ਸਾਬਕਾ ਆਈਪੀਐੱਸ ਅਧਿਕਾਰੀ ਸ਼੍ਰੀ ਸ਼ੀਲ ਵਰਧਨ ਸਿੰਘ 37 ਸਾਲਾਂ ਤੋਂ ਵਿਲੱਖਣ ਸੇਵਾ ਵਿੱਚ ਰਹੇ ਹਨ। ਉਨ੍ਹਾਂ ਨੇ ਅੱਜ ਦੁਪਹਿਰ ਯੂਪੀਐੱਸਸੀ ਦੇ ਮੁੱਖ ਭਵਨ ਦੇ ਸੈਂਟਰਲ ਹਾਲ ਵਿੱਚ ਯੂਪੀਐੱਸਸੀ ਦੇ ਮੈਂਬਰ ਵਜੋਂ ਅਹੁਦੇ ਅਤੇ ਭੇਦ ਗੁਪਤ ਰੱਖਣ ਦੀ ਸਹੁੰ ਚੁੱਕੀ। ਉਨ੍ਹਾਂ ਨੂੰ ਯੂਪੀਐੱਸਸੀ ਦੇ ਚੇਅਰਮੈਨ ਡਾ. ਮਨੋਜ ਸੋਨੀ ਨੇ ਸਹੁੰ ਚੁਕਾਈ।

ਸ਼੍ਰੀ ਸ਼ੀਲ ਵਰਧਨ ਸਿੰਘ ਇੱਕ ਤਜਰਬੇਕਾਰ ਖੁਫੀਆ ਮਾਹਿਰ ਹਨ, ਜੋ ਰਣਨੀਤਕ ਸੋਚ, ਆਲਮੀ ਸੁਰੱਖਿਆ ਲੈਂਡਸਕੇਪ ਅਤੇ ਅੰਦਰੂਨੀ ਸੁਰੱਖਿਆ ਵਿੱਚ ਆਪਣੀ ਮੁਹਾਰਤ ਲਈ ਜਾਣੇ ਜਾਂਦੇ ਹਨ। ਉਨ੍ਹਾਂ ਨੇ ਨਵੰਬਰ 2021 ਤੋਂ ਦਸੰਬਰ 2023 ਤੱਕ ਸੀਆਈਐੱਸਐੱਫ ਦੇ ਡਾਇਰੈਕਟਰ ਜਨਰਲ ਵਜੋਂ ਸੇਵਾ ਨਿਭਾਈ ਅਤੇ ਉਨ੍ਹਾਂ ਮਹੱਤਵਪੂਰਨ ਉਦਯੋਗਿਕ ਖੇਤਰ ਵਿੱਚ ਸੁਰੱਖਿਆ ਨੂੰ ਵਧਾਉਣ ਲਈ ਦੂਰਦਰਸ਼ੀ ਅਗਵਾਈ ਪ੍ਰਦਾਨ ਕੀਤੀ। 

ਸ਼੍ਰੀ ਸ਼ੀਲ ਵਰਧਨ ਸਿੰਘ ਨੇ ਰਾਸ਼ਟਰੀ ਸੁਰੱਖਿਆ ਦੇ ਸਾਰੇ ਖੇਤਰਾਂ ਵਿੱਚ ਕੰਮ ਕੀਤਾ ਹੈ ਅਤੇ ਉੱਚ ਪੱਧਰ ਦੀ ਖੁਫੀਆ ਜਾਣਕਾਰੀ ਇਕੱਤਰ ਕਰਨ, ਵਿਸ਼ਲੇਸ਼ਣ ਅਤੇ ਰਾਸ਼ਟਰੀ ਸੁਰੱਖਿਆ ਨੀਤੀ ਬਣਾਉਣ ਵਿੱਚ ਯੋਗਦਾਨ ਦਿੱਤਾ ਹੈ। ਢਾਕਾ ਵਿੱਚ ਭਾਰਤੀ ਹਾਈ ਕਮਿਸ਼ਨ ਵਿੱਚ ਆਪਣੀ ਤਾਇਨਾਤੀ ਦੌਰਾਨ, ਉਨ੍ਹਾਂ ਨੇ ਭਾਰਤ ਦੀ ਅੰਤਰਰਾਸ਼ਟਰੀ ਸੁਰੱਖਿਆ ਸਥਿਤੀ ਨੂੰ ਮਜ਼ਬੂਤ ​​ਕੀਤਾ।

ਉਨ੍ਹਾਂ ਨੂੰ ਸਾਲ 2004 ਵਿੱਚ ਸ਼ਾਨਦਾਰ ਸੇਵਾਵਾਂ ਲਈ ਰਾਸ਼ਟਰਪਤੀ ਪੁਲਿਸ ਮੈਡਲ ਅਤੇ ਸਾਲ 2010 ਵਿੱਚ ਵਿਲੱਖਣ ਸੇਵਾਵਾਂ ਲਈ ਰਾਸ਼ਟਰਪਤੀ ਪੁਲਿਸ ਮੈਡਲ ਨਾਲ ਸਨਮਾਨਿਤ ਕੀਤਾ ਗਿਆ ਸੀ।

ਅੰਗਰੇਜ਼ੀ ਆਨਰਜ਼ ਵਿੱਚ ਗ੍ਰੈਜੂਏਟ, ਸ਼੍ਰੀ ਸ਼ੀਲ ਵਰਧਨ ਸਿੰਘ ਨੇ ਵੱਕਾਰੀ ਵੈਸਟ ਯੌਰਕਸ਼ਾਇਰ ਕਮਾਂਡ ਕੋਰਸ, ਯੂਕੇ ਅਤੇ ਨੈਸ਼ਨਲ ਡਿਫੈਂਸ ਕਾਲਜ, ਭਾਰਤ ਤੋਂ ਕੀਤਾ ਹੈ। ਉਨ੍ਹਾਂ ਨੇ ਲਘੂ ਕਹਾਣੀਆਂ ਦੀਆਂ ਦੋ ਭਾਗ ਲਿਖੇ ਹਨ ਅਤੇ ਟਾਈਮਜ਼ ਆਫ਼ ਇੰਡੀਆ ਵਿੱਚ 'ਸਪੀਕਿੰਗ ਟ੍ਰੀ' ਕਾਲਮ ਲਈ ਨਿਯਮਿਤ ਤੌਰ 'ਤੇ ਲਿਖਦੇ ਹਨ। ਉਨ੍ਹਾਂ ਦਾ ਪੋਡਕਾਸਟ- 'ਦ ਡਾਇਲਾਗ ਵਿਦਿਨ' ਜ਼ਿੰਦਗੀ 'ਤੇ ਉਨ੍ਹਾਂ ਦੇ ਖਾਸ ਦ੍ਰਿਸ਼ਟੀਕੋਣ ਨੂੰ ਸਾਹਮਣੇ ਲਿਆਉਂਦਾ ਹੈ।

ਸ਼੍ਰੀ ਸ਼ੀਲ ਵਰਧਨ ਸਿੰਘ ਇੱਕ ਉਤਸ਼ਾਹੀ ਖਿਡਾਰੀ, ਸਾਹਿਤ ਅਤੇ ਸਭਿਆਚਾਰਕ ਖੋਜ ਦੇ ਇੱਕ ਡੂੰਘੇ ਪ੍ਰੇਮੀ ਅਤੇ ਇੱਕ ਸਮਰਪਿਤ ਯੋਗ ਅਭਿਆਸੀ ਹਨ।

****

ਐੱਸਐੱਨਸੀ/ਪੀਕੇ