প্রধান মন্ত্রীনা জনুৱারী 25তা য়ু.পি.গী বুলন্দশহর অমসুং রাজস্থানগী জয়পুরদা চৎকনি। নুংথিলগী চাউরাকপা পুং 1.45 তাবা মতমদা, প্রধান মন্ত্রীনা বুলন্দশহরদা লুপা করোর 19,100 হেনবগী চাউখৎ থৌরাংগী থবক কয়া লৈবাক মীয়ামগী মফমদা খুৎশিন্নবগা লোয়ননা শঙ্গাগনি। প্রোজেক্তশিং অসি রেল, রোদ, থাউ, গ্যাস, অর্বান দিভেলপমেন্ত অমসুং হাউজিংগুম্বা মরু ওইবা সেক্তর কয়াগা মরী লৈনৈ।

প্রধান মন্ত্রীনা নুমিদাংৱাইরমগী পুং 5.30 তাবা মতমদা, ফ্রান্সকী রাস্ত্রপতি ইম্মানুএল মেক্রোনবু জয়পুরদা তরাম্না ওক্কনি। প্রধান মন্ত্রীনা ফ্রেঞ্চ রাস্ত্রপতি ইম্মানুএল মেক্রোনগা লোয়ননা জন্তর মন্তর, হৱা মহল অমসুং অলবর্ত হোল ম্যুজিয়মগুম্বা শহর অসিগী নাৎ অমসুং পুৱারীগা মরী লৈনবা মফম কয়াদা চৎকনি।

য়ু.পি.গী বুলন্দশহরদা পাংথোকপা থৌরমগী মনুংদা, প্রধান মন্ত্রীনা দেদিকেতেদ ফ্রৈত কোরিদোর (DFC)গী ন্যু খুর্জা-ন্যু রেৱারী সেক্সনগী মরক্কী  লৈবা কিমি 173 শাংবা দবল লাইন ইলেক্ত্রিফাইদ সেক্সন অসিবু স্তেসন অনিগী মরক্তা গুদ ত্রেনশিং ভিদিও কনফরেন্সিংগী খুত্থাংদা লম্থাদুনা লৈবাক মীয়ামদা খুৎশিন্নগনি। মসিগী অনৌবা DFC সেক্সন অসি য়াম্না মরু ওইবনি, মসিনা নোংপোকথংবা অমসুং নোংচুপথংবা DFCগী মরক্তা মরু ওইবা কন্নেক্তিবিতী পীরিবনি। মখা তারকপদা, মসিগী সেক্সন অসিবু মসিদা পাংথোক্লিবা ইঞ্জিনিয়রিংগী মশক থোকপা থবকশিং অসিগীদমক্তসু মমিং চৎলিবনি। মসিদা হাই রাইস ইলেক্ত্রিফিকেসন তৌবা কিলোমীতর অমা শাংবা দবল লাইন রেল তন্নেল য়াওরি। মসিদি মালেমদা অমখক্তং লৈবা থৌওংনি। তন্নেল অসি দবল স্তেক কন্তেনর ত্রেন শেন্নবা ঙম্নবা দিজাইন তৌখিবনি। মসিগী অনৌবা DFC সেক্সন অসিনা গুদ ত্রেনশিংবু DFC ত্রেক্তা হোংজিনহনখিবদগী পেসেঞ্জর ত্রেন চেনবদা য়াম্না হেন্না নুংঙাইহল্লগনি।

প্রধান মন্ত্রীনা লৈবাক মীয়ামগী মফমদা মথুরা-পলৱল সেক্সন অমসুং চিপিয়ানা বুজুর্গ-দাদ্রি সেক্সন শম্নহনবা মরিশুবা লাইন অমসু খুৎশিন্নগনি। মসিগী অনৌবা লাইনশিং অসিনা লৈবাক্কী কোনুংদগী খা-নোংচুপ অমসুং নোংপোকথংবা ভারত ফাওবগী রেল কন্নেক্তিবিতী হেন্না ফগৎহনগনি।

প্রধান মন্ত্রীনা লৈবাক মীয়ামদা রোদ দিভেলপমেন্ত প্রোজেক্ত কয়া অমসু খুৎশিন্নগনি। প্রোজেক্তশিং অসিদা অলিগরদগী ভদৱা ফাওবগী লেন মরি ওন্থোকপা পেকেজ-1 (NH34গী অলিগর-কানপুর সেক্সনগী শরুক অমা); শাম্লি (NH-709A) ফাওদুনা চৎপা মীরত্তগী কর্নাল ফাওবগী লম্বী পাকথোকহনবা; NH-709 AD পেকেজ-IIগী শাম্লি-মুজাফর্নগর সেক্সনবু লেন মরি ওন্থোকপগী থবক য়াওরি। মসিগী রোদ প্রোজেক্তশিং অসি পুন্না লুপা করোর 5000 হেন্না চঙদুনা পায়খৎপনি অমসুং মসিনা লমদমসিগী কন্নেক্তিবিতী ফগৎহনবগা লোয়ননা শেন্মিৎলোনগী থবক থৌরমশিংবুসু চাউখৎহনগনি।

