ঙমহন্নবগীদমক্তা মখোয়গী মফমদা অচুম্বা মাইকৈ তাকপীফম থোকই হায়না মহাক্না হায়খি।
নহাশিংনা ভারতকী মমল তাঙলবা রিসোর্স অমা ওইরিবনি, মখোয়গী তৌবা ঙম্বগী মতিকপু নীংথিজনবা শিজিন্নবনা মখোয়না লৈবাক শেম্বদা মশক থোকপা শরুক তম্বতা নত্তনা মালেমগী চাউখৎ থৌরাংদসু শরুক তম্বা ঙমগনি হায়না রাস্ত্রপতিনা মখা তাখি। সরকার অসিনা ন্যু এজ স্কিল, ফ্যুচরিস্তিক তেক্নোলোজী অমসুং AIদা অহেনবা মিৎয়েং চঙলি, মসিগী মরমদি, ঐখোয়গী নহাশিংবু তুংগী মতমগী শিংনবশিংগা মাইয়োক্নবা ঙমহন্নবা শেম শাদুনা লৈহন্নবনি হায়না মহাক্না হায়খি।
অয়োধ্যাদা রাম মন্দিরবু মীয়ামদা খুৎশিন্নবগী য়াইফরবা নুমিৎ অসিদা ভারতকী রাস্ত্রপতি, শ্রীমতি দ্রৌপদি মুর্মুনা ঙসি তিনখিবা মীয়ামদা ভগ্বান রামগী খাঙবা কনবা, অহল-লমশিংবু ইকায় খুম্নবা অমসুং খুদোংথীবা মীৎকুপ্তা মোঙ-হাদনা লৈবা ঙম্বগী লাইগুম্লবা মওং-মতৌগী মতাংদা অমুক্কা হন্না পাউদমখি। মহাক্না অঙাংশিংনা প্রভু রামগী ৱাখল্লোনগী মতৌ তমজনবা অমসুং রমায়নগী ৱাখল্লোনবু মশাগী পুন্সিদা ইন্নবা হায়খি।
কেন্দ্রগী WCD মন্ত্রী, শ্রীমতি স্মৃতী জুবিন ইরানীনা মনা ফংলবা অঙাংশিংগী মফমদা থাগৎ ৱাহৈ ফোংদোকখি অমসুং লৈবাক-শেম্বগী থৌওংদা অঙাংশিংনা তম্বা শরুকশিংবু শকখঙবীবা অমসুং ইকায় খুম্নবগী মরু ওইবশিংদা মীয়ামগী পুক্নীং চীংশিনখি। নেস্নেল এৱার্দ পোর্তেল অসিদা PMRBPগীদমক্তা ওনলাইন্দা নোমিনেসন পীরকখিবা অঙাং লিশিং কয়াবু মহাক্না মখোয়না মনা অসিদা থৱাই য়াওবগী মতৌ উৎপগীদমক্তা থাগৎখি। ঐখোয়গী অঙাংশিংনা ভারতপু মায় পাকপগী লম্বীদা লমজিংবতা নত্তনা ভারতপু মালেমগী মশক নাইবা শক্তি অমসু ওইহনবা ঙমগনি হায়না মহানা হায়খি। কেন্দ্রগী WCD মন্ত্রীনা নেস্নেল এৱার্দকী থাক্তা খ্বাইদগী নীংথিজনা পাংথোকপা থবকশিং থিনবগীদমক্তা খ্বাইদগী অহানবা ওইনা আর্তিফিসিএল ইন্তেল্লিজেন্স মতৌ করম্না শিজিন্নখিবগে হায়বগী মতাংদা মহাক্না মীয়ামগী পুক্নীং চীংশিনখি।
তোঙান-তোঙানবা রাজ্য অমসুং য়ু.তি.গী মশক থোকপা থৌনা-লিংজেল উমসুং স্কিল লৈবা এৱার্দী 19গী ইমুংশিংগী মফমদা মহাক্না মখা তানা ইকায় খুম্নবা উৎখি। মন্ত্রীনা অঙাংশিংবু থৌজানবীরদুনা মখোয়না ভারতকী প্রধান মন্ত্রীগী ‘বিকশিৎ ভারত’কী মঙলান অসিবু মঙফাওনহনবা ঙম্বা বিলদিং ব্লোক ওইরক্কনি হায়বগী থাজবা লৈ হায়না ফোংদোকখি।
