بروقت طبی امداد کی فراہمی کو یقینی بناتے ہوئے ایودھیا میں تعینات ایک جدید ترین موبائل ہسپتال، پروجیکٹ آروگیہ میتری کے بھیشم کیوب نے 65 سالہ جناب رام کرشن شریواستو کی جان بچانے میں اہم کردار ادا کیا۔ جناب شریواستو کو پران پرتیشٹھا تقریب کے دوران انہیں دل کا دورہ پڑا اور اچانک طبی ایمرجنسی کا سامنا کرنا پڑا، وہ بے ہوش ہو گئے۔

بھیشم کیوب سے بھارتی فضائیہ کی ریپڈ ریسپانس ٹیم نے واقعے کے ایک منٹ کے اندر جناب شریواستو کو نازک صورتحال سے باہر نکالا۔ اس طرح اس نازک گھڑی کا فائدہ اٹھاتے ہوئے انہیں خطرے سے نکالا گیا۔ کسی تکلیف دہ چوٹ یا طبی ایمرجنسی کے بعد پہلا گھنٹہ کامیاب ہنگامی علاج کے لیے بہت ضروری ہوتا ہے۔

ابتدائی تشخیص پر جناب شریواستو کو خطرناک حد تک ہائی بلڈ پریشر سے متاثر پایا گیا، جو170 210/ایم ایم ایچ جی پر ریکارڈ کیا گیا۔

ٹیم نے ان کی صحیح تشخیص کی اور مناسب ضابطے کے مطابق ان کا علاج کیا۔

اس فوری علاج سے ان کی حالت میں نمایاں بہتری آئی۔

بھیشم کیوب کی جدید سہولیات اور ہنر مند طبی عملے نے اس بات کو یقینی بنایا ک جناب شریواستو کو ہسپتال کی معیاری دیکھ بھال موقع پر بروقت ملے اور سنہری گھڑی کے دوران ان کی حالت کو مؤثر طریقے سے مستحکم کیا۔

اس اہم طبی امداد نے انہیں مزید مشاہدے اور خصوصی انتظام کے لیے سول ہسپتال میں محفوظ طور پر منتقل کرنے کی اجازت دی۔

اس فوری طبی امداد کی کامیابی ہنگامی حالات میں فوری، اعلیٰ معیار کی طبی نگہداشت فراہم کرنے میں موبائل ہسپتال یونٹس جیسے بھیشم کیوب کے اہم کردار کو نمایاں کرتی ہے، خاص طور پر ایسے حالات میں جہاں وقت کی بہت زیادہ اہمیت ہوتی ہے۔

پروجیکٹ آروگیہ میتری ایسے نازک حالات سے مؤثر طریقے سے نمٹنے میں چلتے پھرتے ہسپتال کی کارکردگی اور صلاحیت پر زور دیتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 3898)