جاری وکست بھارت سنکلپ یاترا کے تحت، اب تک گرام پنچایتوں اور شہری مقامی اداروں میں منعقد کیے گئے 1,99,199 ہیلتھ کیمپوں میں مجموعی تعداد 5,19,35,933 تک پہنچ گئی ہے۔

ہیلتھ کیمپس میں درج ذیل سرگرمیاں انجام دی جا رہی ہیں۔

آیوشمان بھارت - پردھان منتری جن آروگیہ یوجنا(اے بی- پی ایم جے اے وائی): وکست بھارت سنکلپ یاترا کے لیے  صحت اور خاندانی بہبود کی وزارت(ایم او ایچ ایف ڈبلیو) کی فلیگ شپ اسکیم کے تحت، آیوشمان ایپ کا استعمال کرتے ہوئے آیوشمان کارڈ بنائے جا رہے ہیں اور مستفیدین کو  فزیکل  کارڈ تقسیم کیے جا رہے ہیں۔ اب تک 48,96,774 فزیکل کارڈ تقسیم کیے جا چکے ہیں۔

کل منعقدہ ہیلتھ کیمپوں میں مجموعی طور پر 4,51,492 آیوشمان کارڈ بنائے گئے ہیں۔ مجموعی طور پر، اب تک 2,61,11,405 کارڈز بنائے جا چکے ہیں۔

تپ دق (ٹی بی): ٹی بی کے مریضوں کی اسکریننگ علامات کی اسکریننگ، تھوک کی جانچ، اور جہاں بھی دستیاب ہو این اے اے ٹی مشینوں کے ذریعے کی جاتی ہے۔ ٹی بی کے مشتبہ کیسز کو اعلیٰ سہولیات میں بھیج دیا جاتا ہے۔ 65 ویں دن کے اختتام تک، 2,62,05,700 سے زیادہ لوگوں کی اسکریننگ کی جا چکی ہے جن میں سے 9,93,800 سے زیادہ کو صحت عامہ کی اعلیٰ سہولیات کے لیے بھیجا گیا ہے۔

پردھان منتری ٹی بی مکت بھارت ابھیان (پی ایم ٹی بی ایم اے) کے تحت، نِکشے متروں سے مدد حاصل کرنے کے لیے ٹی بی سے متاثرہ مریضوں کی رضامندی لی جا رہی ہے۔ نکشے متر بننے کے خواہشمند حاضرین کو موقع پر ہی رجسٹریشن بھی فراہم کی جارہی ہے۔ پی ایم ٹی بی ایم بی اے کے تحت 3,62,700 سے زیادہ مریضوں نے رضامندی دی ہے اور 99,100 سے زیادہ نئے نکشے متروں کے رجسٹر کیے گئے ہیں۔

نکشے پوشن یوجنا (این پی وائی) کے تحت، ٹی بی کے مریضوں کو براہ راست فائدہ کی منتقلی کے ذریعے مالی امداد فراہم کی جاتی ہے۔ اس مقصد کے لیے زیر التواء مستفیدین کے بینک کھاتوں کی تفصیلات جمع کی جارہی ہیں اور کھاتوں کو آدھار کے ساتھ  منسلک  کیا جارہا ہے۔ ایسے 69,300 استفادہ کنندگان کی تفصیلات جمع کی گئی ہیں۔

سکل سیل کی بیماری: غالب قبائلی آبادی والے علاقوں میں، اہل آبادی (40 سال تک کی عمر تک) کی اسکریننگ ایس سی ڈی کے لیے پوائنٹ آف کیئر(پی او سی) ٹیسٹ کے ذریعے یا حل پذیری پرکھ کے ذریعے سکل سیل بیماری (ایس سی ڈی) کا پتہ لگانے کے لیے کی جا رہی ہے۔ ٹیسٹ مثبت آنے والے کیسز کو انتظامیہ کے لیے اعلیٰ مراکز کو بھیجا جا رہا ہے۔ اب تک 31,34,600 سے زیادہ لوگوں کی اسکریننگ کی جا چکی ہے جن میں سے 60,900 مثبت پائے گئے اور انہیں صحت عامہ کی اعلیٰ سہولیات کے لئے بھیج  دیا گیا ہے۔

غیر متعدی امراض(این سی ڈیز): ہائی بلڈ پریشر اور ذیابیطس کے علاج کے لیے اہل آبادی (30 سال اور اس سے زیادہ) کی اسکریننگ کی جا رہی ہے اور مثبت ہونے کے شبہ والے کیسز کو اعلیٰ مراکز میں بھیجا جا رہا ہے۔ ہائی بلڈ پریشر اور ذیابیطس کے لیے تقریباً 4,25,76,600 لوگوں کی اسکریننگ کی گئی ہے۔ 16,44,900 سے زیادہ لوگوں کو ہائی بلڈ پریشر کے مثبت ہونے کا شبہ تھا اور 11,74,700 سے زیادہ کو ذیابیطس کا شبہ تھا اور 25,50,700 سے زیادہ لوگوں کو صحت عامہ کی اعلیٰ سہولیات کے لئے ریفرکیا گیا تھا۔

انامایا، آندھرا پردیش

بکسر، بہار

ہوشیار پور، پنجاب

بارہمولہ، جموں و کشمیر

بیمتارا، چھتیس گڑھ

نوکلک، ناگالینڈ

پس منظر:

ملک بھر میں مرکزی حکومت کی اسکیموں کے فوائد کو پوری طرح اہل افراد تک پہنچانے کے لیے 15 نومبر کو عزت مآب وزیر اعظم نے کھونٹی، جھارکھنڈ سے وکست بھارت سنکلپ یاترا شروع کی تھی۔ وکست بھارت سنکلپ یاترا کے تحت موقع پر خدمات کے ایک حصے کے طور پر، گرام پنچایتوں میں آئی ای سی وین کے رکنے کے مقامات پر ہیلتھ کیمپس کا انعقاد کیا جا رہا ہے۔

*************

( ش ح ۔س  ب۔ رض (

U. No.3791