মীয়াম্বু তরাম্না ওকপগী ৱারোল অদুনা MoWCDগী সেক্রেতরী, শ্রী ইন্দেবর পান্দেনা পীখি। মহাক্না নহা ওইরিবা চেম্পিয়নশিং অসিবু থাগৎখি, মখোয়গী তুংগী পুন্সিদা মায় পাকপা ওইয়ু হায়বা য়াইফ পাউজেল পীখি অমসুং মায় পাকপগী অনৌবা অহেনবা থাক য়ৌনবা লেপ্তনা হোৎননবা ইথিলসু পীখি।
ভারত সরকারনা চহি 5তগী 18 ফাওবগী মনুংদা লৈবা অঙাংশিংগী মশক থোকপা মায় পাকপা কয়া শকখঙদুনা মখোয়গী মফমদা প্রধান মন্ত্রী রাস্ত্রিয় বাল পুরস্কার (PMRBP) পীদুনা চহি খুদিংগী ইকায় খুম্নৈ। এৱার্দী খুদিংমক্না রাস্ত্রপতিগী মফমদগী মেদল অমসুং সর্তিফিকেত অমমম ফংই।
এৱার্দ অসিগী নোমিনেসন অসি ভারত সরকারগী এৱার্দ পোর্তেল - www.awards.gov.in অসিদা ওনলাইন মোদতা লৌই। অপুনবা ওইনা এপ্লিকেসন 1879 ফংখি অমসুং মসিগী মনুংদগী 1597 অমদি খন্নবগীদমক্তা লৌখৎপা য়াই খনখি। কনাদা এৱার্দ পীগদগে হায়বসিদি নুপী অমসুং অঙাংশিংগী চাউখৎ থৌরাং মন্ত্রীনা লুচিংবা নেস্নেল সেলেক্সন কম্মিত্তীনা লেপ্পি।
প্রধান মন্ত্রী রাস্ত্রিয় বাল পুরস্কার – 2024 ফংলবশিং
|
মথং মনাও
|
মিং
|
রাজ্য
|
কেতগরী
|
|
1.
|
আদিত্য বিজয় ব্রহ্মানে (লৈখিদ্রবা)
|
মহারাস্ত্রা
|
থৌনা ফবা
|
|
2.
|
অনুশকা পাথক
|
উত্তর প্রদেশ
|
আর্ত অমসুং কলচর
|
|
3.
|
অরিজীত বেনর্জী
|
নোংচুপ বেঙ্গল
|
আর্ত অমসুং কলচর
|
|
4.
|
অর্মান উভ্রানী
|
ছতিসগর
|
আর্ত অমসুং কলচর
|
|
5.
|
নেতবী কান্তিভাই খিমসুরিয়া
|
গুজরাত
|
আর্ত অমসুং কলচর
|
|
6.
|
ইশফাক হমিদ
|
জম্মু অমসুং কশ্মির
|
আর্ত অমসুং কলচর
|
|
7.
|
মোহম্মদ হুসেন
|
বিহার
|
আর্ত অমসুং কলচর
|
|
8.
|
পদন্যালা লক্ষ্মী প্রিয়া
|
তেলঙ্গানা
|
আর্ত অমসুং কলচর
|
|
9.
|
সুহানী চৌহান
|
দিল্লী
|
ইন্নোভেসন
|
|
10.
|
অর্য়ন সিংহ
|
রাজস্থান
|
সাইন্স অমসুং তেক্নোলোজী
|
|
11.
|
অবনিশ তিৱারী
|
মধ্য প্রদেশ
|
সোসিএল সর্ভিস
|
|
12.
|
গরিমা
|
হরিয়ানা
|
সোসিএল সর্ভিস
|
|
13.
|
জ্যোৎসনা অখতর
|
ত্রিপুরা
|
সোসিএল সর্ভিস
|
|
14.
|
সাইয়ম মজুমদর
|
অসম
|
সোসিএল সর্ভিস
|
|
15.
|
আদিত্য য়াদব
|
উত্তর প্রদেশ
|
শান্ন-খোৎনবা
|
|
16.
|
চর্বী এ
|
কর্নাতকা
|
শান্ন-খোৎনবা
|
|
17.
|
জেসিকা নেয়ী সারিং
|
অরুনাচল প্রদেশ
|
শান্ন-খোৎনবা
|
|
18.
|
লিন্থোই চনম্বম
|
মনিপুর
|
শান্ন-খোৎনবা
|
|
19.
|
আর সুর্য়া প্রসাদ
|
আন্ধ্র প্রদেশ
|
শান্ন-খোৎনবা
|
https://twitter.com/smritiirani/status/1749459714327687207?t=ghYABfAweeacuzl9hi37IA&s=08
বুকলেত য়েংনবগীদমক্তা মফমসিদা ক্লিক তৌবীয়ু
******
(Release ID: 1999555)
Visitor Counter : 46