প্রধান মন্ত্রীনা থৌরম অসিগী মনুংদা ইন্দিয়ন ওইলগী তুন্দলা-গৱারিয়া পাইপ্লাইন শঙ্গাগনি। লুপা করোর 700 চঙনা শাখিবা কিলোমীতর 255 শাংবা পাইপ্লাইন প্রোজেক্ত অসি পানরম্বা মতমদগী য়াম্না মাংজৌননা লোইশিনখিবনি। প্রোজেক্ত অসিনা মথুরা অমসুং তুন্দলাগী মরক্তা তুন্দলাদগী বারাউনী-কানপুর পাইপ্লাইনগী গৱারিয়া T পোইন্ত ফাওবদা পেত্রোলিয়মগী পোত্থোকশিংবু পম্পিং ফেসিলিতীগা লোয়ননা পুথোক পুশিন তৌবদা মশক থোক্না তেংবাংগনি। মসিনা তুন্দলা, লক্ষনৌ অমসুং কানপুরগী দেলিভরী ফেসিলিতীশিংদসু তেংবাংগনি।

প্রধান মন্ত্রীনা লৈবাক মীয়ামদা ‘ইন্তিগ্রেতেদ ইন্দস্ত্রীএল তাউনশিপ এত গ্রেতর নোইদা’ (IITGN) অমসু খুৎশিন্নগনি। প্রোজেক্ত অসি পি.এম.-গতিশক্তিগী মখাদা লৈবা কন্নেক্তিবিতী প্রোজেক্তশিংবু ইন্তিগ্রেতেদ ওইনা প্লান তৌবা অমসুং থবক পায়খৎপা হায়বা প্রধান মন্ত্রীগী পান্দমগা মরী লৈননা পায়খৎপনি। লুপা করোর 1714 চঙনা শাবা প্রোজেক্ত অসি একর 747 হেন্না শন্দোক্না লৈবনি অমসুং মসিদি ইস্তর্ন পেরিফরেল এক্সপ্রেসৱেনা খা লৈদুনা অমসুং দিল্লী-হৌরা ব্রোদ গেজ রেলৱে লাইন্না নোংপোক্তা লৈদুনা, ইস্তর্ন অমসুং ৱেস্তর্ন দেদিকেতেদ ফ্রৈত কোরিদোরগী ইন্তর্সেক্সন মনাক্তা লৈবনি। IITGNগী স্ত্রেতজিক ওইবা লৈফম অসিনা অয়েৎপা লৈতবা কন্নেক্তিবিতী পীগনি, মলতিমোদেল কন্নেক্তিবিতীগী অতোপ্পা ইনফ্রাস্ত্রকচর কয়াসু প্রোজেক্ত অসিগা নক্ননা লৈরি। মখোয়শিং অদুদি – নোইদা – গ্রেতর নোইদা এক্সপ্রেসৱে (5 km), য়মুনা এক্সপ্রেসৱে (10 km), দিল্লী এয়রপোর্ত (60 km), জেৱর এয়রপোর্ত (40 km), অজেবপুর রেলৱে স্তেসন (0.5 km) অমসুং ন্যু দাদ্রি DFCC স্তেসন (10 km) অসিনি। প্রোজেক্ত অসিনা লমদম অসিগী ইন্দস্ত্রীএল গ্রোথ হেনগৎহনবা, শেন্মিৎলোন্না য়াইফবা অমসুং সস্তেনেবল ওইনা চাউখৎপদা মশক থোক্না মতেং পাংগনি।

প্রধান মন্ত্রীনা থৌরম মনুংদা লুপা করোর 460 চঙনা শাখিবা  সিৱেজ ত্রিতমেন্ত প্লান্ত (STP) য়াওনা নৌনা শেমদোক্লবা মথুরা সিৱরেজ স্কিম হৌদোক্কনি। থবকশিং অসিদা মসানীদা MLD STP 30 শাবা, ত্রান্স য়মুনাদা লৈবা MLD 30 অমসুং মসানীদা লৈবা 6.8 MLD STPবু রিহেবিলিতেত তৌবা অমসুং MLD TTRO (তর্সিএরী ত্রিতমেন্ত এন্ড রিভর্স ওস্মোসিস প্লান্ত) প্লান্ত 20 শাবা য়াওরি। প্রধান মন্ত্রীনা মোরাদাবাদ (রামগঙ্গা) সিৱরেজ সীস্তেম অমসুং STP ৱর্ক (ফেজ-I) অসিবুসু শঙ্গাগনি। লুপা করোর 330 চঙনা শাখিবা প্রোজেক্ত অসিদা MLD STP 58, কিমি 264মুক শাংবা সিৱরেজ নেতৱর্ক অমসুং মোরাদাবাদকী রামগঙ্গা তুরলদা হেন্না মোৎশিলহনবা থিংনবা সিৱেজ পম্পিং স্তেসন মাপন শাবগী থৌরাং য়াওরি।

***